بيجو 301 ( إستفسار بخصوص الوكيل )

**Abu Malek** · 03-02-2014 05:33 PM

المشاركة الأصلية كتبت بواسطة ahmedz310

هل فيه بنك من اللي حدرتك ذكرتهم فيه التأمين علي العربيه إختياري? لإن دي نقطه مهمه بالنسبالي واحدي مميزات بنك ناصر الروتيني واللي للأسف توكيل بيجو مابيتعاملش معاه

كله هتلاقيه عليه تامين اجبارى وحظر بيع
الا بشروط معينه وصعبة

الحل اللى انا عملته شخصيا وفرت مقدم كويس للعربية
والمبلغ المتبقى هعمل بيه قرض شخصى مش قرض سيارة بضمان المرتب على البنك اللى بيتحول فيه مرتبى
وبكده تلاشيت نقطتين التامين الاجبارى وحظر البيع
خد بالك كمان لو فى حظر بيع هتلاقى البنك بيرخصلك العربية كل سنة مينفعش ترخصها كل 3 سنين وكل سنة لازم هتطلع جواب من البنك للمرور عشان ترخص لان العربية بتبقى باسم البنك لسه مش باسمك

نقطة كمان الناس تاخد باله منها عشان كلام الاعلانات اللى بنتخدع بيه والتزويق
فوائد البنوك كلها (ماعدا بنك ناصر) قريبه جدا من بعض ومحصلتها النهائية بتبقى حوالى 9.5 الى 10 %
فى بنوك بتكتب فائدتها 7.5 و8.5 لكن بعد مابتقدم ويطلعلك الاستمارة تلاقى مصاريف قرض وتامين اجبارى وكلام من ده تلاقيها فى الاخر بتعادل كانها 9.5 الى 10%
البنوك الخاصة معظمها بيقولك السعر النهائى
ال cib وده اللى بتعامل معاه بيقولك الفائدة اللى شاملة كل حاجه

**ahmedz310** · 03-02-2014 06:29 PM

متشكر جدا علي رد حدرتك السريع
فعلا فكره اني احوش مقدمه كويسه وأخد قرض شخصي ببقيت تمن السياره فكره كويسه جدا وكنت بفكر فيها بس قصه حرمانيه القرض هي اللي خليتني أشيلها من دماغي رغم ان حتي قروض السياره فيها بعض الحرمانيه علي حسب ماسمعت من بعض الشيوخ? واضح من الكلام اللي قريته ان بنك مصر وبنك الإسكندريه يعتبروا رقم 2 بعد بنك ناصر هحاول اسأل فيهم لومثلا حولت مرتبي ودفعت نص ثمن العربيه تبقي كدا العربيه بإسمي وله باردو هتبقي بإسم البنك? لو هتبقي بإسمي يبقي كدا خلصت من التأمين الإجباري وروتين بنك ناصر

**ahmedz310** · 03-02-2014 06:48 PM

وياسلام بقي لوحدرتك تقول تاني نفس المعلومات القيمه دي عن قرض السياره من عدة بنوك بس في موضوع منفصل عشان الجميع يستفيد وعشان عنوان الموضوع هنا مختلف وشاكر جدا ليك