الموضوع: حد عمل كتاوت نور لميجان 2 قبل كده ؟

المشاركة الأصلية كتبت بواسطة titofouda

لاان العربيه ديه مشكلتها فى الخامات بتاعت الكهرباء بتعاتها وعشان كده سعرها رخيص فنصيحه اياك تعدل فى كهربتها ولو لمبه

مش عارف الصراحه هو رأي حضرتك ده جبته من فين دي اجود الخامات فيها انا لو من حضرتك ابص عالفيشه و تركيبها و الخامات و التقفيل بتاعها و هقول لحضرتك مالاوكتافيا سعرها فوق و فيها نفس الكلام
و سبب وقوع سعر الميجان انها كانت سابقه زمنها و الميكانيكيا البصمجيه اللي في بلدنا الحلوه ميعرفوش يعملوا فيها اي حاجه فيقولك العربيه دي فيها و فيها وفيها و مش بشتغل في العربيات دي لانها مش عارف بتعمل ايه و ................ يا ريت تتأكد من الموضوع اللي حضرتك بتقوله و بالنسبه لطرمبه البنزين اكيد حضرتك حطيط طرمبه مش بتاعت الميجان ولكن متوفقه لان جهدها مختلف علشان كده كانت هتسيح الفيشه لحضرتك و شكرا

اما بالنسبه لموضوع الكتاوت فهو بيركب عادي بس بيقص في الفيشه و بيركب الكتاوت كانه كوبري عالفيشه و صديقي مركبه للفوجات و النور العالي لانه مركب زينون فيليبس و العربيه واااااااااااااو
لو رضي هحاول اصورها لحضرتك و ارفع صورتها بس هو يرضى

انا مش بحليها و بقول لحضرتك اللي انا شايفه من وجهه نظري و لو حضرتك شوفت انا معاني من مشكله مع الازاز بسبب الغسيل و لما فكيت الفيشه زهلت من الجوده ونضفتها وانتهت المشكله و معلش الميجان مشهور وسط الناس بجوده مواده و انزل اسأل اي حد معاه العربيه بحاله جيده و اسمع اللي هيتقال لحضرتك عن خاماتها و حضرتك بتقول الخامات سيئه و ده سبب نزول سعر العربيه لكن السبب الرئيسي مش الخامات انما ثقافه شعب و جيبت لحضرتك لقرب مثل ان الاوكتافيا فيها عيب فيشه النور نفسه و برضه جرب اغسلها في بنزينه و هتعرف اللي انا بقوله لحضرتك و معلش حضرتك شاري عربيه بمبلغ و قدره و مش عايز تحطلها قطع اصليه وعايزها متقولش لا ولو قالت لا تبقى اسوأ عربيه و هو ده اللي حاصل انا ليا صديق مشارك في ورشه لقيت واحد بيقوله احرقلي لمبه الايرباج علشان هبيع العربيه و واحد تاني يقوله هاتلي القطعه الاصلي فيرد العميل ماهي التقليد هتمشيني و هكذا فاللي بيشتري مستعمل مش من حد محترم العربيه هتطلع عينه وده مش للميجان بس انما لاي ماركه حديثه و علي فكره ياريت تعمل استفتاء من الملاك اللي راكبين و حضرتك هتوصل للنتيجه الحقيقيه من الملاك و شكرا لاهتمامك