الموضوع: أي حد عنده استفسار عن تصميم المواقع أو التسويق الإلكتروني أنا في الخدمة

آسف جدا يا جماعة بس أرجو مش عايزين نتطرق لحاجات فرعية عن هدف الموضوع الأساسي وهو الإجابة عن استفسارات متعلقة بتصميم المواقع أو التسويق الإلكتروني فقط
يعني لا استفسارات برمجية ولا تسويق أوفلاين والأمور دي ممكن اللي بيفهم فيها أو عايز استفسارات بخصوصها يبقى يعملها موضوع تاني مستقل
مع جزيل الشكر لتفهمكم وذلك من أجل إفادة قارئ الموضوع وعدم تشتته

المشاركة الأصلية كتبت بواسطة MaZaGAngeE

انا اسف جدا ابواسر ان الموضوع اتفرع كده ................

عايزين نرجع بقى للموضوع الاصلي ...


السؤال بقى :
لو انا عندي مجموعة مواضيع عن حاجة معينة و عايز احطها في موقع انترنت في شكل مجموعة مقالات ... ازاي يكون الموضوع ده مربح ليا ماديا ؟
هيحتاج الموقع قد ايه وقت لحد ما يجيب ربحية ؟
هحتاج مصاريف كام لو انا عندي مثلا 15 مقالة و معاهم 5 فيديوهات و 50 صورة ؟

ولا يهمك يا باشا :)
هتعمل مدونة ووردبريس أو بلوجر ويفضل بلوجر علشان تقدر تعمل حساب أدسنس مستضاف لأن الحسابات العادية صعب قبولها دلوقتي لكن المستضافة أسهل بكتير والمستضافة دي لازم تكون مرتبطة بمدونة بلوجر على نفس دومين بلوجر أو على اليوتيوب بس
الوقت لحد ما يجيب ربح ده بيعتمد على جهدك في الترويج لمدونتك وعلى مدى أهمية المقالات اللي فيها واهتمام الزوار بدخولها
مش هتحتاج أي مصاريف لحد ما تعمل المدونة لكن لو عايز تعملها ترويج مدفوع علشان تسرع إشهارها فده حسب الوسيلة اللي هتتبعها في الترويج المدفوع
لكن أنصحك بالاهتمام بالترويج المجاني عن طريق المواقع الاجتماعية كالفيس بوك وتويتر و linked-in وغيرهم وكذلك المدونات والمنتديات وما شابه بس الموضوع هيحتاج منك مجهود شوية لكن أحسن من الترويج المدفوع لأن الترويج المدفوع بتكون نتيجته وقتية بس لكن لو عايز تكسب صداقة محركات البحث خاصة جوجل حاول تنشر موقعك في أكثر من موقع بطريقة غير عشوائية ولا مزعجة بحيث يكون الرابط بتاع مدونتك موجود لأطول فترة ممكنة علشان تقدر تعمل ما يسمى Back links وهو أهم خطوة في خطوات رفع ترتيب مدونتك وزيادة فرصة ظهورها ضمن نتائج البحث الأولى مما يعني زيادة عدد الزوار بطريقة آلية وأن يكون مصدر الزوار أورجانيك وهو ما يفضله جوجل ويكون سعر النقرة على الإعلانات الموجودة بموقعك أعلى من سعرها بسبب زوار من مصادر أخرى
فهمت حاجة ؟
لو في كلامي حاجة مش واضحة حاول بس تبدأ خطوة بخطوة وتبدأ تسجل في بلوجر وتنشئ مدونة وبعدين تضيف محتويات المدونة وبعدين تدخل أدسنس وتسجل حساب وبعدين نبقى نشوف باقي الخطوات

المشاركة الأصلية كتبت بواسطة MaZaGAngeE

باشا ............. نقطة نظام ..
تعالى نحط مثال نطبقه مع بعض مع الاخذ في الاعتبار ان الهدف الاساسي من الموقع او البلوج هوه تحقيق عائد مادي

المثال :
انا عايز اعمل موقع انترنت او بلوج لمادة كربونات الكالسيوم و طرق استخراجها و صناعتها ..
جمعت و كتبت مقالات كتيرة عنها
مصور فيديوهات و صور كتيرة عن الصناعة التحجير و كل ما يخص الكربونات ..

عشان اعمل موقع انترنت محتاج اصرف تقريبا 400 جنيه للدومين و الاستضافة ... بس انا مش عايز اصرف و بالتالي قدامي اختيارين :
1- موقع مجاني
2- بلوج مجاني

ايه رايك اختار مين فيهم ؟

منا قلتلك مش هتدفع ولا مليم ولا هتحتاج دومين ولا استضافة
الفيديوهات هترفعها على حساب خاص بيك على اليوتيوب
المقالات والصور هترفعها على البلوج
هتدخل هنا
https://www.blogger.com/
وهتسجل عادي بإيميلك على الGmail أو تعمل حساب جديد لكل منتجات جوجل بما فيها البلوجر واليوتيوب وتبدأ تعمل مدونتك وهتلاقي شروحات كتير جدا على المواقع أو على اليوتيوب لكل خطوة من الخطوات دي
نخلص الكلام ده وبعدين نخش في اللي بعده

المشاركة الأصلية كتبت بواسطة MaZaGAngeE

ايوة تمام .... انا بس كنت بحط خريطة الطريق اللي هنمشي عليها .... بس من غير تسلم الايادي

انا شغلت البلوج و ربطته بجوجل بتاعي و بلس .... و اخترت التمبليت ...
الخطوة اللي بعد كده ايه ؟

ههههههههههه
أيوة بالله عليك بلاش تسلم الأيادي لحسن الحال يقف مش ناقصة :)

الخطوة اللي جاية انك ترفع الفيديوهات على يوتيوب وتنزلهم مع المقالات والصور على البلوج بس الأول تعمل categories وتنظم البلوج
واعمل حساب أماكن واضحة في التمبليت للإعلانات يعني فوق في الهيدر اعمل لوجو صغير بحيث يكون في مساحة 728*90 بكسل للإعلان العلوي ومساحة تانية في القوائم الجانبية متقلش عن عرض 250 والطول مفتوح مش مشكلة والإعلان التالت اعمل حسابه يبقى موجود في أول التدوينات بجانب الكلام هيبقى مساحته مثلا 336*280 أو 300*250 زي التقسيم ده مثلا
طريقة عمل مكرونة