موقف صعب جداولكن ربنا ستر

**AAAH** · 21-12-2013 11:10 PM

لما مغيره فى التوكيل وحصل كده امال لو انت اللى شاريه ومركبه بره كان ايه اللى حصل؟ !!!!!!!!!!

**S O P H O S** · 22-12-2013 01:46 AM

الف حمد الله علي سلامتك
معلش

**john55** · 22-12-2013 01:13 PM

المشاركة الأصلية كتبت بواسطة edodahab

يا باشا عادى احمد ربنا
انا سير الدينامو اتقطع الاسبوع اللى فات و المفاجأة ان عربيتى نيو صنى عاملة الفين كيلو بس ههههههه
هو غالبا المصنع بيسترخص و بيحط قطع غيار رديئة

انت بتتكلم جد

**edodahab** · 22-12-2013 02:17 PM

المشاركة الأصلية كتبت بواسطة john55

انت بتتكلم جد

اه و الله

**hamisa08** · 22-12-2013 02:43 PM

المفروض تنزل السيور قبل معادها 5000 كيلو او 8000 كيلو اعمل حسابك اوقات كتير العربية بتكون دايرة وانتة واقف بمعنى " فترة التسخين ,, واقف فى اشارة " الماتور وديانمو شغالين بس العداد مش بيعد علشان العربية مش بتتحرك

**akmm** · 22-12-2013 03:20 PM

الف سلامه والحمد لله انها اتسترت ................

**EMO_ELNEMS** · 22-12-2013 03:25 PM

المشاركة الأصلية كتبت بواسطة ahmadkamal1

العربية سوبر صالون نيسان صنى 2010 طرمبة المية ودورة التبريد بتشتغل مع سير الدينامو وليست سير الكاتينة ودة فى النيسان صنى معرفش اية العربيات الحديثة وسير البور بيشغل معاة التكييف انا لما السير اتقطع بعد 500 متر القربة غليت وفارت المية الخضراء . وفى النهاية الحمد لله بس الواحد لما يفكر السير تمنة 120 جنية ممكن يبوظ ماتور عربية ومتشتغلش خالص ودة اللى انا شفتة.
تاتى حاجة السيور بتتغير على اربعين الف وانا بغيرها 35000 الف ما هى اسباب والعوامل التى تساعد على قطعها.
تالت حاجة لية المصريين الى ما بيعرفش فى الحاجة يقول ماعرفش وامتي هانبطل فهلوة.
عموما انا رحت التوكيل وغيرت السيور والبوجيهات ودفعت 420 جندى واطمنت على العربية والمهندس اكدى على ان سير البور والكاتيتة من اخطر الحاجات فى العربية والناس بتهملهم وتجيب حاجات صينى علشان 50 جنية فرق. بس يبقى السوال امتى سير الكاتينة الجنزير فى النيسان يتغير المهندس قالى مابيتغيرش وبتغير مع عمرة الماتور على 200 او 250 الف.

بس ممكن سوال حضرتك كنت مغير السيور دي قبل كدا في التوكيل؟
وسؤال تاني لوكنت مغيرهم في التوكيل ممكن تقولنا اسم التوكيل ومكانه عشان الناس تأخذ حذرهم وإحتياطتهم؟
\

**beshoyyy** · 22-12-2013 04:06 PM

تحياتي
انا لي صديق كان مشتري من العالمية اللي في دمشق سير المجموعة و اتقطع منة بعد 2000 ك فقط و بالصدفة كان بردة معاة القديم و ركبة

**AHMADKAMAL1** · 23-12-2013 04:44 PM

المشاركة الأصلية كتبت بواسطة emo_elnems

بس ممكن سوال حضرتك كنت مغير السيور دي قبل كدا في التوكيل؟
وسؤال تاني لوكنت مغيرهم في التوكيل ممكن تقولنا اسم التوكيل ومكانه عشان الناس تأخذ حذرهم وإحتياطتهم؟
\

انا ما بيغيرش اي حاجة فى العربية الا فى التوكيل وكنت مغيرهم فى اوتو ايجبت ومغيرهم مرتين مرة فى المحمل ومرة فى اوتو ايجبت وبغيرهم قبل ميعادهم بخمسة الاف.
اما موضوع التوكيلات بتاعت نيسان انا لافف عليهم كلهم خلال اربع سنين ونصف وهاعمل موضوع قريب عن انطباعى خلال فترة الضمان وبعدها لانى عامل 110 الف كيلو لحد دلوقتى.
وعل الماشى اكبر واحد مصدوم فية اوتو ايجبت لان فى صيانة 85000 قالى العربية محتاجة تغير طنابير وتيل 2000جنية قلتلهم انا ما بشتيكيش من حاجة قالى الطانبير فيها ريجة والتيل فاضل علية 2 ميللى المهم قلت ياواد طنش خالص لان التيل كان عامل 20000 ولسة بدرى المهم فضلت ماشى على التيل لحد 105000 ورحت توكيل المحمل غيرىلى التيل وقالى الطنابير سليمة وطالما مافيش صوت ولا رجة على السرعات العالية وامتوسطة تبقى تمام يعني اوتو ايجبت كان هايكلفنى 2000جنية على الفاضى وهمة بيبوصوا على عدد الكيلومترات مش بيبصوا على حالة القطعة المفروض الى عاوزيين يغيروها الواحد لازم يكون واعي جدا لان الموضوع من الخر هو تجارة وشفط الزبون علي الطريقة المصري واسال العليل وماتسالش طبيب

**EMO_ELNEMS** · 23-12-2013 07:59 PM

المشاركة الأصلية كتبت بواسطة ahmadkamal1

انا ما بيغيرش اي حاجة فى العربية الا فى التوكيل وكنت مغيرهم فى اوتو ايجبت ومغيرهم مرتين مرة فى المحمل ومرة فى اوتو ايجبت وبغيرهم قبل ميعادهم بخمسة الاف.
اما موضوع التوكيلات بتاعت نيسان انا لافف عليهم كلهم خلال اربع سنين ونصف وهاعمل موضوع قريب عن انطباعى خلال فترة الضمان وبعدها لانى عامل 110 الف كيلو لحد دلوقتى.
وعل الماشى اكبر واحد مصدوم فية اوتو ايجبت لان فى صيانة 85000 قالى العربية محتاجة تغير طنابير وتيل 2000جنية قلتلهم انا ما بشتيكيش من حاجة قالى الطانبير فيها ريجة والتيل فاضل علية 2 ميللى المهم قلت ياواد طنش خالص لان التيل كان عامل 20000 ولسة بدرى المهم فضلت ماشى على التيل لحد 105000 ورحت توكيل المحمل غيرىلى التيل وقالى الطنابير سليمة وطالما مافيش صوت ولا رجة على السرعات العالية وامتوسطة تبقى تمام يعني اوتو ايجبت كان هايكلفنى 2000جنية على الفاضى وهمة بيبوصوا على عدد الكيلومترات مش بيبصوا على حالة القطعة المفروض الى عاوزيين يغيروها الواحد لازم يكون واعي جدا لان الموضوع من الخر هو تجارة وشفط الزبون علي الطريقة المصري واسال العليل وماتسالش طبيب

عندك حق التوكيلات بقت حاجة تكسف ومبقاش في ثقة فيهم ياريت كل واحد حصل معاه مشكلة في التوكيل يكتب عنها ويوضح المشكلة بالتفصيل عشان الناس تعمل حسابها وتعرف تتعامل مع التوكيلات كويس في نفس الظروف
بس لازم حكاية التغيير قبل 5000 كيلو دي من ميعاد التغيير انا شايف انه مش ضروري اوي خصوصا للناس اللي بتسافر مسافات طويلة باستمرار ياريت حضرتك تفيدني