الموضوع: استلمت كيا ريو خليجي هاي لاين 2014

الله يبارك في حضرتك
انا جبتها من المصرية للسيارات في المنصورة ب 140
اول انطباع عن العربية ان هي عربية فيها تكنولوجيا عالية ما شاء الله

شكل جميل جدا وملفت والناس كلها عارفة ده

القاعدة في العربية حلوة ومريحة بالرغم من ان الكراسي ناشفة شوية بس متعتبرش مشكلة لاني اكيد مش واخد على القعدة فيها لانها جديدة ومع وجود الفرش بعدين ان شاء الله ممكن تخف شوية

العفشة ناشفة شوية واعتقد ملاك العربية متفقين على كده واعتقد السبب في كده الجنط ال17

عربيتي مافيهاش سنسور بارك وانا شايف ان الريو مهم فيها اوي السنسور بارك لان السواق وهو قاعد المراية اللي في النص تعتبر لرؤية اللي ورا بشكل بسيط ماتعتبرش رؤية كاملة وتحس ان الازاز الخلفي بعيد عنك لكن ان شاء الله ماتمثلش مشكلة بالنسبة ليا لان الحمدلله بركن كويس ولما اخد ع العربية هتبقى تمام

العربية انا ما مشيتش بيها اكتر من 40 او 50 كم بس اقدر اقول ان بسم الله ما شاء الله سحبها جميل اوي وبعد التليين بإذن الله هأكد المعلومة دي

الباور بتاعها ناعم جدا وسلس بس كلاكس العربية مسخرة :d

المشاركة الأصلية كتبت بواسطة samehsayed

هى ايه الكماليات اللى فيها ؟؟

بالنسبة للهاي لاين اللي انا جبتها فيها كل الكماليات ماعدا ليدات الفوانيس والسنسور بارك والتكييف التاتش مش موجودين ولقيت في الكتالوج اوبشن تدفئة الكرسي في حالة برودة الجو بس ده مش موجود عندي اعتقد معرفش موجود في العربيات التانية ولا لا

الكماليات اللي فيها

مثبت سرعة
طارة مالتي فانكشن
تكييف بكر
كاسيت usb . Aux . Cd
مرايات ضم كهربا
ظبط ازار المرايات كهربا
قفل سنتر الابواب من الداخل
فتحة سقف
فوانيس ضباب امامية وخلفية
فتيس اوتو وستيب ترونيك
تلاجة في درج التابلوه ( لتبريد كانز او ازازة مية ) وده بيشتغل بشرط تشغيل التكييف وقت التبريد

المشاركة الأصلية كتبت بواسطة dr/hamza

mabroook

الله يبارك في حضرتك شكرا