العربية منكده عليا

**menaraafat85** · 18-12-2013 12:19 PM

المشاركة الأصلية كتبت بواسطة drahmedhegy

يعني 3 سلندر شغالين والرابع مش شغال

المشاركة الأصلية كتبت بواسطة mazens

عادى يا باشا كلنا بنتعلم ونعرف

متليتة يعنى شغالة 3 سلندر بثلاث بوجيهات مثلا تلاقى الماتور مبرجل والشكمان عمال يتفتف أو يفرقع ( باك فاير ) ويدخن والعربية تبطل

شكرا يا جماعة
ودمتم للنضاااااال على رأى أخونا صدااام

**drahmedhegy** · 18-12-2013 12:39 PM

المشاركة الأصلية كتبت بواسطة mazens

اشكركم جميعا على الردود

انا فعلا شاكك فى السيرفو وانه هو اللى بيهرب الفاكيوم بتاع الماتور ويكون السبب فى التبطيل أو حساس الايديال

وانا برضه هشيك على فلتر البنزين والبوجيهات والرشاشات

بس السؤال هل ممكن يكون السبب البوبينة او الاسبراتير ؟؟؟؟

شيل اسلاك البوجيهات والعربيه دايره واحد واحد وشوف هل العربيه بتتاثر ولا لا لو مفيش فرق بين شيل وتركيب سلك البوجيه يبقي ممكن تكون مشكله اسبراتير او سلك البوجيه نفسه

**loda80** · 18-12-2013 01:03 PM

متلتة يعنى فى سلندر مش شغال لان العربية 4 سلندر متخفش دى مشكلة كهربا وعلى فكرة دا السبب ان العربية الاهتزاز فيها بيكون عالى لان ال4 سلنرات مع بعض بيخلى العربية متزنة بمعنى أخر بيمنع الاهتزاز فى العربية وتقبل مرورى

**فادى محمد** · 18-12-2013 01:03 PM

-السيرفو لو بايظ او خط السيرفو العربيه هتلخبط بس مش هتتلت (في فرق)
اللخبطه دي بتبقي ع السلانسيه بس ولو دوست بنزين او مشيت علي سرعات بعد الغيار
التالت بتظبط ده يبقي سيرفو او وصله سيرفو . اما لو متلته بمعني ان في سلندر مش
بيشتغل فلازم تدور ع الكهربا من اول طلوعها من فحمات الاسبراتير فالاسلاك فالبوجيه
والرشاش (لو العربيه 4 رشاشات)

**فادى محمد** · 18-12-2013 04:26 PM

المشاركة الأصلية كتبت بواسطة mazens

فعلا العربية مع دوس البنزين بتبقى زى الفل والماتور صوته ناعم وجميل مجرد ما تبتدى الزحمة وبعد ما ااقف وابتدى امشى بالراحة بعد حوالى من 5 - 10 دقايق بتبتدى تتلخبط والماتور بيعلى وينزل والار بى ام طالع نازل وتبدأ تبطل وباحس انها زى ما يكون متلته وتبطل زى ما قولت .

كده يبقى العيب منين

تمام..
هننقل لنقطه تانيه علشان نتاكد اننا ماشيين صح. الفرامل قويه ولا ضعيفه ؟ عاوزك تعمل اختبار السيرفو.
هتبطل الموتور وتكارك علي دواسه الفرامل (المفروض في الاول طريه وبعد كده تقف وتحجر فوق) خليك دايس والبدال محجر تحت رجلك, دور الموتور دلوقتي ولاحظ رجلك (المفروض تنزل وتلين زي الاول) شوف كده ايه اللي هيحصل معاك ؟