شكر و تحذير و نصيحة ( 3×1)

**MohammedAladel** · 15-02-2014 04:58 AM

المشاركة الأصلية كتبت بواسطة mamoud salah h

اولا مبرووك علي العربية وعلي تدارك العييب باقل تكلفة

انا بصراحة نفسي اركب الميجان ولو حصل نصييب لازم تكوون مانيوال عشن الفتييس بتاعها ليه قصص كتيير مش مريحة بس العربيو بصفة عامة تحفة ربنا يباركلك فيها

أتذكر أنه كان لديك ميجان وكنت عارضها للبيع !

**MohammedAladel** · 15-02-2014 05:06 AM

كلامك صحيح ولكن لا يستدعى التحذير لأنك لم تتعامل معه
طارق يكره الإصلاح ويهوى التغيير
مثل بسيط
لدى مراية يمين ضم قمت بفصل المحرك لحين إصلاحها وأنا أستطيع إصلاحها بنفسى ولكن ينقصنى ترس بداخلها ... المهم أنى سألته إذا ما كان يصلحها
مسك المراية بيديه وقال محتاجة تتغير كلها !!! ضحكت وقلت له مراية بحالها بمواتيرها بحساسها بسخانها أغيرها عشان مش بتضم !
وأركب مراية تايوانى أو صينى مثل هذه المركبة فى السيارة المجاورة لك !

سألته أيضا هل تستطيع إصلاح ترس الديفيزر وما هى قصة إصلاحه بالضبط ... قال أنا لا أصلح أنا أغير فقط ولا يعنينى إصلاحه لذلك لماذا أقوم بفكه !

حتى لو كان لا يريد إصلاحه على الأقل يجب عليه بحكم مهنته أن يكون لديه فضول كاف لمعرفة ما هية الشئ والتعرف على ميكانيزم الترس وهو يعتبر الإبداع الحقيقى والعامل المميز للمحرك !

**MohammedAladel** · 15-02-2014 05:29 AM

لى ميكانيكى زميل لى من بلدتى وهو كان يعمل فى القاهرة فى الهرم تحديداً وهو يعمل بالسيارات الكورى واليابانى .... كنت أوقات أذهب إليه وأتناقش معه ... وذات يوم من الأيام قبل أن أسافر إلى طارق ... قلت له سأذهب إلى ميكانيكى متخصص رينو وخبرة وعلم وفن وشعر

اسمه طارق بالهرم .... وأول ما قلت له طارق قال لى أعرفه خلف ووصف مكانه بدقة وقال أدلك عن واحد أحسن منه قلت له لا يوجد أحسن منه ههههههههه .... قال لى محمد صبحى !! سبحان الله
وقلت له أيضا على عادل فى صقر قريش
المشكلة أن زميلى الميكانيكى أتى إليه بعدها بيومين سيارة ميجان احتار فى أمرها ثم نصح صاحبها بالذهاب إلى طارق لأنه يثق فى أنا شخصيا !

وبعد ما ذهبت ورجعت بفترة ذهبت إلى رجب زميلى الميكانيكى أول ما شاهدنى كشر وغضب وبدأ يقول كلام مش كويس لا داعى لذكره ... المهم قال أن طارق قام بتغيير الكنترول وغير أشياء كثيرة وكلف الرجل صاحب السيارة 6000 على حد قوله ولكنى لا أثق فيه صراحة ...وقال لى محمد صبحى هو من أنقذ الموقف
وقال أنه ذهب لعادل قبل طارق ومشى من عنده بخناق وصاحب السيارة اتخرب بيته

حتى لو كان الميكانيكى يهول فى كلامه وهذا ما أظنه لكن أيضا ملامح وجهه وغضبه الشديد منى وسبه لطارق ليس من فراغ ! والله أعلم

**Gamal.Eid** · 15-02-2014 09:50 AM

المشاركة الأصلية كتبت بواسطة egyption88

مبدأيا انا ميجناوي جديد معاكم هنا ودا اول موضوع ليا بخصوص العربية
الموضوع زي ما في العنوان متقسم 3 حاجات هبدأهم بالترتيب زي العنوان...معلش الموضوع كبير بس يستاهل ....

ولا:الشكر:عايز اشكر الاستاذ هيثم من شركة زيوت (xado) على اول تعامل معاهم ودا طبعا لاني لسه جايب العربية فا كنت بغير زيت وهو رشحلي التخليقي بالكامل (5w-40...sm extra drive) ولقيته من نفسه بيسألني اذا كنت عضو هنا عشان احصل عالخصم 10% وبالفعل تم الخصم وبعتلي الحاجة تاني يوم الصبح لحد باب البيت وبدون رسوم توصيل وقريب هعمل تقرير بحالة الزيت

ثانيا:التحذير:العربية لما جبتها كانت سليمة وكنت عامل كشف عليا بالكمبيوتر في صقر قريش وكله تمام كان بس ظاهرلي شريط الايرباج ومش فاكر حاجة تانية كدا المهم عرفنا اللي فيها وتمام وخلصت البيعة الحمدلله واستلمت العربية....تالت يوم وانا ماشي في امان الله لقيت العربية مش بتنقل بتسبت عالتاني وحتى لما بجيب وضع المانيوال مش بيظهرلي اصلا الارقام في العداد قدامي ولا كأنه ليه اي تأثير وكتبلي طبعا check gear box المهم بطلت العربية وسيبتها حوالي ساعتين وخلصت مشواري ودورتها تاني اشتغلت تمام ولكن بعد شوية حصل نفس المشكلة تاني..قلت مابدهاش بقى...دخلت عالمنتدى لقيت الاعضاء هنا بيقولي على واحد اسمه طارق في الهرم (وهو دا التحذير) رحتله حكيتله اللي حصل سألني اول حاجة على سعر العربية قلتله سعرها وهو للمعلومية قليل عن السوق شوية بس بالتراضي مع صاحبها وكدا وكمان انا كشفت عليها بالكمبيوتر وعرفت المشاكل اللي فيها المهم اولما قلتله السعر حسيت اني شتمته وبدأيحاول يطلعلي في العربية اي حاجة قلتله انا كشفت عليها عند عادل في صقر قريش قعد يتريق على عادل وكلام كدا مالوش لازمة وانا مذهول وحسيت ان عادل فعلا اشتغلني في الكشف...المهم طيب يا باشمهندس اديني جتلك اهو قولي ايه المشكلة حط العربية عالجهاز وكانت الصدمة...قالي الفتيس دا بايظ ومش نافع وعايز يتغير وتمنه استيراد بالتركين حوالي 7500 جنيه الكلام دا من غير ما يعمل اي حاجة غير الكمبيوتر المهم قعد اقوله ازاي دا كان ماشي عادي جدا حتى النقلات كانت سلسة جدا ومافيش اي حاجة ملحوظة من الفتيس لما كان شغال ازاي في يوم وليلة كدا فتيس يبوظ قالي هو نصيبك كدا بقى وسدها في وشي وروحت البيت وانا مش شايف قدامي من الصدمة طبعاولحد كدا انتهى الجزء التاني.

ثالثا:النصيحة:بعد اللي حصل في ثانيا نزلت تاني يوم اسال على اي حد بتاع رينو قريب مني في الهرم لحد ما وصلت لواحد اسمه (محمد صبحي) في شارع ترسا في الهرم روحتله حكيتله كل القصة قالي سيبك من الاكلام دا واحنا هنجرب الاول قبل ما نحكم عالعربية قلتله ماشي المهم فتح الكبوت نزل شوية زيت من الفتيس على صباعه لقاه كويس وقالي كدا الزيت تمام...بعدين فك الكويلات وطلع البوجيهات لقى بوجيه معرق زيت قالي ممكن يكون دا عامل مشكلة راح جايبلي طقم بوجيهات من عنده وركبه وقالي اطلع جرب لحد بكرة كدا وقولي المهم جربت وبردو عملت نفس الحركة رجعتله تاني ربطلي الفيش بتاعة الكنترول يونت بافيز عشان لو كانت بتتهز او حاجة وبردو نفس القصة قالي كدا هنفك فيشة الفتيس والهيدروليك ونراجع عالسلوك والفيش ونشوف وبالمرة كان عندي بطاحة يمين عايزة تتغير قالي نعملها واحنا فاكين قلتله ماشي قالي بس معلش هتجيبها بدري عشان تاخدها في نفس اليوم قلتله تمام مشيت وجيتله تاني يوم العصر كدا فك الاكصدام والكرتيرة والمساعد والبطاحة وقعد غسل كل السلوك والفيش بتاعة الفتيس والهيدروليك بالبنزين وشيك عالبينات بتاعة الفيش ولقى فعلا سلك في قطع وفيشة مش محكومة صح عملهوملي وغيرلي البطاحة وكان عندي الطبة اللي في الكارتيرة واقعه ركبهالي من عنده وقالي كدا ان شاء الله خلاص جرب براحتك ومارضيش ياخد مني فلوس لحد ما اجرب واقوله ...والحمد لله بقالي دلوقتي 3 ايام وكله تمام وزي الفل...وكل دا تغيير البطاحة تركي وطقم البوجيهات والطبة بتاعة الكارتيرة وقصة الفتيس وخد مني 350 جنيه .... اللي عرفته بقى انه تقريبا دارس مش مجرد ميكانيكي لانه شكله اصلا ابن ناس ومعاه 3 صبيان في الورشة وشغلهم زي الفل بالترتيب في الاحسن ( عادل وبعدين هشام وبعدين بلحة) وغالبا عادي دا قريبه لانه بيبقى هوا اللي مشغل هشام وبلحة لما يكون المهندس محمد مش موجود...عشان كدا انا بنصحكم بيه وانتو بنفسكو شفتو الفرق بين الاتنين واحد استسهل من غير ما يتعب نفسه وكان عايز يدبسني في 7500جنيه عشان يرتاح هو والتاني مشي معايا واحدة واحدة لحد ما اتحلت

هو دا رقمه 01003390213 اسمه محمد صبحي اللي يروحله يقوله بس من طرف عمرو الصوفاني ودا مش اعلان ولا حاجة انا بس حابب افيد الناس هنا زي ما هما افادوني كتير واي استفسار انا تحت امركم

جزاك الله خير على النصيحة وفعلا فى ناس بتستسهل الجراحة على طول ومتدورش على العلاج الاول ودول منهم لله ومبروك على العربية وربنا يحفظها لك

**yassermcv** · 27-02-2014 09:32 PM

متابع

**eng_mmm2004** · 06-03-2014 12:04 PM

ممكن أعرف فين مكانه بالتفصيل أكتر فى شارع ترسا .

انا حكون جاى من 6 أكتوبر

**MOHAMED HASAN** · 08-03-2014 03:22 PM

انا بردو حروح لمحمد صبحى و اجرب و امرى الى الله العربية بقى حالها سئ لانى عندى فوبيا من الميكانيكية الصراحة بسبب اكثر من تجرية فاشلة مع اكثر من ميكانيكى انا ساكن فى الطالبية هرم يعنى جنبه حجربه انشاء الله و اقول رايى و هو حيكون اول ميكانيكى يعمل صيانة للعربية فعلى بعد التوكيل سبحان الله انا كنت رايح لطارق دا
بس انا مش بحب الميكانيكى الى يغير الحاجة و خلاص

**egyption88** · 08-03-2014 04:43 PM

المشاركة الأصلية كتبت بواسطة eng_mmm2004

ممكن أعرف فين مكانه بالتفصيل أكتر فى شارع ترسا .

انا حكون جاى من 6 أكتوبر

والله يا باشا انا ماعرفش انت هتكون جاي من انهي طريق لكن عموما انا هوصفلك لو انت في المريوطية هرم الاتجاه اللي جاي من نزلة الدائري خارج على شارع الهرم...من بعد ما تنزل من الدائري عالمريوطية هتفضل ماشي علطول هتعدي اول شارع كبير على يمينك وعلى ناصيته سوبر ماركت كبير و واحد بتاع فاكهة الشارع اللي بعده علطول بردو شارع كبير واتجاهين رايح جاي هو دا شارع ترسا هتدخل تفضل ماشي حوالي 1 كم تقريبا هتعدي على بنزينة اويلبيا على شمالك وبعدها بشوية صغيره بنزينة توتال هو قدامها الناحية التانية الاتجاه اللي انت فيه يعني ... هتلاقي محل جنوط وكاوتشات كبير عالناصية هو في ضهر المحل دا...ارجو اكون قدرت اوصفلك بطريقة مفهومة واي استفسار تحت امرك

**egyption88** · 08-03-2014 04:45 PM

المشاركة الأصلية كتبت بواسطة mohamed hasan

انا بردو حروح لمحمد صبحى و اجرب و امرى الى الله العربية بقى حالها سئ لانى عندى فوبيا من الميكانيكية الصراحة بسبب اكثر من تجرية فاشلة مع اكثر من ميكانيكى انا ساكن فى الطالبية هرم يعنى جنبه حجربه إن شاء الله و اقول رايى و هو حيكون اول ميكانيكى يعمل صيانة للعربية فعلى بعد التوكيل سبحان الله انا كنت رايح لطارق دا
بس انا مش بحب الميكانيكى الى يغير الحاجة و خلاص

روح يا باشا وانت مطمن ومغمض كمان محمد فعلا فنان واستاذ وبيراعي ربنا في شغله واسعاره كويسة جداااااا وقبل كل دا انسان تتعامل معاه بصراحة

**egyption88** · 08-03-2014 04:50 PM

المشاركة الأصلية كتبت بواسطة vito amen

انا ساكن فى المعادى وعايز منك العنوان بتاع محمد صبحى دة بالتفصيل
انا هاخد الدائرى قلى بقى انزل انهى نزلة ومن بعدها اشرحلى العنوان بالتفصيل

باشا انا اسف عالتأخير بس هتلاقيني في رديت على زميل لينا هنا عالمكان بالتفصيل واي استفسار تحت امرك

الموضوع: شكر و تحذير و نصيحة ( 3×1)

LinkBack

أدوات الموضوع

عرض

-

-

-

المواضيع المتشابهه

ش.ر . تحذير . نصيحة (1x3)

تحذير الى عنده بنت يخاف عليها (تحذير ممنوع اصحاب القلوب الضعيفه )

تحذير محدش يحجز فى التوكيل كيا نصيحة عن تجربة

نصيحة بخصوص خرطيم الماء (تحذير)

الكلمات الدلالية لهذا الموضوع

المفضلات

المفضلات

ضوابط المشاركة