الموضوع: بيجو 301 ( إستفسار بخصوص الوكيل )

نظم التقسيط لبعض البنوك ماعدا بنك ناصر (زى ماقال زميل لينا هنا ان معظم التوكيلات والمعارض مش بتقبله)
1- بنك الاسكندرية وده اكتر واحد استفسرت فيه عن كل حاجه لانه من وجهة نظرى الامثل فى وقت الاجرائات + معدل الفائدة
لو هتقسط بضمان المرتب بدون تحويل
اكبر قسط ممكن تدفعه 40 % من المرتب
اقل مقدم للعربية 25% واكبر فتره تقسيط 6 سنين والفائدة 14.5% تناقصية
يعنى لو هتقسط مثلا عربية ب 100000 على 6 سنين
هتدفع مقدم و25000 وقسطك هيكون 1566
وهنا تكون فائدتك كانها بتعادل 8.39% ثابتة

اما لو هتقسط بضمان المرتب مع تحويه فالمميزات بتكون اكتر
اكبر قسط ممكن تدفعه 50% من المرتب
اقل مقدم 25 واكبر فترة تقسيط 7 سنين والفائدة 13%
والفائدة بتكون 13.5% لو هتقسط على اقل من 5 سنين
يعنى لو هتقسط عربية ب 100000 وعلى 7 سنين
هتدفع مقدم 25000 وقسطك هيكون 1365
وهنا تكون فائدتك بتعادل 7.55% ثابتة
والموقع ده تقدر تحسب بيه الاقساط فى بنك الاسكندرية
يادوب تكتبه تمن العربيه والمقدم اللى هتدفعه والفائدة التناقصية هتكون كام وعلى كام شهر
حاسبة القروض

2- بنك مصر ويمكن ده اقل فائدة شفته تقريبا 7%
ولازم بضمان تحويل المرتب
واكبره فتره تقسيط 7 سنين ومرتبك لا يقل عن 3000
ملاحظة: بنك مصر يبقى انسب بنك ليك لو تعرف تخلص الاجرائات فيه بسرعه وطبعا ده لو ليك معرفه جامده فى البنك غير كده هتضطر تستنى شهر او اكتر لغايه مايجيلك approval

3- بنك CIB
وده فائدتة بتتراوح من 15 الى 19 % تناقصية
ولو هتحول المرتب اطول فتره تقسيط 6 سنين
وبدون تحويل اطول فتره تقسيط 5 سنين
ولو دفعت 40% مقدم مش هيحتاج منك ضمان المرتب او المفردات حتى

4- بنك الاهلى سوستيه جنرال
وده فائدتة 8.3% واطول فتره تقسيط 7 سنين سواء مع تحويل المترب او بدون
وحد ادنى للراتب لازم يكون 2500 واقل مقدم للعربية 20%

5- البنك الاهلى
الفادئة فيه بتترواح من 14 الى 15% تناقصية واقل مقدم 10% والحد الادنى للراتب 2500 او 3000
كل ده بيتحدد على اساس الشركة اللى انتش غال فيها وتصنيفها فى البنك ايه
ملاحظة: فى بعض الشركات البنك الاهلى عاملها عروض تقسيط وبدون مقدم ودى عرفتها لان المكان اللى شغال فيه معموله نفس العرض

6- بنك المشرق
فائدتة عاليه 10% طبعا هتتصل هيقولك 9.99% (فرقت يعنى )
ولو هتحول المرتب ليك لغاية 7 سنين وبدون تحويل 6 سنين
واقل مرتب يكون 4000 جنيه

فى بنوك غير دى سالت فيها بس مش اهتميت اكتب تفاصيلها عندى فى منها بيقسط لعاملين شركات معينة زى البنك العربى الافريقى
وفى بنوك فتره تقسيطها اقل اقصاها 5 سنين وفائدتهم بتبقى عاليه

ملحوظة: كل اللى انا كتبه ده لو انت هتقسط بضمان المرتب سواء بتحويل المرتب او بدونه

المشاركة الأصلية كتبت بواسطة ahmed amin

يبقي كدا بنك مصر أحسن حاجة في الفايدة ومتهيألي قريب جداً من ناصر,
لكن 13 و 14 و 15 دي تهريج بصراحة,,
وبتضيع السعر الحلو اللي العربية نازلة بيه.

13 و14 و 15 دول تناقصية مش ثابته
يعنى مينفعش اقارن ال 13 تناقصية بنفس رقمها مع فائدة 7 او 8 ثابته
لازم اشوف بتعادل قد ايه كفائدة ثابتة واقارن
وزى مقلت فوق فى مثال
بنك اسكندرية لو هتقسط 7 سنين وبتحويل مرتب هيبقى فائدتك 13 تناقصية ودى بتعادل 7.55

فلو هقارن ببنك مصر اقول بنك مصر فائدته 7 والاسكندرية 7.55
انما مينفعش اقول بنك مصر فائدتة 7 والاسكندرية 13 لان نوع الفائدة مختلف فى كل واحد
على فكره بنك مصر بيعادل فائدة تناقصية 12.1%

اللينك اللى حطيته فوق بتاع بنك الاسكندرية ممكن يساعدك اوى فى انك تعرف الفائده التناقصيه بتعادل كام من الثابتة او العكس

المشاركة الأصلية كتبت بواسطة ahmed amin

أنا عارف أنها مش ثابته, بس عايزك تقعد وتحسبها بالورقة والقلم كويس,
لأن كان ليا واحد قريبي مأمن مع سيتي بنك, والفايدة فضلت تزيد مش تقل,
أو بمعني أصح مقلتش زي ما أتشرح له بأنها تناقصية,
أبقي أتاكد كدا من النظام دا قبل ما تبدأ فيه.

باذن الله
انا بالنسبه ليا يهمنى فى الاخر قسطى هيبقى كام وثابت
وفى بنك الاسكندرية فى خدمة العملاء بعد مكالمة مستفيضة وسالنى هتجيب عربية بكام قلتله على بيجو 301 الهايلاين وقلتله السعر 136000
قالى المقدم كام قلتله نعمل حسابتنا على 40000 مثلا وكده هيعملى قرض ب 960000
قالى كده قسطك هيبقى ثابت طول ال 7 سنين ب 1747 (وده كان فى حالة ال 13 متناقصة)

اما حسبتها مع نفسى ضربت 1747 فى 84 شهر طلع المبلغ الكلى 146748
لو قسمته على مبلغ القرض 96000 هيطلعلك 1.5286
يبقى كده فائدتك الكلية حوالى 52.86% من المبلغ الكلى
اقسم على 7 سنين هيطلعلك بمعدل 7.55%

على العموم برضه اما هقدم وطلعلى الابروفال هشوف القسط هيبقى كام والفائدة بالضبط هتبقى كام وابلغكم هنا
بس ده طبعا مش هيحصل الا بعد اما احجز ال 301 وتوصل كمان وساعتها ابدا اخاطب البنك