علاج الكرش

**egyptawy2010** · 20-12-2013 08:43 PM

ياجماعة هل من علاج للكرش

او تمارين

شكرا

**AhmdDomar** · 20-12-2013 09:03 PM

من الآخر إشترك في جيم وكل شئ هيكون زي الفل حتى ولو شهرين

**Ahmed.Essam** · 20-12-2013 10:03 PM

علاج الكرش محتاج مجهود وارادة جامدة

اولا .. لازم نظام غذائي من غيره مش هتعرف تخسس الكرش
انا مش هقولك نظام غذائي لاني مش مدرب دارس ولا دكتور انا مجرد بلعب رياضة لكن هقول خطوط عريضة هي تقليل النشويات والدهون في الاكل يعني تبعد عن الاكل المسبك والمحمر والمشمر والحلويات

ثانيا .. مهم تجري وتاخد الموضوع ده بالتدريج يعني اسبوع تجري لمدة ربع ساعة واللي بعده تزود شوية واللي بعده شوية اكتر وهكذا ..
لان الجري بيحرق دهون جامد وبيقوي القلب وبيساعدك تؤدي تمارين رياضية بشكل افضل

ثالثا .. في تمارين كتير لشد البطن لو عاوز تعرفها دور عليها في اليوتيوب عشان تعرف طريقة لعبها لان لو وصفتها بالكلام مش هيبقى شرح وافي يفيدك اوي
في تمارين لعضلات البطن العلوية والسفلية والاجناب

يستحسن عشان تلاقي التشجيع تروح جيم بس الاهم من الجيم يكون هناك مدرب فااااهم ( يعني دارس ) ويكون بيهتم باللي بيلعبوا رياضة في الجيم عنده مش مجرد يقولك تمرين ولا اتنين ويسيبك مع نفسك

**Ahmed TRAVCO** · 20-12-2013 10:14 PM

شوف يا اخي الكريم اعز اصدقائي كان زميلي في نفس الوقت ثم جاله شغل كمضيف جوي واضطر انه ينزل وزنه -وبطنه بالأخص- في اقل من شهرين... هقولك اللي انا شفته بيعمله قدامي:
أولا: لازم وحتما ولابد تجري بانتظام حتى لو لمدد قصيرة... بس المهم الانتظام وبشكل يومي.
ثانيا: لازم تعود نفسك تاكل وجبتين فقط (ويفضل افطار وغداء) وانا هنا بتكلم عن وجبتين كويسين... وقت العشاء بقى لازم تعود نفسك تقضيها فاكهة وسلطة خضرا بشكل اساسي ولو هتاكل حاجة جنبهم تبقى حاجة صغيرة...
ثالثا: اكل التفاح اول ما تصحى (على الريق)...
رابعا: وده من اهم الحاجات اللي لاحظتها جابت نتيجة معاه... عليك وعلى الشاي الأخضر... بجد حاجة رااائعة وجابت معاه من الآخر...
صديق المذكور قدر ينزل من وزنه 9كج بالضبط في اقل من شهرين ما شاء الله بدون علاجات ولا انظمة غذائية معقدة... وطبعا بتفق مع الزميل اللي بينصح بالتقليل من النشويات والحلويات علشان اقصى استفادة... زائد طبعا الابتعاد -ولو تدريجيا- عن المياه الغازية والامتناع تماما تماما عن النوم بعد الأكل... وربنا يوفقك!!

**abdulkhaleq** · 20-12-2013 11:33 PM

شوف ياسيدي
كرش يعني في عندك وزن ودهون زياده
مافيش حاجه هتنزل الكرش بس
انت هتنزل وزن جسمك كلله ونسبة الدهون كللها

الكرش بيبان من الدهون وارتخاء عضلة البطن عشان مافيش مجهود
وطبعا التمرين مش هيكون للبطن بس, لأ بطن وأجناب والمحيط كلله
وطبعا ماحدش بيمرن جزء ويسيب باقي جسمه

يبقى زي ماقاللك الأخ وفر على نفسك وروح جيم

التغذيه
هتاكل قد اللي بتحرقه
ودي قصه تانيه هتعرفها اما تبدأ تتمرن ان شاء الله

**Abo Yasso** · 22-12-2013 02:20 PM

المشاركة الأصلية كتبت بواسطة Ahmed.Essam

علاج الكرش محتاج مجهود وارادة جامدة

اولا .. لازم نظام غذائي من غيره مش هتعرف تخسس الكرش
انا مش هقولك نظام غذائي لاني مش مدرب دارس ولا دكتور انا مجرد بلعب رياضة لكن هقول خطوط عريضة هي تقليل النشويات والدهون في الاكل يعني تبعد عن الاكل المسبك والمحمر والمشمر والحلويات

ثانيا .. مهم تجري وتاخد الموضوع ده بالتدريج يعني اسبوع تجري لمدة ربع ساعة واللي بعده تزود شوية واللي بعده شوية اكتر وهكذا ..
لان الجري بيحرق دهون جامد وبيقوي القلب وبيساعدك تؤدي تمارين رياضية بشكل افضل

ثالثا .. في تمارين كتير لشد البطن لو عاوز تعرفها دور عليها في اليوتيوب عشان تعرف طريقة لعبها لان لو وصفتها بالكلام مش هيبقى شرح وافي يفيدك اوي
في تمارين لعضلات البطن العلوية والسفلية والاجناب

يستحسن عشان تلاقي التشجيع تروح جيم بس الاهم من الجيم يكون هناك مدرب فااااهم ( يعني دارس ) ويكون بيهتم باللي بيلعبوا رياضة في الجيم عنده مش مجرد يقولك تمرين ولا اتنين ويسيبك مع نفسك

واقل شيى ممكن تعملو العشاء بتاعك يكون زبادى وتمشى ساعه فى اليوم النتيجه بعد شهر هتكون جميله

**friendship7897** · 22-12-2013 04:11 PM

بالإضافة إلى النصائح السابقة
هقول لكم على وصفتين أغرب من بعض بس نتائجها هايلة وعن تجربة ( أشربوها باردة وكالدواء )
الوصفة الأولى :
شاي أخضر
ونعناع
وجنزبيل
وقشر رمان
وقرفة
مقادير متساوية
يتم غليها وتركها لتبرد قبل الأكل

الوصفة الثانية :وصفة صينية عجيبة لإنزال الوزن ودهون البطن والاهم من ذلك أنها تعالج السليوليت والاستمرار عليها يفقدك (10) كيلو في الشهر.
الوصفة هي : قشر بصل أحمر
يتم تنظيفه من الأتربة ويتم غليه كالشاي وقبل الأكل بربع ساعة

وفيه كمان وصفات كمشروب ساخن ( خاصة بالشتاء ) ممتع بعد الأكل أو قبله وبدل من الشاي والقهوة أو ما شابه وفائدته عظيمة في تخفيف دهون البطن ومنها :
1- مشروب قرفة على جنزبيل ولبن سكيم وسكر دايت حسب الرغبة .
2- مشروب جنزبيل على ليمون بالسكر الدايت أو معلقة عسل .
3- مشروب كمون على ليمون ( مثل مياة حمص الشام بدون حمص ) .

وبالهنا والشفاء
جربوها وأعلنوا لنا النتيجة للإستفادة

**Abo Yasso** · 22-12-2013 04:17 PM

المشاركة الأصلية كتبت بواسطة friendship7897

بالإضافة إلى النصائح السابقة
هقول لكم على وصفتين أغرب من بعض بس نتائجها هايلة وعن تجربة ( أشربوها باردة وكالدواء )
الوصفة الأولى :
شاي أخضر
ونعناع
وجنزبيل
وقشر رمان
وقرفة
مقادير متساوية
يتم غليها وتركها لتبرد قبل الأكل

الوصفة الثانية :وصفة صينية عجيبة لإنزال الوزن ودهون البطن والاهم من ذلك أنها تعالج السليوليت والاستمرار عليها يفقدك (10) كيلو في الشهر.
الوصفة هي : قشر بصل أحمر
يتم تنظيفه من الأتربة ويتم غليه كالشاي وقبل الأكل بربع ساعة

وفيه كمان وصفات كمشروب ساخن ( خاصة بالشتاء ) ممتع بعد الأكل أو قبله وبدل من الشاي والقهوة أو ما شابه وفائدته عظيمة في تخفيف دهون البطن ومنها :
1- مشروب قرفة على جنزبيل ولبن سكيم وسكر دايت حسب الرغبة .
2- مشروب جنزبيل على ليمون بالسكر الدايت أو معلقة عسل .
3- مشروب كمون على ليمون ( من مياة حمص الشام بدون حمص ) .

وبالهنا والشفاء
جربوها وأعلنوا لنا النتيجة للإستفادة

مشروب بجد أدمان لو جربته مره مش هتسلا ابدا

**Ahmed.Essam** · 22-12-2013 04:21 PM

المشاركة الأصلية كتبت بواسطة wael_kamel

واقل شيى ممكن تعملو العشاء بتاعك يكون زبادى وتمشى ساعه فى اليوم النتيجه بعد شهر هتكون جميله

احسن حاجة النوم خفيف فعلا بس المشكلة الواحد يقوم جعان بقا ياكل اللي ماكلوش في العشا وزيادة

الموضوع: علاج الكرش

LinkBack

أدوات الموضوع

عرض

علاج الكرش - انشر الموضوع فى :

-

-

-

-

-

-

-

-

المواضيع المتشابهه

أية الكرش إلى فوق السقف دة ؟

الكرش !!!

كيف نتجنب موضوع الكرش

الكلمات الدلالية لهذا الموضوع

المفضلات

المفضلات

ضوابط المشاركة