تعديل في ماستر فرامل الفيرنا لزياده قوه الفرامل الخلفيه للفيرنا

بسم الله الرحمن الرحيم
الموضوع باختصار -في احد الاعضاء في جروب علي الفيس بوك خاص بالفيرنا كان عامل تعديل علي ماستر الفرامل بانه شايل البلفين الخاصين بالفرامل الخلفيه ---وهو شرح الموضوع --وقال ان مهندس من التوكيل جرب العربيه واتبسط من الاداء بتاع الفرامل وهو عامل الموضوع ده من 2009 وان الميكانيكي بتاعه كل شويه يجيب واحد من ملاك الفيرنا ويوريله العربيه ويخليع يعمل زيها
الموضوع شدني وفكرت اني اعمله (بس قلت الاول اخد راي الاعضاء هنا
انا حشرحه بالصور
دي صوره الماستر بتاع الفرامل الخاص بالفيرنا -ودول البلفين الي حنشيلهم عليهم دائره بيضاء
http://im34.gulfup.com/jCY9k.jpg
كل الموضوع اننا حنشيل البلفين دول ونخلي مواسير الزيت بتاعت الفرامل الخلفيه تاخد من المستر علي طول من غير بلف
ودي صوره بعد التعديل
http://im31.gulfup.com/UQxqU.jpg
طبعا واضح ان بقي مفيش بلف
---------------------------------------------------------
طيب نظريا كده انا مقطنع بالموضوع --لعدده نقاط
1-ان الفرامل الخلفيه للفيرنا تكاد تكون ضعيفه جدا
وده واضح جدا بسبب
السخونه الزايده للجنوط والطنابير الاماميه -لان كل الحمل عليهم
-التاكل السريع للتيل الامامي والتاكل البطيء للتيل الخلفي
-مع الفرامل القويه العربيه وشها (بيتكفي ) للامام بشده
-الطنابير الاماميه بتحتاج للمسح كل فتره بسبب حدوث (ريجه) ودي من السخونيه الزياده
الطنابير الخلفيه تكاد تكون دافيه بعد مشوار طويل مما يدل انها معلهاش حمل نهائي او ضعيف
--------------------------------------------------
طيب البلفات دي لزمتها ايه !!!!
سالت كتير محدش عارف
من وجه نظري البلف ده موجود علشان
تقليل الضغط علي الفرامل الخلفيه وجعل الفرامل الاماميه استجابتها اسرع من الخلفيه --للخوف من قوه الفرامل الخلفيه علي سرعات عاليه مما يؤدي (للتعريض ) يعني العربيه تتحرك عرضي --زي اكنك شديت الهاند بريك -- دي من وجه نظري
ممكن يكون حد عارف يشرحلنا فائده وجود البلفات دي ------------------------------------------------
اخيرا ايه رايكم في الموضوع ده

انا عملتها فى عربيتى النوبيرا ورجعتها تانى الفرامل فعلا بتبقى اقوى بس فرامل ورا لو هدات مراه واحده جامد هتلقى العجل الخلفى بيصرخ كانك شدات فرملة اليد ولو لعبت بالدركسيوان هتلقى العربية بتعرض بيك جامد جدا انا الكلام ده حصل معى وعرضت فى صلاح سالم بس ربنا ستر انا قولت خلاص هتتقلب لكن ربنا ستر الحمد لله وده السبب الى خلانى رجعتهم تانى هى فعلا بتدى احساس اقوى بس غبر امن تماما لانى العربيات الكورى خفيفة جدا من ورا فسهل جدا تعرض منك

واى فرمله قويه مع كسرة دركسيون او ملف هتلاقى العربيه خمست كانك شديت فرامل اليد

اقتباس:

---

المشاركة الأصلية كتبت بواسطة m.farouk

انا عملتها فى عربيتى النوبيرا ورجعتها تانى الفرامل فعلا بتبقى اقوى بس فرامل ورا لو هدات مراه واحده جامد هتلقى العجل الخلفى بيصرخ كانك شدات فرملة اليد ولو لعبت بالدركسيوان هتلقى العربية بتعرض بيك جامد جدا انا الكلام ده حصل معى وعرضت فى صلاح سالم بس ربنا ستر انا قولت خلاص هتتقلب لكن ربنا ستر الحمد لله وده السبب الى خلانى رجعتهم تانى هى فعلا بتدى احساس اقوى بس غبر امن تماما لانى العربيات الكورى خفيفة جدا من ورا فسهل جدا تعرض منك

---

بالظبط يبقي وجهه نظري في الموضوع صح ---
بس انت في النوبيرا الفرامل معاك كويسه فمش محتاج تشيلهم --لاكن المشكله في الفيرنا البلفين ماثرين جدا علي قوه الفرامل بوجه عام -- يعني علشان خوفهم من التعريض الجانبي ضعفو الفرامل الخلفيه لدرجه كبيره خلتها اكنها مش موجوده ---هو كان في قبل كده ناس وسعت فتحه البلف وفي ناس جابت بلفات بتاعت عربيه تانيع اوسع ----
بس الراجل الي عامل التعديل بيتكلم معايا ان مفيش اي مشكله معاه من 2009 --فهل هو اتعود او قدر يعمل كنترول علي العربيه لما بيدوس فرامل جامد

ونسيت اقول ان العربيه الي فيها التعديل فيها جنوط 15 وكوتش 50 -205
يمكن هو ده الي عامل ثبات مع الفرامل القويه --او هو عود نفسه في التحكم بالعربيه في الملفات ----انا عن نفسي مركب جنوط 15 وكوتش 50-195 فده الي مطمني اني اعمل التعديل ده

سهله جرب فى ملف وشوف ايه الى هيحصل بس تاكد ان الطريق فاضى

اقتباس:

---

المشاركة الأصلية كتبت بواسطة aymn6666

بالظبط يبقي وجهه نظري في الموضوع صح ---
بس انت في النوبيرا الفرامل معاك كويسه فمش محتاج تشيلهم --لاكن المشكله في الفيرنا البلفين ماثرين جدا علي قوه الفرامل بوجه عام -- يعني علشان خوفهم من التعريض الجانبي ضعفو الفرامل الخلفيه لدرجه كبيره خلتها اكنها مش موجوده ---هو كان في قبل كده ناس وسعت فتحه البلف وفي ناس جابت بلفات بتاعت عربيه تانيع اوسع ----
بس الراجل الي عامل التعديل بيتكلم معايا ان مفيش اي مشكله معاه من 2009 --فهل هو اتعود او قدر يعمل كنترول علي العربيه لما بيدوس فرامل جامد

---

انا عملت تعديل تانى وده افضل انا غيرت الجمبين الى ورا وجبتهم سكاكين بقوا زى قدام شوف لو فى حاجة تركب عندك ده هيبقى افضل حل وفرامل النوبيرا مش قوية زى منتى متخيل انا كنت بعانى معها لحد لم عملت التعديل ده

بلاش الموضوع ده هايخلي العربيه مراجيح
الحل لتقوية أي فرامل خلفية طبل إنك تحولها ديسكات
تنزل الحرفيين تشتري جنبين إستيراد بسلوك الهاند بريك و تشيل و تحط
لو بعد كده عايز تحسن أكثر يبقي تشوف ماستر أكبر من اللي عندك
لو عايز تحسن أكثر و أكثر يبقي ديسكات أماميه أكبر من اللي فيها
كل اللي فات دا هايبقي بالبحث و التوفيق لكن هاتلاقي علشان هاتلاقيها متوافقة مع الـ إلانترا و السيراتو 2005 في الحاجات دي و بينزلو إستيراد بالقطع دي
بعدين تركب تيول أصليه
و طبعا أخيرا الكاوتش علشان الزحف

إنما تعلي قوة الفرامل الخلفيه و تزودها كمان عن الأماميه هايبقي خطر جدا علي حضرتك و علي الناس حواليك
بالتوفيق

اقتباس:

---

المشاركة الأصلية كتبت بواسطة hossam99

بلاش الموضوع ده هايخلي العربيه مراجيح
الحل لتقوية أي فرامل خلفية طبل إنك تحولها ديسكات
تنزل الحرفيين تشتري جنبين إستيراد بسلوك الهاند بريك و تشيل و تحط
لو بعد كده عايز تحسن أكثر يبقي تشوف ماستر أكبر من اللي عندك
لو عايز تحسن أكثر و أكثر يبقي ديسكات أماميه أكبر من اللي فيها
كل اللي فات دا هايبقي بالبحث و التوفيق لكن هاتلاقي علشان هاتلاقيها متوافقة مع الـ إلانترا و السيراتو 2005 في الحاجات دي و بينزلو إستيراد بالقطع دي
بعدين تركب تيول أصليه
و طبعا أخيرا الكاوتش علشان الزحف

إنما تعلي قوة الفرامل الخلفيه و تزودها كمان عن الأماميه هايبقي خطر جدا علي حضرتك و علي الناس حواليك
بالتوفيق

---

كل الكلام ده كويس بس حضرتك فيه نقطه مهمه --كل ده في وجود البلفين برضه حيضعف الفرامل --المشكله انهم جم يكحلوها عموها --يعني البلفين مواصفتهم او قوتهم ضعفت الفرامل اكتر من المفروض --وبعدين انت عندك عربيات كتير من غير البلفات دي ذي اللادا والشاهين وكل الفيات القديم واللادا القديم والعربيات ماشيه وبتقف --الا الفيرنا هي الي مش عايزه تقف ---وبعدين الحلول دي مكلفه وتعديلات كبيره --
طيب في حل ممكن توسيع البلفات بنسبه تخلي الفرامل تقوي شويه او تغيرهم ببلفات بتاعت عربيه تانيه وحتبقي مكلفه برضه ---لاني سالت علي البلف الواحد لقيته ب125 جنيه ---
ثانيا التعديل ده مش حيخلي الفرامل الخلفيه اقوي من الاماميه هو حيخليهم في مستوي واحد وده حيخلي الفرامل فعاله -بدل مهي ضايعه كده --
وبعدين برضه الخطوره انك تمشي بفرامل ضعيفه --هي هي

متابع

اقتباس:

---

المشاركة الأصلية كتبت بواسطة aymn6666

كل الكلام ده كويس بس حضرتك فيه نقطه مهمه --كل ده في وجود البلفين برضه حيضعف الفرامل --المشكله انهم جم يكحلوها عموها --يعني البلفين مواصفتهم او قوتهم ضعفت الفرامل اكتر من المفروض --وبعدين انت عندك عربيات كتير من غير البلفات دي ذي اللادا والشاهين وكل الفيات القديم واللادا القديم والعربيات ماشيه وبتقف --الا الفيرنا هي الي مش عايزه تقف ---وبعدين الحلول دي مكلفه وتعديلات كبيره --
طيب في حل ممكن توسيع البلفات بنسبه تخلي الفرامل تقوي شويه او تغيرهم ببلفات بتاعت عربيه تانيه وحتبقي مكلفه برضه ---لاني سالت علي البلف الواحد لقيته ب125 جنيه ---
ثانيا التعديل ده مش حيخلي الفرامل الخلفيه اقوي من الاماميه هو حيخليهم في مستوي واحد وده حيخلي الفرامل فعاله -بدل مهي ضايعه كده --
وبعدين برضه الخطوره انك تمشي بفرامل ضعيفه --هي هي

---

ها ألفت نظر حضرتك لحاجه بسيطه جدا .... لما نيجي نتكلم عن الأمان و الفرامل يبقي نخلي التكلفة دي علي جنب
نرجع للتعديل ... صدقني العربيه بالتعديل المقترح ده هاتخمس و تعمل دريفتات كمان و هاتبقي خطر عليك و علي الناس اللي في الشارع ... مفيش شركة عربيات في العالم بتعمل توزيع الفرامل الأمامي و الخلفي متساوي (هو مش متساوي هو هايبقي الخلفي أقوي من الأمامي _الخلفي معلعوش حمل الأمامي عليه حمل فبالتالي مين اللي هيقف الأول)
موضوع إن ماركات قديمة الفرامل فيها نظامها كده ملناش دعوة ما فيه ماركات من غير سيرفو ... هل نعدل المنظومة و نلغي السيرفو لو عامل مشاكل؟
و حضرتك في غني عن التعديل أصلا ممكن تحاول تبحث عن المساتر اللي تركب عندك و تكون أكبر من عربيات كيا و هيونداي و تريح نفسك

الفرامل ممكن تغير قطع أه .... تعدل لأ

طيب السؤال هنا
ليه مصممين ومهندسين ومصنعيين العربية ركبوا البلوف اساسا ...؟؟

اقتباس:

---

المشاركة الأصلية كتبت بواسطة hossam99

ها ألفت نظر حضرتك لحاجه بسيطه جدا .... لما نيجي نتكلم عن الأمان و الفرامل يبقي نخلي التكلفة دي علي جنب
نرجع للتعديل ... صدقني العربيه بالتعديل المقترح ده هاتخمس و تعمل دريفتات كمان و هاتبقي خطر عليك و علي الناس اللي في الشارع ... مفيش شركة عربيات في العالم بتعمل توزيع الفرامل الأمامي و الخلفي متساوي (هو مش متساوي هو هايبقي الخلفي أقوي من الأمامي _الخلفي معلعوش حمل الأمامي عليه حمل فبالتالي مين اللي هيقف الأول)
موضوع إن ماركات قديمة الفرامل فيها نظامها كده ملناش دعوة ما فيه ماركات من غير سيرفو ... هل نعدل المنظومة و نلغي السيرفو لو عامل مشاكل؟
و حضرتك في غني عن التعديل أصلا ممكن تحاول تبحث عن المساتر اللي تركب عندك و تكون أكبر من عربيات كيا و هيونداي و تريح نفسك

الفرامل ممكن تغير قطع أه .... تعدل لأ

---

اولا الي انت بتقول عليه تغير قطع مش ماشي مع الي بتحذر منه
اولا انا عارف لو حبيت اغير الفرامل الخلفيه لسكاكين حعملها ازاي وايه الاجزاء ومن انهو عربيه
لاكن كده منا برضو عمال بقوي في الفرامل الخلفيه
ده غير ان انا كده لعبت في منظومه الفرامل الخلفيه بالكامل
يبقي ده كده امان -انما اشيل البلفين ده الي مش امان خالص
------------------------------------
وبعدين انت مجربتش الموضوع علشان تحكم بالطريقه دي
الراجل الي عامل الموضوع عامله من سنه 2009 وبيقولي انه راح بيها التوكيل وخلا مهندس طلع جرب وان المهندس التعديل عجبه ---وانا شرحت وقلت ان الراجل مركب جنوط 15 مع كوتش 50 205 وده ممكن الي مخلي معاه كل شئ مظبوط ---------------------------------------------
اعتراضك ممكن يكون موضعي لو قلت ان منشلش البلفات او ممكن نوسعهااو نغيرها ببلفات عاربيه اعلي ان وجد مما يسمح بضخ كميه زيت اكتر
----------------------------------------------
وان الموضوع خطر عليا وعلي الي حواليا --محنا ماشين بفرامل ضعيفه هو ده يعني الي مش خطر عليا وعلي الي حوليا
---------------------------------------------
والموضوع فكرت فيه بعد مغيرت تيل الفبريكه ومسحت الطنابير واذا بالفرامل بقت في الضياع
--------------------------------------------
واخير الفرامل دي احساس يعني كل عربيه فرملها مش زي فرامل عربيه تانيه
وانا بتعامل مع الفرامل كويس والحمد لله وعندي احساس ان مخليش الفرامل توصل لمرحله الانغلاق الكلي سواء بالفيرنا او اي عربيه تانيه (طبعا من غير ال abs )
-----------------------------------------
ولعلمك اي عربيه ممكن تعرض منك حتي من غير متشيل بلف او تعمل اي تعديل فيها --لو انك معندكش احساس او تعود علي فرامل العربيه
يعني الزميل الي شرح تجربته مع النوبيرا ---لازم كان بتعامل مع الفرامل غير التعامل الي متعود عليه قبل ميشيل البلف --وكان مع الوقت حيعرف يتحكم في العربيه بسهوله

اقتباس:

---

المشاركة الأصلية كتبت بواسطة waleedrahmy

طيب السؤال هنا
ليه مصممين ومهندسين ومصنعيين العربية ركبوا البلوف اساسا ...؟؟

---

السؤال ده كان يبقي موضوعي لو عربيه تانيه غير الفيرنا
-----
ليه --لان العربيه مش بمواصفتها الحقيقيه بالاخص في موضوع نظام الفرامل
لان غبور مفصل العربيه علي مقاسه وعلشان بقلل التكلفه وينافس علي السعر
اولا الطنابير زباله لانها مصري
وحجمها صغير بالنسبه لحجم الموتور وده متعمد علشان يقدر يركب للعربيه جنوط مقاس 13 لانه لو ركب طنابير بمقاس اكبر حيطر يركب مقاس جنوط وكوتش اكبر مش اقل من 14 وطبعا احنا بنحلم --والي ياكد كلامي ان الالنترا موديل 2003-2006
نفس المحرك وراكب ليها طنابير مقاسها اكبر وطبعا كوري واجهزه فرامل اكبر وحجم التيل اكبر --والطنابير الخلفيه سكاكين
السيرفو والماستر اكبر ----الاجزاء دي لو متركبه في الفيرنا ولاكنا عمرنا فكرنا في بلفات ولا يحزنون وكانت البلفات حتقدي دورها المطلوب منها
لاكن هو مضيع الدنيا بمنظومه الفرامل الي ركبه في الفيرنا --والبلفات دي كمان زودت الضياع اكتر واكتر
---------------
هو مش معدل في الفرامل لاكن حط موتور 1600 في عربيه مصممه لموتور 1500
علشان كده الموضوع ده ميتحسش في الفيرنا ال1500

انا معايا فيرنا 1500 وبعانى من نفس المشكله وانا اللى كنت فاكر ان المشكله عندى بس اتاريها فى كل الفيرنا

منك لله ياغبور

طالما متمسك كده يبقي توكل علي الله و أعمل أقتراحك و قولنا النتيجه أيه و متنساش تجرب في الملفات و السرعات العاليه مع كسرة دركسيون صغيره كده
ربنا يسترها عليك
بالتوفيق يا فاندم

[quote=hossam99;3875342526]طالما متمسك كده يبقي توكل علي الله و أعمل أقتراحك و قولنا النتيجه أيه و متنساش تجرب في الملفات و السرعات العاليه مع كسرة دركسيون صغيره كده
ربنا يسترها عليك
بالتوفيق يا فاندم[/quote
ههههههههههههههه
بس انا مش حتعامل مع الفرامل بعد التعديل بنفس التعامل بعد التعديل

اذا كان انا بتعامل مع الفرامل وهي ضعيفه دلوقتي مش زي ماكنت بتعامل معاها وهي كانت زيرو

مش للدرجاتي يعني

اقتباس:

---

المشاركة الأصلية كتبت بواسطة aymn6666

كل الكلام ده كويس بس حضرتك فيه نقطه مهمه --كل ده في وجود البلفين برضه حيضعف الفرامل --المشكله انهم جم يكحلوها عموها --يعني البلفين مواصفتهم او قوتهم ضعفت الفرامل اكتر من المفروض --وبعدين انت عندك عربيات كتير من غير البلفات دي ذي اللادا والشاهين وكل الفيات القديم واللادا القديم والعربيات ماشيه وبتقف --الا الفيرنا هي الي مش عايزه تقف ---وبعدين الحلول دي مكلفه وتعديلات كبيره --
طيب في حل ممكن توسيع البلفات بنسبه تخلي الفرامل تقوي شويه او تغيرهم ببلفات بتاعت عربيه تانيه وحتبقي مكلفه برضه ---لاني سالت علي البلف الواحد لقيته ب125 جنيه ---
ثانيا التعديل ده مش حيخلي الفرامل الخلفيه اقوي من الاماميه هو حيخليهم في مستوي واحد وده حيخلي الفرامل فعاله -بدل مهي ضايعه كده --
وبعدين برضه الخطوره انك تمشي بفرامل ضعيفه --هي هي

---

معلومه لسيادتك مفيش عربيه على وجه الارض نزلت من مصنعها بدون تيوب تخفيف الضغط على العجلات الخلفيه ....الاختلاف بس بين الفيرنا والادا والشاهين و128 ان حضرتك عندك بلف تخفيف الضغط خارجى احنا عندنا حاجه اسمها ماستر ضفضعه بين العجلتين اللى ورا بيخفف الضغط اللى جاى من الماستر العمومى وفى بعض العربيات القديمه بيبقى الماستر العمومى راكب جواه البلوف الخاصه بالعجل الخلفى..................خلاصه الكلام تصميم اى عربيه فى الدنيا بيقوم على قوانين فيزيائيه بما فى ذالك توزيع الاوزان والاتزان ونقطه الطرد المركزى ومحاور الدوران والالتفاف .... فمش من المعقول انهم يراعو كل الكلام دا وميعملوش حسابهم فى قوة واستقامه الكبح القصوى للعربيه تحت اى ظرف من الظروف واى تعديل فى تصنيع العربيه الاساسى يعتبر فتى وخطر جدااااااااااااااااااااااا ااااا وقد اعذر من انظر
تحياتى

[QUOTE=aymn6666;3875342587]

اقتباس:

---

المشاركة الأصلية كتبت بواسطة hossam99

طالما متمسك كده يبقي توكل علي الله و أعمل أقتراحك و قولنا النتيجه أيه و متنساش تجرب في الملفات و السرعات العاليه مع كسرة دركسيون صغيره كده
ربنا يسترها عليك
بالتوفيق يا فاندم[/quote
ههههههههههههههه
بس انا مش حتعامل مع الفرامل بعد التعديل بنفس التعامل بعد التعديل

اذا كان انا بتعامل مع الفرامل وهي ضعيفه دلوقتي مش زي ماكنت بتعامل معاها وهي كانت زيرو

مش للدرجاتي يعني

---

حضرتك تقدر تعمل حساب الظروف الطبيعيه .........انما لقدر الله فى موقف صعب هتتعرضله فجاءه فى ملف فى حودايه او حتى فى المستقيم حضتطر انك تدوس فرامل جامد وسعتها بعد ستر ربنا العربيه مش هتنجدك ....... حتى ولو على كلامك التعديل دا حتمى وضرورى لضعف الفرامل فا فى اللحظه دى بالذات الفرامل الاساسيه الضعيفه اللى حضرتك بتشتكى منها هتكون افضل بكتير من الفرامل القويه بعد التعديل الخاطىء..........تحياتى

بالتوفيق وابقه طمنا على النتيجه

انا معايا ريجاتا موديل 85 وفيها ضفضعة بين العجلتين لسبب اللى حضرتك قولتة لتخفيف ضغط الفرامل
على العجلات الخلفية .. وفية بلوف فى الماستر نفسة ايضاّ لتخفيف الحمل
اللى انا عملتة بشكل عملي انى شيلت الضفدعة والبلفين من الماستر ووصلت المواسير دايركت بدون
ضفدعة النتيجة الفرامل اتحسنت كتير جدا ولكن مازال العجلتين قدام عليهم حمل عن اللى ورا والسخونية
قدام اعلي من ورا معني كدة ان التعديل اللى انا عملتة صح تعاملت مع العربية بشكل طبيعي .. طول منا
ماشي طوالى لو ضغط مرة واحدة العجل بيمسك ف الارض مرة واحدة .. ف الاول كنت بسمع العجل ورا
ب يتجر يعنى بيوقف قبل اللى قدام ومع الوقت بقى طبيعي بدون معمل اي حاجة .. ف الملفات لما قرصت فرامل كانت هتعرض مني فعلا . الشنطة لفت ثنة ولو مكنتش عدلتها كانت هتكمل ودة جية بمحض الصدفة
لذلك خلي بالك من النقطة دي .. بس لو حسبتها هتلاقي ان الفرامل اصلا غلط وانت كاسر الدركسيون وف ملف .. يعنى حتى بدون التعديل غلط .. انك تهدي اة انما اقرص فرامل دة اللى غلط .. رأيي توكل على الله واستمر على التعديل بس خلي بالك ف الملفات وخلي بالك من كبس الفرامل مرة واحدة

اقتباس:

---

المشاركة الأصلية كتبت بواسطة nicegypt

انا معايا ريجاتا موديل 85 وفيها ضفضعة بين العجلتين لسبب اللى حضرتك قولتة لتخفيف ضغط الفرامل
على العجلات الخلفية .. وفية بلوف فى الماستر نفسة ايضاّ لتخفيف الحمل
اللى انا عملتة بشكل عملي انى شيلت الضفدعة والبلفين من الماستر ووصلت المواسير دايركت بدون
ضفدعة النتيجة الفرامل اتحسنت كتير جدا ولكن مازال العجلتين قدام عليهم حمل عن اللى ورا والسخونية
قدام اعلي من ورا معني كدة ان التعديل اللى انا عملتة صح تعاملت مع العربية بشكل طبيعي .. طول منا
ماشي طوالى لو ضغط مرة واحدة العجل بيمسك ف الارض مرة واحدة .. ف الاول كنت بسمع العجل ورا
ب يتجر يعنى بيوقف قبل اللى قدام ومع الوقت بقى طبيعي بدون معمل اي حاجة .. ف الملفات لما قرصت فرامل كانت هتعرض مني فعلا . الشنطة لفت ثنة ولو مكنتش عدلتها كانت هتكمل ودة جية بمحض الصدفة
لذلك خلي بالك من النقطة دي .. بس لو حسبتها هتلاقي ان الفرامل اصلا غلط وانت كاسر الدركسيون وف ملف .. يعنى حتى بدون التعديل غلط .. انك تهدي اة انما اقرص فرامل دة اللى غلط .. رأيي توكل على الله واستمر على التعديل بس خلي بالك ف الملفات وخلي بالك من كبس الفرامل مرة واحدة

---

هو ده الكلام المزبوط ...هو طبعا الخوف من ان العجل الخلفي يمسك بقوه ...ودي ممكن التحكم فيها عن طريق عمل رجلاش بس بالعكس يعني نبعد التيل الخلفي عن الطنابير بدرجه تخلي استجابته اقل ....يعني ناخر استاجبه الفرامل الخلفيه بالقدر الي نبعد بيه عن مشكله التعريض.....

بص يا صاحبى الناس قالتلك تقريبا كل حاجه

نسبة توزيع الفرمله لابد ان تكون
70 % امامى
30 % خلفى

غير كده انت بتغامر بحياتك مع فرمله جامده او مش جامده بس الطريق مزحلق على ملف

وبخاصه ان الفيرنا ضهرها خفيف

المهم

انت عايز تعديل للفرامل يحل مشكلتك صح ؟

هتجيب جنبين امامى بتوع اكسنت موديل 2002 وتركبهم عندك وشكرا على كده

عايز فرمله افضل كمان هتغير السيرفو بالماستر العمومى اللى عندك بواحد اكبر بتاع موديل اعلى من هيونداى او كيا

غير كده هتتعب نفسك على الفاضى

وبلاش مغامره فى الفرامل بالزات

وحاول تاخد كلامى على محمل الجد

لأنى بكلمك من واقع تجارب حقيقيه فى تعديل الفرامل ( لانوس , نوبيرا ) مش اجتهادات نظريه

بص على مواضيعى اول قبل ما ترد عليا

وبعدين نتكلم

اقتباس:

---

المشاركة الأصلية كتبت بواسطة عصام غنايم

بص يا صاحبى الناس قالتلك تقريبا كل حاجه

نسبة توزيع الفرمله لابد ان تكون
70 % امامى
30 % خلفى

غير كده انت بتغامر بحياتك مع فرمله جامده او مش جامده بس الطريق مزحلق على ملف

وبخاصه ان الفيرنا ضهرها خفيف

المهم

انت عايز تعديل للفرامل يحل مشكلتك صح ؟

هتجيب جنبين امامى بتوع اكسنت موديل 2002 وتركبهم عندك وشكرا على كده

عايز فرمله افضل كمان هتغير السيرفو بالماستر العمومى اللى عندك بواحد اكبر بتاع موديل اعلى من هيونداى او كيا

غير كده هتتعب نفسك على الفاضى

وبلاش مغامره فى الفرامل بالزات

وحاول تاخد كلامى على محمل الجد

لأنى بكلمك من واقع تجارب حقيقيه فى تعديل الفرامل ( لانوس , نوبيرا ) مش اجتهادات نظريه

بص على مواضيعى اول قبل ما ترد عليا

وبعدين نتكلم

---

استاذ عصام --حضرتك غني عن التعريف -وانا متابع مواضيع عن تعديل الفرامل لللانوس من اجزاء فرامل النوبيرا --
وانا اتشرف انك تعمل مداخله في موضوعي
--------------------------------------------
اول نقطه انت تقصد اكسنت 2002 ولا النترا 2002
لان اكسنت 2002 هي الفيفا ودي نفس اجزاء فرامل الفيرنا
---------------
نسبه الفرامل الي حضرتك ذكرتها لما تبقي متوافقه ومدروسه مع قوه موتور العربيه
يعني حضرتك عدلت فرامل عربيتك الي هي 1500 وتقريبا 85 حصان
امال الفيرنا ال1600 وتقريبا 106 حصان
----------------
طيب انا فتحت الموضوع وقلت ان فيه واحد عامل التعديل ده من 2009 والراجل حكالي ان راح التوكيل وطلع مع مهندس يجرب لما عرف انه عامل تعديل واتبسط منه --وان الميكانيكي لما عدله الموضوع ده وطلعت النتيجه كويسه عملها في كذا عربيه وكان بيخلي الناس تجرب العربيه قبل متعدل --وانه مركب جنوط 15 مع كوتش 50-205
---
وهنا في الاستاذ
nicegypt
حكي تجربته مع عربيته الريجاتا وقال

للى انا عملتة بشكل عملي انى شيلت الضفدعة والبلفين من الماستر ووصلت المواسير دايركت بدون
ضفدعة النتيجة الفرامل اتحسنت كتير جدا ولكن مازال العجلتين قدام عليهم حمل عن اللى ورا والسخونية
قدام اعلي من ورا معني كدة ان التعديل اللى انا عملتة صح تعاملت مع العربية بشكل طبيعي .. طول منا
ماشي طوالى لو ضغط مرة واحدة العجل بيمسك ف الارض مرة واحدة .. ف الاول كنت بسمع العجل ورا
ب يتجر يعنى بيوقف قبل اللى قدام ومع الوقت بقى طبيعي بدون معمل اي حاجة .. ف الملفات لما قرصت فرامل كانت هتعرض مني فعلا . الشنطة لفت ثنة ولو مكنتش عدلتها كانت هتكمل ودة جية بمحض الصدفة
حضرتك هوبيقول في الاول كان العجل الي ورا بيقف قبل الي قدام لاكن بعد كده بقي عادي
--------
بعد كده -دي حاجه من اتنين
انه رجله اتعودت علي حساسيه الفرامل بعد التعديل --ذي مكلنا ركبنا عربيه اتوماتيك اول مره واحساس الفرامل بيبقي مختلف عن المنيوال وواحده واحده رجلك بتتزبط
تاني حاجه ان التيل بدا بتاكل ويبعد عن الطنابير فالفرامل الخلفيه سرعه الاستجابه قل فبقت متوازنه مع الفرامل الاماميه -----------------------------
الموضوع في فرق بين انك تبقي عارف انت عامل تعديل وعارف تاثيره ايه وانك متبقاش عارف
---
يعني انا ناوي اعمل التعديل وطبعا لازم حطلع اجرب وتدريجيا مش حخش بغشوميه علي ملف وقوم هوب كابس فرامل
لحد موصل لاحساس الفرامل --ولو لقيت ان الفرامل الخلفيه اسجابتها سريعه حعمل رجلاش بالعكس -يعني حبعد التيل عن الطنابير لتاخير استجابه الفرامل الخلفيه
-لحد موصل لاداء مرضي وحجرب علي كل السرعات مع ملفات (طبعا بحرص )
ولو لقيت ان فيه خطر طبعا انا مش حغامر بنفسي ولا عربيتي
http://im40.gulfup.com/NaEbo.jpg
http://im40.gulfup.com/V5liV.jpg
http://im40.gulfup.com/efcUC.jpg
ودي عربيتي مركب جنوط 15 -6.5 بوصه مع كوتش 50-195 جوديير صناعه فرنساوي واداءه هايل علي الطريق من حيث الثبات والفرامل --ويمكن ده الي حيعمل فرق في الموضوع ومش حيخلي التعديل ياثر في اداء الفرامل ذي لو كان راكب كوتش مقاس 13

بص يا باشا هاقولك على تجربه شخصيه قديمه
حاول تجربها الأول يمكن تنفع لأن انا كمان شايف ان اللي هاتعمله ده خطر على الارواح و الممتلكات
كان عند والدي زمان عربيه 132 - 2000 و كانت أجزاء الفرامل كلها جديده و مع ذلك أداء الفرامل كان زفت
و بعد تخطي مرحله اليأس كبرنا دماغنا
و بعدين مره واحده الكورونا باظت فانزلت اشتريت واحده استيراد من الوكاله بتاعت ارجينتا
و بعد التركيب طلعت مع الميكانيكي نجرب في ونه في التروس او اي حاجه متعلقه بالكورونا لكن المفاجأه ان أداء الفرامل بقى رائع
و قولت الحمد لله على كده مش مهم ايه السبب المهم الفرامل بقت تمام
لكن بعد فتره بسيطه لقيت مفيش فرامل خالص و بعد الكشف اكتشفت ان ماستر خلفي بيجيب زيت
فالميكانيكي قالي بعد فك الماستر ان الماستر ده مش بتاع 132 ده بتاع بيجو 505 و اكبر من بتاع ال 132 و اكيد ده اللي ظبط الفرامل
و طلع كلامه صح و اشتريته من عند واحد بتاع قطع غيار بيجو
الخلاصه بعد الرغي اللي فات ده ان حضرتك ممكن تشوف ماستر خلفي اكبر من بتاع الفيرنا و يكون يركب و ده حل تكلفته بسيطه و تأثيره أقل عنف من الحل بتاع حضرتك
و انا شخصيا لو اعرف انفذ الفكره دي في اللانوس مش هاتردد

اقتباس:

---

يعني انا ناوي اعمل التعديل وطبعا لازم حطلع اجرب وتدريجيا مش حخش بغشوميه علي ملف وقوم هوب كابس فرامل
لحد موصل لاحساس الفرامل --ولو لقيت ان الفرامل الخلفيه اسجابتها سريعه حعمل رجلاش بالعكس -يعني حبعد التيل عن الطنابير لتاخير استجابه الفرامل الخلفيه
-لحد موصل لاداء مرضي وحجرب علي كل السرعات مع ملفات (طبعا بحرص )
ولو لقيت ان فيه خطر طبعا انا مش حغامر بنفسي ولا عربيتي

---

طيب بص يا صاحبى طالما انت مصر على التعديل يبقى توكل على الله

ولاكن لى عندك طلبين

اولاٌ هتخلى رجلاش فرامل اليد سايب شويه بمعنى ان فرملة اليد تمسك بعد 9 تكات وده هيقلل من سرعة قفش العجل الخلفى مع الفرمله الجامده

ثانياٌ حاول تستشير زميلنا محمد ممدوح MMamdouh فى موضوعك قبل البدء فيه

الراجل ليه باع طويل فى تعديل الفرامل وهو اساسا اللى اشار عليا بتعديل الانوس

ولا خاب من استشار

تقبل تحياتى

اقتباس:

---

المشاركة الأصلية كتبت بواسطة عصام غنايم

طيب بص يا صاحبى طالما انت مصر على التعديل يبقى توكل على الله

ولاكن لى عندك طلبين

اولاٌ هتخلى رجلاش فرامل اليد سايب شويه بمعنى ان فرملة اليد تمسك بعد 9 تكات وده هيقلل من سرعة قفش العجل الخلفى مع الفرمله الجامده

ثانياٌ حاول تستشير زميلنا محمد ممدوح mmamdouh فى موضوعك قبل البدء فيه

الراجل ليه باع طويل فى تعديل الفرامل وهو اساسا اللى اشار عليا بتعديل الانوس

ولا خاب من استشار

تقبل تحياتى

---

انا كنت ناوي اعمل كده ذي مشرحتلك بالظبط ....بس كنت حرجلش من داخل الطنبور وابعد التيل عن الطنبور .......ولو لقيت الموضوع حيمثل خطوره ..حرجع البلفين تاني ..ونبقي نولنا شرف المحاوله

السلام عليكم
انا متابع الموضوع لأنى فيرنتى حبيبتشى فس الفرامل الجميلة
انتو بتقولو ان البلف اللى محطوط بيقلل الزيت فبالتالى بيقلل قوة الفرامل
ولما تشيله خالص بتبقى الفرامل قوية اوى هتخلى العربية تلف منك
طيب مش ممكن نستبدل البلف ببلف اوسع
ونجرب
او نحاول نوسع البلف القديم
مجرد اقتراح
ومستنى ارأكم

انا مش محترف فى موضوع تعديل الفرامل
لكن فعلا مجرد قراءة الموضوع سيب ركبى
باشا غير جنبين
ركب كاوتش اعرض
بيع العربيه وهات واحده تانيه
لكن بلاش اللعب فى قوة الفرامل الخلفيه
انا قاعد عمال اتخيل لا قدر الله لو حضرتك على طريق سريع وقدامك عربيه نقل من العربيات الظريفه اللى بتغرق الطريق رمل
احساسى انك لو دوست فرامل ساعتها هاتبقى النتيجه مش ظريفه

باشا ماقولتلناش اية اللي حصل عدلت الفرامل ولا لاا و لو عدلت في نتيجة من التعديل انا عاوز استفيد من خبراتك

مركز خدمة سرفو فرامل الشيخ

الحاج /حسني فرج الحويفي و اولاده

لاصلاح و بيع السرفو و قطع غياره

للاتصال بنا

مصر -الجيزة-كورنيش النيل-الوراق-بجوار شركة غاز مصر

المسئول الاداري

(002) 0124682905

(002) 0141758503

المسئول التنفيذي

(002) 0103979730

(002) 35451440

email: diyafram2005@hotmail.com

service center. brake booster sheikh. سيرفو فرامل الشيخ - الرئيسية