مشكلة كبيرة في نيسان ارجو الافادة

**ziadsafty** · 13-12-2013 05:20 AM

لو سمحت انا معايا نيسان صني موديل 2008 اوتوماتك ماشية 81000 سحبها ضعيف جدا و فيها مشكلة بان انا و انا ماشي علي الغيار الثالث و دايس اخر الدواسة الار بي ام بيوصل ل ستة و نصف و بتكون ماشية علي 150 كم في الساعة و مش بترضي تجيب اكتر من كدة بعد كدة تاخد الرابع و ماترضاش تحرق علية توح راجعة للثالث مرة اخري ارجووكم ارجو الافادة لاني سمعت كلام كتيير و مش عارف اية الصح من كل دة

**ziadsafty** · 13-12-2013 05:25 AM

و ايضا اذا كنت ماشي علي الغيار الثالث و الار بي ام 2 و نصف توجد نتشة في العربية كلها ارجو الفادة و لكم الشكر

**Land_Cruiser** · 13-12-2013 07:39 AM

بص حضرتك ، الاعراض اللي كاتبها دي بالاضافه لعداد الكيلومتر تخللينى أسألك يا تري العربيه دي عملت صيانه ال 80 الف كيلومتر و لا لأ؟ موضوع السحب مثلا ليه علاقه بالبوجيهات و الفلاتر و زيت الموتور و اللي بيتم تغييرها مع الصيانه بتاعه ال 80 الف و كمان موضوع نتشه النقلات برضه زيت الفتيس بيتغير علي ال 80 الف

ده اللي بيتم تغييره في الصيانه دي (غير الكشف علي حاجات تانيه كتير)
- تغيير زيت الموتور و زيت الفتيس و زيت الفرامل و فلتر الزيت و مياه التبريد
- تغيير البوجيهات و السيور و فلتر الهواء
و علشان كده لازم تتأكد ان العربيه عملت صيانه ال 80 الف لو كنت لسه مشتريها و مش عارف اذا كانت عملتها و لا لأ و لو مكنتش عملتها يبقي أحجز و اعملها لانها صيانه كبيره و مهمه و الإهمال فيها مش كويس

**ziadsafty** · 13-12-2013 08:30 AM

هو انا حضرتك غيرت زيت الموتور و كل الفلاتر و البوجيهات ماعادا زيت الفتيس الراجل اللي اشترتها منو قاللي انا مغير الزيت و كشفت علية قالولي كويس

**Land_Cruiser** · 13-12-2013 08:45 AM

المشاركة الأصلية كتبت بواسطة ziadsafty

هو انا حضرتك غيرت زيت الموتور و كل الفلاتر و البوجيهات ماعادا زيت الفتيس الراجل اللي اشترتها منو قاللي انا مغير الزيت و كشفت علية قالولي كويس

لازم تاخد بال حضرتك ان زيت الفتيس في الطبيعي بيتزود بس لو ناقص انما في صيانه ال 80 الف بيتغير بالكامل و الاختلاف بين الاتنين كبير و من الحاجات المهمه كمان و ان كانت مش مرتبطه بالمشكله زيت الفرامل و السيور و مياه الرادياتير . طيب في حاجه بسيطه ممكن تعملها و هي ريسيت لكمبيوتر العربيه و هو بسيط و له فوائد كتير
بص علي طريقه عمله و المشاكل اللي بيعالجها في الموضوع الممتاز ده
http://www.nilemotors.net/Nile/284640-a.html