شيفروليه افيو 2013 غلطت عمري

**kok200** · 05-01-2014 06:39 AM

باشا احمد ربك انها جت علي قد كدة انت هتطلع عالسمكري زي الشاطر وهتعملها علي حسابك .. لأنك مش هتاخد ولا حق ولا باطل مع منصور شيفورلية (احد اكبر كوادر الحزب الوطني ) العتيق
علي عيني وبالفيدوهات اصحاب معارض العربيات بيستخسر يجيب العربيات نقل يروح جايب 5-6 شباب حلوة ويروحو يستلمو العربيات الفجر ويجيو بيها سواقة تركن في الاجنص الفرد تتفك تتغسل ترجع جديدة .. والعداد يتصفر .. عربية بقي شوية رمل يخربشو الصاج .. يروح ملمعها وملقطها بقطنة بوية
اجانص عربيات راكن 10 عربيات قدام المحل ولازقهم في بعض زي الكتاكيت واحدة فيهم تتجرح يروح راششها
والزبون هوا الي يشتري

عربيتك دي يا باشا ملهاش غير حل من الاتنين .. لو شاريها من التوكيل شرعي يبقي عيب صناعة

شارية من محل عربيات بضمان مصري يبقي العربية دي اتخطبت وهيا جاية واتعملت :)

**kok200** · 05-01-2014 06:41 AM

المشاركة الأصلية كتبت بواسطة colorado

بص يا باشا
العازل المرشوش تحت البوية الفضي مش كامل يعني مش مرشوش لآخر قطعة الصاج والحتة دي واخدة بوية على الصاج مباشرة بدون عازل بالإضافة إن الرش جاي على الطبب الكاوتش
وده طبعا معناه ان ده مش رش مصنع :u_thin1[1]:
طبعا مبقولش ان حضرتك اللي عامل كده لكن ممكن جدا تكون خارجة من المصنع كده يعني ملعوب فيها
وده في حد ذاته غش تجاري و ممكن إثباته بسهولة
على فكرة العربية دي مع أخويا
البرومة سرحت في ديول الرفارف والعتب وقوايم البيبان نفسها
وداير الزجاج ورا وقدام
باختصار العربية بقت منخل
بجد حاجة زبااااااالة علما بأنه محافظ عليها جدا
ياريت تهتم بإثبات الحالة دي فورا لأنهم ممكن يقولوا ان حضرتك عامل فيها شغل بره ومش بمعرفتهم ويسقط حقك في الضمان
وربنا يوفقك :

يا باشا الموضوع مفهوش كسوف .. العربية اتخبطت من تحت (عشان صاحب المعرض مستخسر يجيب العربية نقل ) .. وراح عاملها .. وقالك محدش هياخد بالو

**mr-a** · 05-01-2014 10:40 AM

خليك وراهم لغاية لما تجيب حقك

حضرتك مش دافع فيها مبلغ قليل

ربنا ييسر لك الامور يارب وتتحل المشكله دي

**dr.mohamed_an** · 05-01-2014 10:48 AM

السلام عليكم .. أتمني أن يكون الكل بخير .. بالنسبة للبارومة اللي ظاهرها في عربية حضرتك .. أري انك تتصل بخدمة عملاء المنصور للسيارات بكل هدوء 16424 و تطلب منهم أن يعطوك أماكن مراكز الخدمة المتاح فيها خدمة السمكرة و الدهان أو ممكن الحصول عليها من علي
http://www.chevroletegypt.com/shopping-tools/locate-a-dealer.html
أو الحصول عليها من كتالوج الصيانة..
لكن يجب التأكد من وجود تلك الخدمة
.. لا تفكر في بيع السيارة لأن هذا العيب سوف يخفض من ثمنها كثيراً
اذهب لمركز الخدمة (السمكرة و الدهان ) و باذن الله سوف يتم حل المشكلة
عن تجربتي .. أنا جربت مركز طنطا و ممتازين في التعامل لكن لا أنصحك بالمركز الرئيسي لأنهم لن يعطوك أي اهتمام حتي لو السيارة داخل الضمان
أهم شئ الهدوء في التعامل مع هؤلاء الناس لأنهم بشر كأي بشر يؤدون عملهم كأي شخص يعمل في شركة .. المهم انك تاخد منهم ما تريده بدون احداث خلافات حتي لو كان هناك نوع من التهرب أو الاستعباط .. هتاخد حقك باذن الله
الخلاصة:
استخدم معاهم الهدوء و دي أحسن طريقة عن تجربتي الشخصية
شركة المنصور للسيارات

ك84 (او 82 ) طريق مصر - الإسكندرية الزراعي، دفرة، طنطا - مصر
طنطا

**engaass** · 05-01-2014 12:40 PM

المشاركة الأصلية كتبت بواسطة mosad2

لو حد عنده خبره يقولي اعمل ايه مع الناس دي

شكوى فى جهاز حماية المستهلك ان شاء الله هتخلص الم6وضوع

**M_SALLAM** · 05-01-2014 02:52 PM

العربية دى مرشوشة قبل كدة و التوكيل هيرفض معالجتها و هيقول العربية اترشت قبل كدة و دة عيب السمكرى و البوهيجى اللى عملها ..
لو كانت فابريكا كان احتمال بنسبة 60% ان التوكيل يحلها لكن طالما رشت التوكيل مش هيحلها ...

**midopharmacy** · 05-01-2014 06:03 PM

بص ياباشا ..........ماتتفاهمش مع التوكيل خالص ..........روح حماية المستهلك على طول ولو انى عملت كدا مع عربيتى وبردو معملوش لى حاجة...........دا طريق.........الطريق التانى ان احنا نحاول نجمع اى حد عندة مشكلة مع الافيو 2013 ونحاول نرفع قضية قى المحكمة الاقتصادية كلنا ..........ساعتها ممكن تاخد حقك

**hossam_elwani** · 05-01-2014 06:17 PM

المشاركة الأصلية كتبت بواسطة colorado

بص يا باشا
العازل المرشوش تحت البوية الفضي مش كامل يعني مش مرشوش لآخر قطعة الصاج والحتة دي واخدة بوية على الصاج مباشرة بدون عازل بالإضافة إن الرش جاي على الطبب الكاوتش
وده طبعا معناه ان ده مش رش مصنع :u_thin1[1]:
طبعا مبقولش ان حضرتك اللي عامل كده لكن ممكن جدا تكون خارجة من المصنع كده يعني ملعوب فيها
وده في حد ذاته غش تجاري و ممكن إثباته بسهولة
على فكرة العربية دي مع أخويا
البرومة سرحت في ديول الرفارف والعتب وقوايم البيبان نفسها
وداير الزجاج ورا وقدام
باختصار العربية بقت منخل
بجد حاجة زبااااااالة علما بأنه محافظ عليها جدا
ياريت تهتم بإثبات الحالة دي فورا لأنهم ممكن يقولوا ان حضرتك عامل فيها شغل بره ومش بمعرفتهم ويسقط حقك في الضمان
وربنا يوفقك :

للدرجه دى !!!!!!