بيجو 301 ( إستفسار بخصوص الوكيل )

**doc mohamed** · 27-12-2013 05:22 PM

المشاركة الأصلية كتبت بواسطة mahmed0100

انا عندى وجهة نظر .. العربيه لو زادت مفتكرش الزياده حتكون اكتر من 2000 ( فى رأي الشخصى ) الاوفر برايس 5000 فى الهاى لاين و ممكن اكتر
الكوري كله زاااد جدا 2014 فحتى لو زادت البيجو 2000 جنيه مثلا و احنا بنشترى عربيه كويسه و اثبتت ده من اول سنه .. فهى تستحق
و ربنا يصبرنا على الحياه فى مصر :)

انا سمعت فعلا موضوع ان الزيادة لاقدر الله مش هتزيد عن 2000(ربنا يستر)،الاوفر برايس اعتقد وصل ل7000 كمان! وبلاش سيرة الحياة في مصر لحسن انت كده بتيجي ع الجرح انا مبقتش طايق البلد باللي فيها كلها ونفسي اطير علي بره بس نعمل ايه نصيبنا كده!!!وان شاء الله تستلم عربيتك قريب ،وشكرا علي الرد

**doc mohamed** · 27-12-2013 05:27 PM

المشاركة الأصلية كتبت بواسطة abohend

بص يا باشا
لو توكيل يبقى 4 شهور على الأقل
لو معاك تشتري بالأوفر برايس إشتري أحسن
التوكيل خنقنا
بقالنا شهرين و بيقولي هتستلم في فبراير

بقالك شهرين وبيقولك هتستلم في فبراير!!!!! دا علي كده التوكيل اللي في المعادي بيشتغلني!!! انا سالت من كام يوم قالي لو حجزت قبل نهاية السنة هتستلم اخر فبراير!!!والله ما عارف! انا هدفع مقدم والباقي قسط مش عارف كده انسب ليا من التوكيل ولا اشتريها باوفر باريس وخلاص؟؟؟ ومش عارف هتبقي متوفرة بسهولة ومن معرض محترم للتسليم الفوري ولا لا؟؟؟؟لو تعرف معرض محترم تسليم فوري قولي انزل اشوف كده الدنيا عنده والالوان المتوفرة ومعلش طولت عليك وربنا يسهل ان شاء الله وتستلم قريب

**doc mohamed** · 27-12-2013 05:29 PM

المشاركة الأصلية كتبت بواسطة smsm2004w

انشاء الله انا حاجز من التوكيل صلاح سالم مانيوال يوم 18/11 ادعلنا نستلم قريب

مبروك مقدما وان شاء الله كل اللي حاجزين يستلموا قريب ان شاء الله وشكرا علي الرد

**mahmed0100** · 27-12-2013 07:06 PM

بص هو كل فرع ليه كميه عربيات .. و لو تلاحظ الضغط كله علي صلاح سالم
جايز المعادي عندهم طلبات اقل فحيوفرلك العربيه في المعاد ده صحيح

**smsm2004w** · 27-12-2013 07:54 PM

المشاركة الأصلية كتبت بواسطة doc mohamed

مبروك مقدما وان شاء الله كل اللي حاجزين يستلموا قريب ان شاء الله وشكرا علي الرد

الله يبارك فيك اهم حاجة الحق نفسك وروح احجز لأن الموضوع بيطول

**doc mohamed** · 27-12-2013 08:26 PM

المشاركة الأصلية كتبت بواسطة mahmed0100

بص هو كل فرع ليه كميه عربيات .. و لو تلاحظ الضغط كله علي صلاح سالم
جايز المعادي عندهم طلبات اقل فحيوفرلك العربيه في المعاد ده صحيح

يامسهل اما اشوف وان شاء الله خير

**doc mohamed** · 27-12-2013 08:28 PM

المشاركة الأصلية كتبت بواسطة smsm2004w

الله يبارك فيك اهم حاجة الحق نفسك وروح احجز لأن الموضوع بيطول

بفكر والله احجز ولا اشتري باوفر برايس وخلاص لاني خايف تغلي لما اجي استلم والانتظار ممل بصراحة وانا كده كده هدفع مقدم وهقسط الباقي مش عارف والله؟؟؟

**abohend** · 27-12-2013 10:46 PM

المشاركة الأصلية كتبت بواسطة Ahmed Amin

كل عنواين وأرقام التوكيلات ومراكز الخدمة ممكن تشوفها من هنا,
مراكز خدمة بيجو | التوكيل

وتنبيه لبتوع أسكندرية,, واخد لي بالك يا abohend

بيجو اللي في شارع أبوقير دا أتسحب منه التوكيل من زمان,,,
وفيه ناس مفكرة أنو لسه تبع بيجو لأنه سايب علامة بيجو مشالهاش لكن هوا نصاب وكان هيضحك عليا في مرة,,
أنا كاتب تجربتي في الموضوع دا,,
http://www.nilemotors.net/Nile/37525...post3875151153

بيجو مفهاش غير توكيل واحد بس في أسكندرية,, وهوا اللي في مرغم.

الله ينور يا احمد باشا
و كويس إنك أشرت لموضوع مركز رشدي ده
تجربتي معاهم زي الزفت و بيبيع قطع الغيار أغلى من التوكيل و يعمل الشغلانة غلط و لما ترجعله عايز يدفعك تاني (إستغلال)

بس تصحيح من صفحة بيجو الرسمية-في مركز خدمة معتمد في شارع فؤاد (نور الدين)

eg.main.kppv2.net/authorized-service-centers-/

تسلم إيدك

**Ahmed Amin** · 29-12-2013 03:36 AM

المشاركة الأصلية كتبت بواسطة abohend

الله ينور يا احمد باشا
و كويس إنك أشرت لموضوع مركز رشدي ده
تجربتي معاهم زي الزفت و بيبيع قطع الغيار أغلى من التوكيل و يعمل الشغلانة غلط و لما ترجعله عايز يدفعك تاني (إستغلال)

بس تصحيح من صفحة بيجو الرسمية-في مركز خدمة معتمد في شارع فؤاد (نور الدين)

eg.main.kppv2.net/authorized-service-centers-/

تسلم إيدك

ينور علينا وعليك,
أنا اللي كنت أعرفه إن نور الدين اللي في شارع فؤاد معرض بس مشوفتوش قبل كدا,
هوا فيه مركز خدمة كمان ؟

وفعلاً بتاع شارع أبو قير دا معندوش ضمير, والمفروض التوكيل كان رفع عليه قضيه عشان يشيل علامة بيجو من عليه بما أنه مش وكيل ليهم دلوقتي, وممكن يغش ناس كتير وينصب عليهم زي ما كان هيعمل معايا.