الموضوع: بيجو بارتنر

المشاركة الأصلية كتبت بواسطة emam

يا جماعة ان شفت اعلان فى الجرنان عن عربية بيجو mcv 7 راكب اسمها بيجو بارتنر ب 93 الف حد يعرف عنها حاجه لو حد شفها واستخدمها ياريت يقولنا عنها حاجه وبتتباع فين وكدة عشان بدور على عربية 7 راكب عشان الاسرة ومستنى الشكل الجديد بتاع اللوجان بس للاسف شكله مش هينزل مصر

البارتنر فعلاً أغلب شغلها في مصر بيوصل منتجات الأغذية من الشركات للمحلات, نظام التوزيع.
والتوكيل كمان بيستخدمها في عربيات الخدمة السريعة بتاعته,
عربية المفروض أقتصادية في أستهلاك البنزين والديزل عشان كدا الشركات بتشتريها
قطع غيارها معرفش عنها حاجة للأسف,

ال 307 عربية جميلة بس هيا 5 كراسي بس ولو ركبت الكرسين الاضافيين ورا الشنطة هتبقي صغيرة جدا جداً,
كمان صعب تلاقي حاجة نضيفة في الوقت الحالي, لأن أخر موديل ليها كان 2008,
ولو فكرت تشوف ال 308 هتبقي أغلي من الرينج اللي بتفكر فيه.

عشان كدا لو عايز عربية 7 راكب من الأساس ومش غالية شوية شوف اللوجان,
أما لو عايز حاجة 7 راكب ومريحة شوف البيجو 5008
وكلم التوكيل برضه وأعرف منه أكتر عن البارتنر وأعرف أسعار قطع غيارها, وأبقي قولنا عملت أيه.

المشاركة الأصلية كتبت بواسطة emam

اشكرك استاذ احمد على المشاركة وهحاول أسال فى التوكيل عليها او هستنى اللوجان الشكل الجديد لما ينزل والله المستعان

الشكر لله يا أستاذ إمام,
وبالتوفيق في الأختيار.

وأبقي عرفنا عملت أيه, وأستقريت علي أيه لما تيجي تشتري.