الحمدالله اخيراااااااا جبت العربيه بعد تدوير مايقرب من سنه علي عربيه نضيفه و تكون مش عامله حادثه ولا فيها حاجة متغيره
الحمدلله اشتريت لانسر بومه 2007 1600 اتوماتيك خليجي فبريكا بره و جوه عداد 130 الف كيلو
وركنت بقي الوحش اللي تعب معايا سنين و سنين و لسه شغاله بالرغم من اني بقالي فتره ولا بغيرلها زيت ولا ببص عليه حتي ولا بهتم بيها خالص ولسه لحد دلوقتي عافيه و بتجري بي وبقالها معانا من ايام والدي كده بتاع 35 سنه و زياده و هي طبعا البيجو 504 موديل 73
ملاحظاتي علي اللانسر انه فعلان صوت الموتور بيكون عالي بس لما تضغط علي البنزين جامد و تبتدي تشد لكن لو ماشي هادي مش هاتسمع الموتور و لو قافل الازاز الصوت بيهدي برضوا
والعفشه ناشفه شويه بس انا برضوا بقول يمكن انا اللي سواقتي واحشه شويه و ماتعودتش علي العربيه لسه عشان انا في البيجو ماكنتش بقي اصلان ولا اهدي في المطبات كنت باخدها عادي خالص ولا يحصلها حاجة
ابقا اغسلها من تحت بزيت علي جاز بيطري العفشه شويه وهي محتاجه سواقه هاديه عالمطبات
انا بجد البيجو كان ممكن اطلع من فوق الرصيف و اعدي الناحيه التانيه عادي لا خالص ولا يحصلها حاجة
المهم بقي عايز نصايحكم بالنسبه للانسر الميه اللي بتتحطلها تكون ايه ؟ ميه خضرا ولا اجبلها ايه باظبط ؟
انا حاطط مياه موبيل المكتوب عليها g30 كانت ب 85 جنيه ودي تنفع للبومه حسب الموقع بتاعهم
وبزود مياه مقطره عاملها في البيت
وزيت الفتيس الاصلي بتاع ال cvt اجيبه من فين ؟
انا اشتريته من دايموند الكيلو 28 اسكندريه الصحراوي 5 لتر ب 220 جنيه هتحتاج اتنين لو هتغير بالشفط انما انا غيرت من الطبه فخدت ال 5 لتر وغيرته بره
وهو الطبيعي صحيح انه عداد الحراره يكون علي النص كده طول الوقت ولا ايه ؟
طبيعي جدا
عشان انا كان معايا البيجو ممكن امشي بيها ساعتين ومافيهاش ميه و عادي جدا ولا تسخن ولا اي حاجة ؟؟
تنك البنزين بتاع اللانسر كام لتر ؟ وهي بتاخد قد ايه في الطريق المفتوح و قد ايه في البلد جوه ؟
50 لتر حسب الكتالوج
انا يا جماعه في الغردقة ونازل القاهره كمان 10 ايام رايكم اسافر بالعربيه و اغيرلها سير الكاتينه و البلي و الحاجات ديه في مصر ولا اعملها هنا في الغردقة و خلاص ؟
في دايموند هنا علي فكره بس خايف يطلع غالي
اكشف عليها هنا و اشوف لو هايستحمل و لسه سليم يبقي اسافر بيها و اعمله في القاهره و خلاص
يفضل تغيرسير الكاتينه اكيد عندك الاصلي بيتباع هاته من دايموند وركبه بره عشان تمشي مطمن
و معلش طلب اخير عايز عنوان المتخصصون اللي في القاهره انا سامع انه الناس بتشكر فيهم اوي
العنوان موجود في كذا موضوع
وماتنساش تيل الفرامل مهم جدا جدا جدا تبص عليه وبص علي مستوي الزيوت برضو وغير زيت الماكنه وفلتر الزيت برضو وبص عالبطاريه كمان وربنا يسترها معاك
شكرا
المفضلات