لو معاك 140 تشتري إيه زيرو أوتوماتيك؟

**ibrahimelt** · 20-12-2013 02:05 AM

انا تقريبا فى نفس الحيره بتاعتك
بسواعتقد ان البيجو ٣٠١
ولو ينفع تزود يبقو الفلوانس ١٥٥ الف
او الكرولا موديل ٢٠١٣ عامله ١٦٢ الف

على العموم مبروك مقدما و اكيد لازم تقولى انت رسيت على ايه علشان هستفيد منك كتييييييييييير ان شاء الله

**monamize4** · 20-12-2013 02:18 AM

طبعا هات ريو

**Ahmed TRAVCO** · 20-12-2013 10:31 PM

بص حضرتك هتزود 5 آلاف وتروح جايب الشارك الفئة التانية لأنها ببساطة افضل من كل العربيات اللي انت ركبتها وذكرت اسماءها... وبنفس البساطة هي افضل عربية في الفئة السعرية دي والمفروض ميبقاش مكانها خالص مع الـ301 والريو والحاجات دي مع كامل الاحترام... بس دي اهانة لعربية انا شايفها -وقبلها الامبريزا- الوحيدة اللي تستحق الفلوس المدفوعة فيها والباقي كله مبالغ في اسعاره حتى لو كان جيد... حضرتك بتقول مش حابب تغامر مع موديل لسة غير معروف يبقى خلاص عندك عربية من 2008 وعمرنا عمرنا ما سمعنا عن مشاكل في تقفيلها او عفشتها او فتيسها او اي حاجة... بالعكس قمة في الاعتمادية لدرجة ان مازدا مركبة نفس الفتيس ده في المازدا3... وبعدين قلة انتشار العربية مخليها لا تزال جذابة الى حد كبير في الشارع مش زي عربيات تانية انتشرت بشكل ملحوظ جدا لدرجة ان شكلها بقى ممل وغير ملفت رغم نزولها من سنتين تلاتة بس...

**المفتاح** · 21-12-2013 02:55 AM

المشاركة الأصلية كتبت بواسطة Ahmed TRAVCO

بص حضرتك هتزود 5 آلاف وتروح جايب الشارك الفئة التانية لأنها ببساطة افضل من كل العربيات اللي انت ركبتها وذكرت اسماءها... وبنفس البساطة هي افضل عربية في الفئة السعرية دي والمفروض ميبقاش مكانها خالص مع الـ301 والريو والحاجات دي مع كامل الاحترام... بس دي اهانة لعربية انا شايفها -وقبلها الامبريزا- الوحيدة اللي تستحق الفلوس المدفوعة فيها والباقي كله مبالغ في اسعاره حتى لو كان جيد... حضرتك بتقول مش حابب تغامر مع موديل لسة غير معروف يبقى خلاص عندك عربية من 2008 وعمرنا عمرنا ما سمعنا عن مشاكل في تقفيلها او عفشتها او فتيسها او اي حاجة... بالعكس قمة في الاعتمادية لدرجة ان مازدا مركبة نفس الفتيس ده في المازدا3... وبعدين قلة انتشار العربية مخليها لا تزال جذابة الى حد كبير في الشارع مش زي عربيات تانية انتشرت بشكل ملحوظ جدا لدرجة ان شكلها بقى ممل وغير ملفت رغم نزولها من سنتين تلاتة بس...

شكرا يا أحمد، بدأت أميل فعلا للانسر Full Options فيها كل حاجه ومجربه وثقة والخ وبـ 145.

فكرت أتجنن وأزود عن كدا في سبيل إما عربية شكلها رياضي أو جيب وقلت أشوف نيسان جوك وقشقاي مانويل لكن قل انبهاري بهم لأن جوك صغيره أوي، وقشقاي مش كبيرة أوي بحجم ال 4x4 إنما كروس أوفر تحس انها عربية هاتشباك لكن مرتفعة وكبيرة شوية، كنت فاكرها أكبر وأفخم من كدا، عموما هبقى أعاينهم وأجربهم في الواقع وربما أشوف الرينو فلوانس وهوندا سيتي، لو ماعرفوش يجننوني علشان أزود يبقى خلاص لانسر شارك سودا بقى وشكلها هترسى على كدا

**S O P H O S** · 27-12-2013 07:12 PM

ريو او ياريس الاثنين هتشباك
لو عاوز عربية صغيرة

**mahmed0100** · 30-12-2013 08:24 AM

اللانسر الشارك من 2008 نفس الهيئه و الشكل .. مش حتحس انك راكب زيرو
و راجع كويس موضوع ان مفيش فيها مشاكل تضايقك
عن نفسي حجزت 301 و شايف انها تغيير مناسب بالنسبه للعربيات اللي انت ركبتها قبل كده
بالتوفيق

**raad13** · 30-12-2013 11:20 AM

مفيش منافسة مع ال301 في الفئة دي

**raad13** · 30-12-2013 11:30 AM

الشارك الفئة التانية اغلى من ال301 ب10,000 جنيه و فاضية من جوا!! ده غير ان قطع غيارها اغلى بمراحل من ال301 !! صدقني مفيش منافسة مع ال301 في الفئة السعرية دي غير لو شارك رخصت مثلا

**ALshahba** · 30-12-2013 12:41 PM

الفئة السعرية دي عندك الاتي ":
1- بيجو 301 (تعتبر افضل فئاتها واثبتهم)
2- كيا ريو , جميله جدا
3- جين 2 (لا افضلها فى الثبات)
4- تيجو الجديده (بس مش واسعه اوي)

لو حتزود شويه امامك الاتي :
- فلوانس e3
- شارك (اقل كماليات-شكل قديم من 2008)
- سيراتو تاني فئه
- سيتوين c4

شوف انت احتياجاتك فى ايه اكثر ...... شاب لوحدك ولا اسره ..... سواقه رياضيه ولا ناعمه ولا متوسطه......سفر ولا داخلي

بالتوفيق