ايهما افضل الشكل الجديد ام القديم

**edodahab** · 30-12-2013 11:00 AM

اللى على راسه بطحة

**edodahab** · 30-12-2013 11:30 AM

المشاركة الأصلية كتبت بواسطة medo-312

ياباشا والله ماتحيز ولا حاجة .. الاثنين فيهم عيوب ومزايا .. بس زى مانت شايف اسلوب الرد .. ماشفتوش مثلا داخل يقطع فى الأفيو فى قسم الشيفورليه زى مابيقطع فى الصنى فى قسم النيسان !!.. ده غير تناقض الاراء والردود .. عموما الأتنين فئة متوسطة وسعرهم متقارب يبقى خلى واحد معاه بى أم أو مرسيدس يخش يقول اللى عايزه تبقى مقبولة .. أنما الحال من بعضه وداخل يستهزأ ويتريق بأمارة أيه والنبى !!!!!!!!!!

بس واخد بالك ان فيه ناس كتير فى المنتدى كانوا بيفكروا فى الصنى و اختاروا عربيات تانية و مع ذلك لسة بيدخلو هنا عشان يشتموا فيها و لسة العربية واكلة دماغهم
و الاغرب انك متلاقيش ليهم مشاركات فى منتدى العربيات اللى اشتروها
انا لسة طاقش فى واحد منهم برده
تحس انهم بكدة بيضيعوا احساسهم بالذنب هههههه
عامة اهلا بيكم و دى حاجة تفرحنا ان الصنى تكون واخدة حيز كبير من حياتكو حتى بالرغم انكوا مجبتوهاش

**Muttaz Saied** · 30-12-2013 01:16 PM

المشاركة الأصلية كتبت بواسطة edodahab

بس واخد بالك ان فيه ناس كتير فى المنتدى كانوا بيفكروا فى الصنى و اختاروا عربيات تانية و مع ذلك لسة بيدخلو هنا عشان يشتموا فيها و لسة العربية واكلة دماغهم
و الاغرب انك متلاقيش ليهم مشاركات فى منتدى العربيات اللى اشتروها
انا لسة طاقش فى واحد منهم برده
تحس انهم بكدة بيضيعوا احساسهم بالذنب هههههه
عامة اهلا بيكم و دى حاجة تفرحنا ان الصنى تكون واخدة حيز كبير من حياتكو حتى بالرغم انكوا مجبتوهاش

Looooooooool

**ibrahimsaad** · 30-12-2013 02:09 PM

ياجماعه والله كلها عربيات فى الاول والاخر واحنا على كف الرحمن اهم حاجه ربنا بس يسترها معانا ويكفينا والمسلمين شر اى عربيه

**waleedrahmy** · 30-12-2013 06:26 PM

المشاركة الأصلية كتبت بواسطة medo-312

والنبى تقوله .. وشوف رده على نيسان الشكل الجديد اللى مش عاجبه علشان جاب غيرها أنما لو كان جابها ماكنش نطق من أصله :

وده رد استاذ / صدام :

ناس غريبة

بس زى مانت شايف اسلوب الرد .. ماشفتوش مثلا داخل يقطع فى الأفيو فى قسم الشيفورليه زى مابيقطع فى الصنى فى قسم النيسان !!..

اللى على راسه بطحة

انت مصر تشخصن الموضوع

عيب لما تقول ناس غريبة
و
انك تقول اني ماكنتش نطقت اساسا
و
عيب لما تقول علي راسه بطحه
و
عيب لما تقول اني في قسم نيسان بهاجم النيسان وفي قسم الشيفوليه لا اهاجم الشيفورليه

مش معني اني بنتقد عربية انت راكبها يبقي اني شخص غريب
واضح انك مختلطة عليك الامور
وانا لم ارد ان ارد عليك في ردك قبل الاخير
لكن هجومك علي ووصفي اني ناس غريبة
لا اقبله
وياريت تلتزم بحدود وادب الحوار والنقاش

**medo-312** · 31-12-2013 12:29 AM

المشاركة الأصلية كتبت بواسطة waleedrahmy

انت مصر تشخصن الموضوع

عيب لما تقول ناس غريبة
و
انك تقول اني ماكنتش نطقت اساسا
و
عيب لما تقول علي راسه بطحه
و
عيب لما تقول اني في قسم نيسان بهاجم النيسان وفي قسم الشيفوليه لا اهاجم الشيفورليه

مش معني اني بنتقد عربية انت راكبها يبقي اني شخص غريب
واضح انك مختلطة عليك الامور
وانا لم ارد ان ارد عليك في ردك قبل الاخير
لكن هجومك علي ووصفي اني ناس غريبة
لا اقبله
وياريت تلتزم بحدود وادب الحوار والنقاش

ياسيدى انا مش باشخصن الامور ولا حاجة .. أنت اللى بتقول الشيىء وعكسه وشوف ردك على استاذ صدام لما كنت بتقارن بين النيسان والاوبترا !!

النيسان تكسب في الشكل الجديد والكماليات الاكثر تفوقا من الاوبترا

وبعدين جبت الأوبترا والناس كلها قالتلك ألف مبروك ماحدش دخل قالك دى فيها كذا وكذا حتى لو معترض على اختيارك .. هو ده الأدب .. لأنه حرام بعد ماجبت عربيتك افضل الف وراك وأقولك دى عربية بنت ستين فى سبعين وواحد مهندس فى شيفورليه قاللى وعادلى !! .. كل العربيات فيها اللى فيها وكل واحد عارف وفاهم ايه العيب اللى يتقبله مقابل السعر اللى هايدفعه .. ياأستاذ وليد انا بيصعب على اشوف واحد نفسه وقفت من عربيته ويبيعها ويخسر فيها علشان ردود من نوعية رد حضرتك والموضوع كتر فى المنتدى ده من غير ملاكها !!! ناس اشترت عربية تانية ومصممة تدخل تستهزأ من العربية ليه مش عارف !! وبعدين ياأستاذى الفاضل أنا ماغلطش فيك :

ناس غريبة .. معناها واضح فى كلامى اللى لسه قايله فى ردى ده مش انت بالأخص
ماكنتش نطقت اساسا .. مش قلة أدب لاسمح الله .. يعنى هل يعقل تشترى العربية وتدخل تقول الكلام اللى قلته .. أشك

عيب لما تقول اني في قسم نيسان بهاجم النيسان وفي قسم الشيفوليه لا اهاجم الشيفورليه.. أيه العيب فى الكلام ده ؟؟ دى حقيقة لأن عربيتك شيفورليه وماحدش بيهاجم عربيته .

عيب لما تقول علي راسه بطحه .. راجع الرد ببساطة مش انا اللى قلت كده !!

وياريت تلتزم بحدود وادب الحوار والنقاش .. الحمد لله انا متربى كويس وماغلطش فيك وليك كل الأحترام بس ياريت تفهم ليه الردود دى بتضايق وأعتبر نوعية الردود دى على الأوبترا اللى انت جبتها .. أكيد كنت هاتزعل.. لازم نتعلم نحترم اختيار الناس ومافيش مانع نقول رأينا بس بأسلوب علمى .. ياراجل عضو محترم معانا فى موضوع عن تغيير نوعية التكييف فى العربية من اول شهر يناير من مانيوال لتاتش خبر عادى جدا يرد ويقول هاتزيد من حلاوه مشاكلها يعنى !! طيب ده رد بذمتك ؟؟ وخد من ده كتير .. عموما أعذرنى ولو كلامى وصلك غلط أنا آسف بس ياريت تراجع نفسك وتخلى بالك لو عايز تنتقد عربية يبقى فى نقط محددة علشان ماتزعلش حد منك