أي مشكلة في السيارات النيسان ضعها هنا وسوف نساعدك علي حلها ان شاء الله

**Hisham Khairy** · 27-01-2014 10:31 AM

معى سيارة نيسان صنى 94 لسة شاريها وجبت كل جاجة ناقصة فيها تقريبا بس الشئ اللى ناقص هو جوانات الزجاج للابواب لانها متقطعة وهالكة ومش عارف اجيبها والمشكلة انها داخلة سمركة وبوية فكده كده هيشتال واكيه هتتقطع عند التركيب فلو عارف اجيبها منين او عنده خبرة بالموضوع ده يفيدنى فيها وجزاكم الله خير .

**Hanytoto12** · 31-01-2014 04:56 PM

ليه بحس إني مع دواسة الفرامل نيوصني 2014 مش بتستجيب إلا بعد مسافة .. يعني مش بتستجيب مع أول ضغطة بسيطة .. ده عادي وللا إيه؟

**hossam_bonie1** · 01-02-2014 11:29 AM

السلام عليكم
ياجماعة انا ليا سؤال انا معايا نيسان صني 2012 الشكل القديم
بقالي يومين بسمع صوت الماتور عالي اوي مع دوسة البنزين او زيادة السرعة مش عارف ليه
عاوز اضيف معلومة اني وانا بارجع مرشدير خبط في حجر بس كان مش عالي مايوصلش للاكصدام ممكن يكون خبط في الشكمان
هل ده ممكن يعمل الصوت ده ياريت حد يفيدني
وشكرا لكم

**mo'men tendawy** · 01-02-2014 08:36 PM

المشاركة الأصلية كتبت بواسطة hatahet

دا تيل الفرامل يا كبيير و محتاج يتغير و لو عداد الكيلومتر لسه قليل روح غيرهم في الضمان انا دا اللي حصل معايا

انا عندى نفس المشكله واعتقد كده انه تيل الفرامل و يمكن الطنابير . . وبيقولوا العربيات اللى رقم الشاسيه قبل 10000 هايغيروها على طول وهايغيروا الماستر معاه كمان
بس المشكله انى رايح صيانه الـ 10000 بعد 10ايام فى اوتو ايجبيت وقلقان لحسن مايغيروهاش وشفت من مشاركه اصدقاء هنا فى الموقع انه بيحصل مماطله علشان ما يغيروهوش فى التوكيل جوه الضمان ومش عارف اعمل ايه . . . وانا بالنسبالى ده مشوار لانى مش من القاهره
وسوال تانى ارجو بشده الافاده ؟
عايز اغير زيت الموتور. . . قالوا الزيت التخليقى افضل من المعدنى . . . وهما بيحطوا فى التوكيل توتال 10000 ده تخليقى ولا معدنى ؟ . . . وايه افضل نوع ممكن انزله للعربيه ؟
وشـــــــــكرا لكل الاصدقاء يالمنتدى

**cabbo** · 02-02-2014 04:12 AM

السلام عليكم
انا معايا نيسان صنى 2008 الفوانيس المسحووبة تمام .... بس المشكلة عندى فى الفوانيس الامامية تمام ... عندى الفانوس اليمين نضيف اووووى بس المشكلة فى الفانوس الشمال زى متقول كدة متوسخ من جوة فى تراب . سؤالى يا نجم بقى هل ينفع بقى افك الفانوس كلة و افك الوش بتاعة وانظفة ويرجع زى ما كان نظيف . ولا الفانوس متبرشم مش هينفع يتفتح . و لو بيتفك اروح لمين ينظفة وتكلفتة التنظيف كام .

معلش انا طولت عليك بس الموضوع دة مضايقنى..... ـــــــ شكرا

**Hisham Khairy** · 03-02-2014 09:47 AM

المشاركة الأصلية كتبت بواسطة cabbo

السلام عليكم
انا معايا نيسان صنى 2008 الفوانيس المسحووبة تمام .... بس المشكلة عندى فى الفوانيس الامامية تمام ... عندى الفانوس اليمين نضيف اووووى بس المشكلة فى الفانوس الشمال زى متقول كدة متوسخ من جوة فى تراب . سؤالى يا نجم بقى هل ينفع بقى افك الفانوس كلة و افك الوش بتاعة وانظفة ويرجع زى ما كان نظيف . ولا الفانوس متبرشم مش هينفع يتفتح . و لو بيتفك اروح لمين ينظفة وتكلفتة التنظيف كام .

معلش انا طولت عليك بس الموضوع دة مضايقنى..... ـــــــ شكرا

فية واحد فى حدائق القبة بينضف ب 30 جنية بس وشغله احتراف بس لو هتفك ركب رنجات بقى وظبط الشكل ودة رقمة 01097884800

**atwa** · 03-02-2014 03:56 PM

انا معاى سوبر صالون الشكل الجديد عاملة 19000 المشكلة ان يوم الاقيها بتجرى وخفيفة(بنجرى لوحديها) ويوم تبقا ثقيلة ومش عاوزة تمشى(رمه) روحت التوكيل وعملت صيانة ال15000كم واشتكيت من المشكلة وفحصها واخذ 150 جنية للكشف بالجهاز عليها وهى هى نفس المشكلة وغير زيت من زيت بترولى 5000كم الى زيت معدنى 10000كم فما هو الحل لهذة المشكلة

**Hanytoto12** · 11-02-2014 02:16 PM

المشاركة الأصلية كتبت بواسطة hanytoto12

ليه بحس إني مع دواسة الفرامل نيوصني 2014 مش بتستجيب إلا بعد مسافة .. يعني مش بتستجيب مع أول ضغطة بسيطة .. ده عادي وللا إيه؟

مازلت منتظر ردكم أدام الله فضلكم

**wael hanafi** · 09-04-2014 05:58 PM

انا عندى نيسان تيدا 2006 وعندى مشكله غريبه العربيه عطلت منى مره واحده رجرجت وبعدين طفت حاولت ادور مش عايزه تدور لحد مادارت بس مبرجله المهم مشيت شويه وحلفت مدور تانى ولمت التشيك انجين نورت المهم رفعتها ووديتها مودرن موتورز الدقى كشف بالكومبيوتر لقى عيب حساس كرنك غيره اللمبه طفت طلعوا يجربوا ورجعت تمام تركن ونحاول ندور تعلق وبعدين تدور ولمبه التيشك نورت تانى المهم مش عاوز اطول قالوا فيشه حساس غيروها وبعدين بوجيهات وبعدين حساس هوا المهم تتجرب تمشى كويس ترجع التوكيل تدور تانى تعلق مرتين ولمبه التشيك تنور تانى لحد منزل كبير مهندسى نيسان بنفسه علشان يكشف عليها اخر حاجه قلى المشكله طالعه فى الضفيره هنعيد عليها كلها مع العلم بانى لم افعل شى فيها قريب فى الماتور لا غسيل ولا شغل ميكانيكا موضوع محير وبقالها اسبوع فى التوكيل على امل ان تكون مشكله فى احدى فيش الضفيره او خلل فى احد اجزائها المهم انى فى التوكيل مفيش بعد التوكيل مش عارف ايه المشكله اللى بتروح وتيجى وكمان الحاجات اللى قاعد اغيرها حقل تجارب واللى بيعيط فى الاخر جيبى من فواتير التوكيل ,,, عرضت الموضوع يمكن حد اتعرض لكده قبل كده ولطرحه للنقاش والاراء واسف على الاطاله

**AbdelRa0uf** · 10-04-2014 02:02 AM

لو سمحت هوا فيه حاجة اسمها قفل امان للموتور ؟؟ يعنى بمعنى انو يوصل على ال160 و ميعديش ؟؟
و احسن و ازود سحب العربية و التجميع و الشد ازاااى !!
العربية نيسان صنى 2010 سوبر صالون و اخر صيانة عملتها صيانة ال35000 و هيا دلوقتى ماشية 44000
برجاء الرد للاهمية
تحياتى