الموضوع: مساعده فى عمل الصح .. النترا 2008

السلام عليكم .. عربيتى النترا 2008...العربيه كانت زى الفل ماشيه اقل من 80000
شباب اصطدمت بعربيه من ورا ها وادى ذلك الى بعض التلفيات الجزء الامامى قليل اعندى والحمد لله على كل شئ... وقفت ولقيت الراديتير مقرب من الموتور من اثر الخبطه ووشديت الجزء الامامى بمساعده الراجل اللى خبطت فيه .. وجدت المكان الزور اللى بيركب فيه الغطاء الراديتير مكسور لانه خبط ف البطاريه .. والخرطوم اللى خارج من الراديتير ورايح للموترو مقطوع من جهه الراديتير ..ونصحنى احد السواقين ان الميه كويسه ف الراديتير ونمشى بيها لاقرب سمكرى .. مشينا براحه وركنا العربيه وبعد كده عملت محضر ف اقرب قسم والمهم مشيت بيها لحد البيت وركنتها ف مسافه 4 كيلو تقريبا وقمت بعمل الاتى
1- قطع الجزؤ المقطوع من الخرطوم وتركيبه بطريقه صحيحه منعا للتهريب
2- عملت لزق للزور المكسور بالمادتين اللحام
زودت الراديتير بالميه واتاكدت ان مفيش تهريب وبدات اتحرك بيها لمده يومين تلاته كده وبازود الميهه كل شويه لحين اصلاحها وتغيير اللازم وطبعا كان الزور بيخرج ميه خفيف وباشيك ع الميه كل شويه
.. قررت الذهاب للحرفين لعمل اللازم وبرضه بالوضع ده للاسف .. اتارى فيه خرم ف الراديتير ف الجزء العلوى منه وانا معرفش المهم ماشى ع ال 90 كده العربيه سخنت مره واحده ووطفت وركنت مباشره ع جانب الطريق .. شيكنا ع الراديتر لقينا مفيش ميه .. قمنا تزويد الميه والعربيه دايره ودارت وكملنا وكل شويه نقف نزود ميه حتى وصلنا الحرفين ورحنا ع بتاع راديترات ف الاول وقولناله الحكايه .. وبدا بالاصلاح لقى الخرم اللى فوق واللى مكنتش اعرفه لانه مش باين ولحمه وظبطه وقال مش محتاج نغيير وغيرنا الفبره اللى ع الجنب وخرطوم جديد وزودنا ميه وتمام .. سافرنا بعد كده الى المنزل وصلت البيت بابص ع القربه لقيتها بح مفيش ميه .. زودت واتحركت لمده نص يوم ورجعنا تانى الحرفيين والميه ف القربه بتتاكل بسرعه .. رجعنا لبتاع الراديتير تانى وقمنا بتغيير الراديتير بواحد جديد كورى ب500 وملينا تانى وتمام مفيش مشاكل ..سافرنا وبرضه الوضع تانى القربه اصفطت تانى رجعتله تالت مره قالللى كده الغطا مش مظبوط وغيرنا الغطا بواحد استيراد ... وروحنا ع كده وبدا تابع موضوع الميه بيقل بس مش كتير ونسيت الموضع شويه يجى 3 اسابيع والميه بتقل ومش كتير .. مره كده بابص لقيت الميه برضه مره واحده اصفطت تانى .. رحت لبتاع راديتير تانى اشوف ايه المشكله جه ف بالى تهريب من اى مكان قام الفنى فحص الدروه ملقيناش حاجه بتهرب وقاللى زود بنزين وبص ع الشكمان لقى بتنزل كتير واليومين كان برد شديد وقاللى احتمال جوان وش سلندر .. وبدات رحله الميكانيكيه

.....

كل ما اروح لحد يبقص ع الشكمان يقول جوان وش السلندر .. كنت متخوف من قتح الموتور .. وف النهايه رحت لميكانيكى كويس وقالى كده جوان فعلا وفتح الغطا الزيت والعربيه كانت لسه دايره من 5 دقايق والدنيا الصبح ولقينا اثار طحينه خفيفه ..

شرينا جوان جنجريت وهنغير الجوان والامور هتبقى تمام وغيرنا الجوان وغيرنا الزيت فقط والفلتر الزيت لا ومشيت .. وقعدت تانى ولمده 3 ايام الاقى طحينه ف الغطا صباحا فقط وباقى اليوم مفيش .. وقاللى ممكن من البواقى والميه بتقل ف القربه ولكن مش كتير ولفت انتباهى لما بتفتح غطا الراديتير صباحا تشوف الميه فيه بيبقى الميه مش تحت الغطا مباشره لكن تحت شويه ف الزور وبترزود مقدار 3 - 4 غطيان ميه من قزازة سينا كولا ال2 ليتر والميه ف القربه تقل بسيط مش كتير .. قلت يمكن الفلتر متغيرش يبقى فيه ميه قديمه رحت مغير زيت تانى وفلتر جديد وتانى يوم الصبح لقيت فيه طحينه بس قليل واليوم التانى اقل بكير لدرحه تشوف بسيط خالص ..


الان الميكانيكى قالى لو ظهر ف اليوم التالت بعد تغير الفلتر والزيت يبقى اما نحرق ع الوش اكتر او نطلعه تانى ونمسح الوش ف المخرطه

موضوع الميه اللى بتبقاش تحت الغطا مباشره قاللى عادى مش لازم تحت الغطا مباشره ممكن تحت شويه .. مش متطمن للموضوع ده.. الميه ف القربه بتقل مش كتير ...

العربيه بتدور الان من تانى مره صباحا.. الاستهلاك حاسس انه زاد شويه .. الميه اللى مش تحت الغطا قالقانى وليه متدورش من اول مره وليه الميه مش تحت الغطا مباشره صباحا وليه الاستهلاك زاد شويه .............. العربيه مبتسخنش خالص هى المره الوحيده اللى وقفت فيها العربيه بس ف الطريق وطفت لوحدها