العربية بتسقف

**abohend** · 22-12-2013 04:34 PM

المشاركة الأصلية كتبت بواسطة abomo3az hasbo

لو انت بتسافر مسافات طويله وهتخلص 3000 في وقت قريب يبقي استني اما لو بتتحرك بيها مسافات قليله وفراملك كتيره روح دلوقتي علشان المشكله ما تزيدش

أنا شايف إنك تروح حالا و تطلب تغيير الأجزاء المعيوبة
المفروض التوكيل يغيرهم مش يصنفرهم (تيل و طنابير إن لزم الأمر)
حافظ على حقك و سلامتك و عربيتك و روح للتوكيل خليهم يغيروا التيل و الطنابير لو فعلا فيهم مشكلة
ممكن تكشف بره قبل متروح من باب إنك تبقى عارف
يعني لو قالك إتصنفروا و بقوا تمام تحط صباعك فعنيه و تقوله إن حالتهم مش كويسة و محتاجين يتغيروا
و إبقى طمنا
تقبل تحياتي

**Ahmed Amin** · 23-12-2013 05:48 AM

المشاركة الأصلية كتبت بواسطة drsherifishak

انا فعلا روحت مونت امبارح من بنزينة شل و عمال اجرب العربية و مش حاسس التسقيفة ديه تانى......شكرا للجميع......بس فيه حاجه تانية بقي......من ساعة ما جبت العربية و انا كنت بسمع صوت صفارة مع الفرامل.....هى الفرامل ممتازة و مازالت......لما عملت صيلنة ال 2500 فكوا التيل و صنفروه.....الصفارة راحت و انا فرحت بس بعدها بألف كم تقريبا رجعت تانى و بقيت مستديمه مع اى ضغطة فرامل......انا قلقان من الصفارة ديه و هى مزعجه الصراحة بس في نفس الوقت خايف حد يلعب في الفرامل.......يا تري فيه حد عنده أى رأى او اقتراح

المشاركة الأصلية كتبت بواسطة drsherifishak

و هل استنى لحد صيانة ال 10000 ولا اروح دلوقتى للتوكيل.......علما بأنى عامل تقريبا 6000 كم

كدا أنت محتاج يتغير لك التيل,,
ومتقلقش من حاجة هيغيروة ليك عادي في الضمان من غير مشاكل,,
بس روح لهم في أي وقت قبل صيانة ال 10 الأف كيلو,

**mahmed0100** · 23-12-2013 12:59 PM

يبدو ان دي تالت حاله علي المنتدي تقريبا ... فيها نفس العيب
تيل بيصفر او بيعمل صوت قبل ال 10 الاف كم
!!!
خييييير :)

**Ahmed Amin** · 23-12-2013 08:12 PM

المشاركة الأصلية كتبت بواسطة drsherifishak

بس مش غريبة انى اغير التيل عند 5000 كم؟؟؟؟؟؟؟

في باتش من التيل كان فيه مشكلة وبيخلص بسرعة بس مش بيأثر علي أداء الفرامل زي ما بيحصل في عربيات تانية وزي مانت قلت,
والمشكلة دي محصلتش غير مع أتنين تلاتة,, يعني مش مشكلة عامة,
فيه ناس عدت ال 15 الأف بالتيل ومعندهاش أي مشاكل.

والتيل اللي بيتغير لك بيكون بالجديد, ومن غير أي تكلفة في الضمان.

**Ahmed Amin** · 23-12-2013 09:21 PM

المشاركة الأصلية كتبت بواسطة abohend

و ممكن حد يستلم فالدفعات الجديدة بالتيل المعيوب
و لا كانت باتشة و عدت؟؟؟

مقدرش أأكد المعلومة دي طبعاً,
بس خليني أقولك لو فيه حد هيستلم عربية من الدفعات القديمة هيكون فيه أحتمال أنو ياخد من التيل القديم اللي ظهر فيه مشاكل مع بعض الناس ومش كلهم,

لكن دلوقتي كل اللي بيجي من العربية جديد,, وبيتسحب وبيخلص أول بأول,,
فأحتمال أنك تاخد من الباتش القديم صعب,, لأن لما بيكون فيه باتش فيه مشكلة بيتبلغ بيه,
وأي عربية جديدة بتنزل بعدها بتكون بالتعديل الجديد في أي قطعة كان فيها مشكلة.

وأنت ليك أنك تستلم عربيتك مفهاش مشاكل,
ولو ظهر معاك أي حاجة فيها مشكلة هتتغير لك في الضمان.