محتار بين الانسر لاسبورت الشكل القديم والجين 2 الاسبورت

**kmatshooo** · 19-09-2008 09:06 PM

ياجماعة محتاج ارائكم بصراحة انا محتار بين الانسر لاسبورت الشكل القديم والجين 2 الاسبورت فرق السعر حوالى 15 الف بس مش قارق معاى خالص انا عاوز اركب عربية محترمة وممكن ادفع 120 الف فى لانسر بس انا عجبانى الجين 2 والاوبشنز الى فيها اعلى بس خايف من مشاكل التقفيل ومشاكل العربيات الى مش المانى ولا يابانى انا طلع عينى مع لكورى هينداى ودايو انا عاوزه مقارنات علمية بين العربيتين من حيث كل حلجة متانة اوبشنز ومش عاوز مقارنة مادية وردوا على بسرعة انا مستعجل وجزاكم الله خير

**momenhamdy** · 19-09-2008 11:20 PM

اولا اهلاً بيك معنا يا سيدي الفاضل

بالنسبة للموضوع الي حضرتك عايز راينا فيه طبعاً موضوع الخامات و عيوب التقفيل القليلة الي موجوده في الجين 2 دا موضوع نسبة و تباسب يعني انا بالنسبة لي كانت العيوب دي بالنسبة لي عادي لان الحاجات دي مهما كانت صغيرة بتتعمل في صيانة الالف الاولي عند التوكيل
ولكن يوجد نوعية اخري من المستهلكين مش بيرضوا ببعض العيوب دي و لكن دي طيعاً اذواق و اراء فلنهاية

الخلاصة : طبعاً حضرتك لو مش فارقة معاك الحاجات الصغيرة زي زرار معلق او خلافه ( كلها حاجات بسيطة ) و تخليها تتعمل في الصيانة الاولي يبقي اتوكل علي الله علي الجين خصوصاً انا شايف حضرتك ميال ليها و طبعاً العربية سعرها ممتاز بالنسبة للامكانيات الي فيها

و لكن لو حيبقي الموضوع دا ممكن يعمل لحضرتك مشكله خلاص اتوكل علي الله و هات الانسر اسبورت

وربنا يوفقك الي الخير

**ahmad alshaaer** · 20-09-2008 08:29 AM

انا والله كنت زيك وفضلت افكر وصليت استخاره وجبت الجين 2 والحمد لله عجباني ومكيفاني جدا
لانها ببسااااااااطه تكيف اجدعها واحد
الانسر بقت عامله زي ال128
وانا والله ماحبيتها
العيب الوحيد اللي في الجين2 عن تجربه وانا مش من النوع اللي بيفتي وبقول اللي عارفه ولو جبتها هتقول احمد الشاعر كان عنده حق وهتفتكرني
العيوب هي
1-بتاكل بنزين وكلهم كده مش عيب في عربيتي واوعى حد يقنعك بغير كلامي بس انا شايف ان الرفاهيه والامان مش ببلاش
2- تانكها صغير 45 لتر فقط لحد الزور وده قليل بالنسبه لاكل البنزين
3-لو نوي تبيع تقيله في بيعها
4- ماقدرش افتيلك في العمر الافترااااضي بتاعها
انا شاريها بقالي شهر وماشي بيها 3000 كم وتماااام وعجباني على ده جدااا

**ahmad--ezzat** · 20-09-2008 08:34 AM

بصراحة
ومن
الاخر
الجــــــــــــــــــــــ ـــــــــــــــــــــــــ ـــــــــــــــــين انضففففففففف وارقى
لان دلوقتى اى حد راكب لنسر

**ahmedsiyam** · 20-09-2008 02:17 PM

انا رايى تحط الموضوع ده فى قسم المقارنات علشان تسمع برضه من مالكى اللانسر

**AhmedGen2** · 20-09-2008 02:49 PM

جين تو شكل احلى بكتير جدا من اللانسر ، خاصة السبورت باكج ، اللانسر مرطرطة فى الشوارع وتلاقى بين كل عربية لانسر ولانسر عربية لانسر.

كماليات الجين تو أكتر ومش هتحتاج تزود حاجة.
صاج الجين تو أقوى.
أداء السيارتين متقارب جدا ونقدر نقول متساوى ، لكن بالأرقام الجين تو تتفوق.
فرق السعر كبير مش قليل.

**khpopo** · 20-09-2008 06:33 PM

استاذى الفاضل
فعلا كلام مضبوط تانك الجين2 صغير 48 لتر.... لكن مش حريقة بنزين ودة لة هنا مقارنات وتحاليل بانمنتدى من مالكيها بالارقام بتعب وجهد منهم لاثبات حقيقة سحب البنزين ربنا يبارك لهم وهى فعلا كدة زى الكتالوج لكن عاوز تشد كل شوية استحمل .... مشى بهدوء وعاقل هتلاقيها زى اى عربية واحسن عن وجهة نظرى وربنا يوفق