الموضوع: شكر و تحذير و نصيحة ( 3×1)

محمد صبحي إنسان محترم آوي و انا بتعامل معاه من حوالي ٥ سنين و انا انصح اي حد معاه رينو يتعامل معاه

المشاركة الأصلية كتبت بواسطة airfox

اولا يا باشا مبروك ثانيا وده كلام ربنا هايحسبني عليه .انا برده روحت لطارق بتوصيه من ايمن بعد ماكان اتنصب عليا في صقر قريش من واحد اسمه محمد بسبب عادل المهم الاثنين لبسوني بتاع 4000 و لما حكيت موضوعي ايمن رشحلي طارق و روحتله و فضل يغير حاجات في العربيه من غير ما ياخد فلوس و فضلت بتاع 10 ايام بجرب روحتله فيها كذا مره لحد ما وصلنا للعيب و كان دواسه البنزين ب 175 جنيه ودلوقتي انا و 3 اصحابي بنروحله و كله جابوا ميجان من بعديه وواحد مشتريه ميجان من طارق و الصراحه مشوفتش منه اي حاجه هو يمكن معتز اللي يودي في داهيه شويه لانه ماولش في شغل الكمبيوتر هو اخرته عفشه انما الحق يقال انا داخل علي سنه و نص بتعامل معاه و الحمدالله مفيش نصب . حتي واحد صاحبي عمل حادثه بالفلونس بتاعته راح التوكيل قالوه هتتكلف 11 الف قولته وديها لطارق عملها كلها ب 2400 و العربيه زي الفل بقالها 5 اشهر دلوقتي .انا مش بقول انه ملاك يعني بس انا بحكي عن تجربتي و الصراحه هو جدع و اعتقد ان ناس كتيره اتعاملت معاه و عارفه كويس بس يمكن فيه ناس اشتر منه و ديه حاجه طبيعيه .

الله يبارك فيك يا باشا...انا اصلا استغربت ان ايمن يرشح حد ويبقى كدا بس فعلا والله دا اللي حصل معايا ومش عارف فعلا ليه هو عمل معايا كدا بس هو نصيبنا احنا الاتنين...اكيد ربنا كاتلنا الخير سواء انا او هو ... انا بس حبيت انقل تجربة من واقع حصل معايا مش اكتر لكن انا ولا كنت اعرفه ولا اعرف محمد صبحي يعني كلها في الاخر نصيب وارزاق ربنا بيقسمها و محمد ربنا كاتبله الرزق مني وطارق اكيد ربنا كاتبله الرزق من حضرتك ومن الناس اللي بتروحله ... احنا كل اللي يهمنا المصلحة العامة وربنا يبعدنا جميعا عن الميكانيكة خااااااااااااااااالص

المشاركة الأصلية كتبت بواسطة ahmed_gamal

محمد صبحي إنسان محترم آوي و انا بتعامل معاه من حوالي ٥ سنين و انا انصح اي حد معاه رينو يتعامل معاه

فعلا عندك حق دا حتى من دخلته عليا كان بشوش جدا ومبتسم وكله ذوق بصراحه في كلامه وتعامله وفاهم شغله جدااااااا بصراحة

المشاركة الأصلية كتبت بواسطة iaibrahim

اولا مبروك على الوصول للعيب ثانيا طارق كويس جدا وانا بتعامل معاه من فتره وعمره ما عمل اى اشتغاله ثالثا اين هذا الميكانيكى فى شارع ترسه مع التوفيق وجزيل الشكر

الله يبارك فيك يا باشا و محمد مكانه في شارع متفرع من ترسا...وانت ماشي في ترسا اتجاه المريوطية هتلاقي بنزينه توتال على يمينك قدامها الناحية التانية محل كبير بتاع جنوط وكاوتش وبطاريات على ناصية كدا هو محمد في الشاع دا

الف مبروك يا باشا بس انا كنت عايز اقول حاجه انا كنت برضوا شاري ميجان ٢ توب لين وبعد شهر تقريبا حصلي نفس اللي حصل عندك وكنت لما ما ابطل العربيه بتشتغل زي الفل ورحت كذا ميكانيكي وفشلوا في الوصول لحل لحد ما اتنين من اصحابي قالولي علي طارق وللعلم واحد منهم ساكن في صقر قريش وجرب كذا واحد هناك فروحت لطارق لما كشف علي العربيه وحطها علي الكمبيوتر قالي الفتيس كويس ومش عامل اي حاجه علي الجهاز المهم حاول بكل الطرق الممكنه غيري كمبيوتر فتيس وما اخدش فلوسه وقالي جرب كده وقولي . المهم العيب فضل موجود وبعدين روحتله تاني فاخد العربيه وباتت معاه اكتر من تلات ايام علشان يراجع علي الضفيره كلها والاسلاك والمديول حته حته ويغسل الاسلاك علشان لو واخده رطوبه او زيت المهم عملها واخدها تاني اجرب كل ده من غير ما ياخد ولا مليم ، للاسف عملت نفس المشكله تاني وبعد كذا مره من التجربه علي كل حاجه في الفتيس ولحد ما انا زهقت وكنت مقررر اني ابيع العربيه بعد اقل من شهرين من شررها روحت واخد القرار اني ارميها لطارق يا يشوف حل يا اما يبعها وقبل ما روح وصلت لدرجه ان العربيه كاتبه chek gear box علي طول وصلتها ليه وسبتها خالص نسيتها كلمني بعديها بيوم وقالي خلاص تعالي خد العربيه انا وصلت للمشكله وحالها بالفعل . كلمه اخيره اقسم بالله العظيم اللي بقوله مش مجامله ليه بس طارق واسلوبه معايا هو اللي حببني في العربيه علي الرغم من ان الناس كلها بتلح عليا اني ابيعا وعمره ما اتكلم معايا في فلوس خالص حتي لو كان مش معايا علشان قطع الغيار غاليه زي ما كل الناس عارف وعلي فاكره مش بيلجأ للغيار غير لما تكون العربيه محتاجه وكل مره كنت بقول نغير حاجه كان بيقول لا امشي عادي مش حيحصل حاجه مع العلم اني ساكن في مدينه نصر والمشوار بعيد جدا عني وجنب صقر قريش والحرفين بس بجد هو راجل محترم في كل شيئ ودي كلمه حق حبيت اني اقولها واخيرا مبروك علينا العربيه

محمد صبحي ... إنسااان في غابة الإحترام والأمانة ....
سااعات كنت أتحايل عليه علشان يغيرليا بعض الحجات ...وهو يقوللي مش مغيرهاالك لأنها كويسة ...
راجل بجد أمييين و نظييف و شغلة مفيش كلام ....
ربنا يباركلة .... إنسان عارف شغلة كويس و بيتقي ربنا في كل حاجه بيعملها ...
أنا معاه بآلي 4 سنييين ..ولولاه كان زماني بعت عربيتي من زمااااااااااان ...
ربنا يخليه لينننا ...ههههههههه

المشاركة الأصلية كتبت بواسطة ahmedtr9989

محمد صبحي ... إنسااان في غابة الإحترام والأمانة ....
سااعات كنت أتحايل عليه علشان يغيرليا بعض الحجات ...وهو يقوللي مش مغيرهاالك لأنها كويسة ...
راجل بجد أمييين و نظييف و شغلة مفيش كلام ....
ربنا يباركلة .... إنسان عارف شغلة كويس و بيتقي ربنا في كل حاجه بيعملها ...
أنا معاه بآلي 4 سنييين ..ولولاه كان زماني بعت عربيتي من زمااااااااااان ...
ربنا يخليه لينننا ...ههههههههه

انا ساكن فى المعادى وعايز منك العنوان بتاع محمد صبحى دة بالتفصيل
انا هاخد الدائرى قلى بقى انزل انهى نزلة ومن بعدها اشرحلى العنوان بالتفصيل

انا معايا فلوانس 2012 بس واحد صحبي معاه ميجان دوخته في صقر قريش بس الي حل مشاكل العربية كلها واحد اسمه احمد العسكري في الحرفيين عنده مركز خدمه صغير كده. وبصراحة ولد ممتاز وامين وفاهم وبيخلص . برضوا ده كويس ممكن نضيفه للميكانيكية المحترمين الي مبيشتغلوش الناس . وانا عن نفسي انصح بيه للناس الي ساكنه قريب من الحرفيين .