السلام عليكم ورحمة الله وبركاتة
كل شتاء وانتم طيبين
حنتكلم ان شاء الله عن موضوع الاهتمام بالعفشة
كثير من الناس يهمل او ينسي حاجة اسمها عفشة في السيارة
وان عن نفسي بعتبر العفشة هيا روح العربية
زي مابتكشف علي الزيت والمياة لازم كل شوية تكشف علي العفشة
انا كل فترات اروح عند واحد حبيبي بتاع جكمان
واقولة يبص علي منظومة الجكمان وانا بدوري اكشف علي العفشة
فأذا كنت عاوز تحافظ علي عفشتك اكثر وقت ممكن عليك اتباع امر من الاثنين
الاول عبارة عن تصنيع بنوز تشحيم للجلب والمقصات
بس دة صعب شوية
واغلب السيارات الحديثة علي جلب زيت
مثل ذلك
...
......
ودي شوية فيديوهات
How to make Grease Fittings for Ball Joints - English Sub - YouTube
Lubricating Suspension - YouTube
Greasing ball joints. - YouTube
الموضوع الثاني بلدي شوية
حتروح اي مغسلة وتغسل السيارة من الاسفل بالجاز ثم ضغط مياة ثم جاز بفلوسك بئا
وتروح عند اي حد عفشجي ذو ثقة يربط عي العفشة ولو في حاجة يغيرها
والان دورك انت كفايانا رغي
حتشتري علبة شحم اسبراي ابيض يفضل ابرو ب27ج
وظيفتة يتغلغل ويتوغل الي داخل الجلب والمحافظة علي كاوتش الجلب او البيض من التشقق
انا زوت عليكو علبة طلاء ذو لون اسود وفرشاة سلك لزوم الي حتشوفوة الان
نيجي للمقارنة بين قبل الترويق وبعدة وطريقة التشحيم
...
..
نيجي للتشحيم كل جلبة امامك او بيضة او محور ارتاكاز او تياش ميزان
او بمعني اصح اي جزء متحرك يجب ان ترش علية بالشحم
بس خليك عاقل وانت بترش وقرب دليل الرش الي اقرب مايمكن
...
صورة لوضع الشحم بصنعة

نلاحظ في بعض الموديلات وجود ثقب صغير في جلب المقص
قم بادخال الدليل ذو اللون الاحمر ثم رش كما هوا موضح بالرسم الدليل داخل الثقب

وياسالام لو تجمل جميلك وتنفخ العجل نيتروجين
وادعيلي من قلبلك ولامة الاسلام ولمصرنا الحبيب