ايهما افضل الشكل الجديد ام القديم

**edodahab** · 27-12-2013 10:08 AM

متنساش ان الجديدة فيها 2 airbags , abs , ebd و القدبمة مفيهاش

**ibrahimsaad** · 27-12-2013 11:49 AM

الف شكر ياجماعه على ردودكم القيمه
هى فعلا معادله صعبه ان الواحد يلاقى فى العربيه كل مايتمناه ولذلك لابد من التنازل عن اشياء فى مقابل اشياء اخرى

انا محتاج للعربيه طبعا للاستخدام المنزلى وطبعا فعلا انا بروح الارياف اجيب شوال رز احيانا وده اللى مخلينى اختار الشكل القديم لانه افضل من ناحيه الصاج والقوه والتحمل والصور دى لصنى الشكل الجديد صاحبها بيقول حصلها كده على سرعه 60 ك بس

**mamdouhsh1973** · 27-12-2013 01:22 PM

السلام عليكم انا كنت محتار زى حضرتك كدة بالضبك وعملت كل المقارنات فى الدنيا وخصوصا ان الشكل القديم اتوماتيك مش موجود غير بالاوفر برايس الجديد فية حاجات حلو بس شوارعنا اجميلة عايزة حاجة ناشفة بالاضافة ان كل قطع الغيار والاكسسوارات متوافرة للشكل القديم وباسعار معقولة ولما اشتريتها من حوالى شهرين وحتى الان بصراحة لم اندم يوم بالعكس حسيت انى كسبت السيارة المناسبة وبالتوفيق طبعا

**edodahab** · 27-12-2013 03:34 PM

العربية دى ممشيتش اصلا و مالهاش صاحب و معتقدش ان دة ممكن يحصل على سرعة ٦٠
كبر دماغك

**edodahab** · 27-12-2013 03:51 PM

بس دة ميمنعش ان صاجها اضعف من القديمة طبعا

**waleedrahmy** · 27-12-2013 04:40 PM

المشاركة الأصلية كتبت بواسطة jos

الشكل القديم : ثباته احسن عافشتها انشف..صاجه اتقل ..ماتورها 1600 بس تكنولوجى قديم..عزلها وحش .. صالونها ديق ورا...باورها زيت وتقيل .. استهلاكها للبنزين عالى جدا اول 10000 وعالى بعد كده ...كاوتشها بردحجستون يابانى ممتاز ..تابلوها خامته احسن بس كاسيت وحش والعدادات شكلها مش حلو..

الشكل الجديد (سوبر صالون): ثباتها ااقل.عفشه انعم..صاج اخف.. ماتور 1500 بس تكنولوجى حديث وبيدى عزم وسحب ممتاز حتى مع التكييف...صالونها واسع جدا..باور كهربا وناعم...استهلاكها للبنزين اقتصادى...كاوتش ماكسيس صينى معفن...تابلوها خامته مش اد كده بس اشيك وكاسيت بلوتوث جميل جدا وعدادات رياضيه بانوار ليدات شكلها حلو ومزوده بكمبيوتر وعداد بنزين وحراره ديجيتال ..فيها ايمبولايزر
شوف انت عاوز ايه من العربيه وقرر لو مش فارق معاك الاوبشنز وصاحب عيله ومشاويرك كتيره وبتورح الارياف تجيب شوال الارز وشوال الدقيق وعاوز حاجه تستحمل الاستعمال القاسى وتسد معاك يبقى خليك فى القديم لو غير كده يبقى استمتع بالشكل الجديد

لخصت فاوجزت فانجزت
وجبت بيت القصيد

**ibrahimsaad** · 27-12-2013 06:32 PM

المشاركة الأصلية كتبت بواسطة edodahab

العربية دى ممشيتش اصلا و مالهاش صاحب و معتقدش ان دة ممكن يحصل على سرعة ٦٠
كبر دماغك

ياباشا الصور اللى منزلها صاحب العربيه وهو فى الامارات وكان نازل بيها مصر وده على عهدته

**blazer** · 27-12-2013 09:06 PM

الجديده افضل كعربيه مدينه
استهلاك بنزين افضل بكتير و عزل فضل و اوسع بكتييييير
انما كوتشها معفن جدااا ماكسس صينى و اسوء عيب هو ثباتها انا سقت العربيتين على سرعات عاليه الجديده فعلا على ال 140 وحشه جدا و تخوف و لما تعدى جمبك عربيه مقطوره بتحدفك من الحاره الى انت فيها وعلى الملفات مش كويسه مقارنه بلشكل القديم على نفس السرعه مبيحصلش الكلام دا خالص

**blazer** · 27-12-2013 09:19 PM

بس لو انا هشترى بي العربيتين هجيب الجديده و ابقى اجنط 16 و اجيب كاوتش عريض و بارات فى حوض العربيه عشان احسن ثباتها و مش لازم تجرى بلعربيه :d
شوارع مصر اخرها 80

**J A G U A R** · 27-12-2013 09:28 PM

المشاركة الأصلية كتبت بواسطة edodahab

متنساش ان الجديدة فيها 2 airbags , abs , ebd و القدبمة مفيهاش

القديمه فيها 2 ايرباج

الموضوع: ايهما افضل الشكل الجديد ام القديم

LinkBack

أدوات الموضوع

عرض

-

-

-

-

-

-

المواضيع المتشابهه

استفتاء : ايهما تفضل مازدا 3 الشكل القديم ام الجديد

مازدا 3 الشكل الجديد ولا الشكل القديم ؟ ايهما افضل !!!!!؟

ايهما افضل نيسان صني ام كيا سيراتو الشكل القديم

قول انهى افضل فى الشكل : كولت الشكل القديم ولا الشكل الجديد (مرفق بالصور)

ايهما افضل هوندا سيتى 1500 او لانسر 1600 الشكل القديم؟؟؟؟؟؟!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة