الموضوع: الفتيس و سيلكتور سويتش

السلام عليكم يا رجالة...القصة كالأتى...العربية كانت زى الفل بس نسيت الشباك مفتوح (ماكينة الرفع علقت بعد ما قفلت العربية)...المهم تانى يوم الصبح لقيت العربية منعكشة...و لما أدور ألاقى لمبة الفتيس منورة مش عايزة تطفى..و على D العربية مش عايزة تطلع...لازم أجيبها 1 ثم 2 بس R كويسة.....المهم ذهبي لميكانيكى أوبل فى أحمد سعيد و كشف بالكمبيوتر العربية جابت Error 56 للى هو سيليكتور سويتش و Error 39 اللى هو transimison RPM no signal المهم الراجل قالى الفتيس بايظ لازم يتغير...قلتله لا نظف الفيش كلها و السيلكتور سويتش الرجل إشتغل و متصلحتش...جابلى من عنده إثنين سيلسكتور سويتش و ركبناهم و برده مفيش فايدة اللمبة منورة و بالكشف بجهاز الأعطال Error 56 ...خد منى 50 جنيه كشف و 30 جنيه عشان فك و ركب كذا مرة...قالى الفتيس كده بايظ لازم تغيره...رحت بعدها ل مجدى رجب فى شارع أحمد سعيد متخصص فتيس بس..أول ما شافها قالى ده عيب كهرباء مش ميكانيكا...ضبط الكهرباء الأول و تعالى....إفتكرت بعدها إن علبة الفيوزات اللى جنب مفتاح الكبوت تحت الدركسيون كانت مفتوحة (بظبط فيها حاجات).....المهم تنصحونى بإيه ..أو حد يعرف كهربائى كويس...عشان أنا جبت جاز ....أخوكم هشام