الموضوع: مساعدة قليلة تمنع بلاوى كتيرة

المشاركة الأصلية كتبت بواسطة islam.3bada

حقيقى فى ظل الظروف دى , الافضل انك تضمن حاجة من دلوقتى , لان مفيش حاجة اكيدة و متقدرش تعتمد كلام بتوع المبيعات سواء فى معرض او توكيل ..
كدا كدا العربيتين واحد و ده هيسهل عليك كتير لانك مش هتخرج لاختيار مختلف كتير او مختلف اصلا ..

نصيحة لو ارتبطت نفسيا بالبيجو و لو شايف ان لو اشتريت الاليزيه هتفضل برضو عينك على البيجو فى الشارع , يبقى بلاش و خليك فى البيجو و اشترى اللى نفسك فيه و الاختيار اللى متندمش عليه لانك مش هتجيب عربية كل يوم ...

انا كنت فى نفس موقفك بس معكوس انا انتظرت 7 شهور تقريبا عشان استلم الاليزيه و كان قدامى البيجو تسليم فورى و مرضتش اشتريها .. عشان لو كنت جبتها كنت هفضل مشدود اكتر للاليزيه و هندم انى مستنيتش كل اما اشوفها فى الشارع ..

ربنا يوفقك للاصلح .
تحياتى

شكرا يا اسلام

فعلا موضوع العربيتين واحد ده هو اللى شجعنى من البداية على التفكير فيها

المشاركة الأصلية كتبت بواسطة akram.gamal

اولا عايز اقولك على حاجه زي مانت ارتبطت نفسيا بالعربيه احنا ارتبطتنا بيك فى منتدى بيجو
يعنى حتى لو اصبحت مالك سيتروين هتبقا واحد مننا زي مانت


ثانيا بالنسبه لزيادة الدولار مين ال قال لحضرتك ان الدولار بيزيذ ده بالعكس تماما الدولار كان بـ7.5 تقريبا و نزل النهارده لـ 6.33 تقريبا فيــــــن بقا الزياده و جبتها منين


ثالثا كلام بتوع المبيعات مجردددد كلام ,, ده مبيعات ايه علاقته بالاداره التنفيذيه او الشئون الماليه او مجلس الاداره ..؟؟!!

رابعا و ده الاهم انت عارف كويس اوى الفروق بين البيجو و السيتروين بمعنى انك تقدرر تحدد لنفسك ال يريحك مش احنا (و مش هوصيك لو اشتريت سيتروين سيب حجزك لحد من زمايلنا ال حاجزين بعدك )


اخر حاجه و دى لازم تعملها و هي صلاة الاستخاره و ادعى ربنا يرزقك الخير و ان شاء الله هيعملك ال فيه الخير و الصالح ليك

انا بعد كلامى ده لا يجوز انى اقولك اشترى احمد او الحاج احمد و لكن انا هقولك انت صبرت كتير و بايع عربيتك من فتره و حاجز من شهر 10 مش هتفرق مهما اخدت وقت فى التفكير كمان
اصبر و تروى و اعقلها و توكل .. و ان شاء الله الخير قادم

تحدثت فكفيت والله

يا أكرم ربنا يعلم أنا قد أيه أرتبطت بيكوا وبالمنتدى

لدرجة إن أنا أول حاجه فكرت فيها هاقولكوا أيه و إزاى هاتعامل فى منتدى ستروين إللى معرفش حد فيه أصلا

لعملك أنا كنت مستنيك أنت واحمد أمين بالذات كنت عايز أعرف رأيكوا أيه.

موضوع الدولار هو بس إبتدا يزيد بسيط تانى بداية من 18 ديسمبر بس عموما هو لسه فى مستوى 6.9 يعنى ماكسرش الـ 7

أنا فعلا صليت إستخارة ونويت إن شاء الله أستنى البيحو. واللى ربنا عايزة هو اللى هايكون.

المشاركة الأصلية كتبت بواسطة maxx

كنت زيك كده بالظبط يوم السبت اللي فات ... استلم من عز العرب فوري ب 130 ...
بس اللي خلاني اتراجع عز العرب شخصياً ... الشكاوي من عز العرب سواء مع بروتون ولا سيتروين مش قليلة.
بالاضافة لل resale افضل نسبيا لبيجو

قررت استني ... انا حاجز 29 اكتوبر و التوكيل لسه مكلمني من يومين علشان اعمل القرض ... ومنه فهمت اني هستلم الهايلاين فى الشحنة اللي داخلة يعني ما بين يوم 10 و 15 يناير بحد اقصى.

و اعتقد حضرتك هتستلم معايا.

أيوه بالظبط فعلا عز العرب هما اللى كلمونى مع العلم إنى مش حاجز هناك أصلا.

موضوع الريسيل ده على عامل مهم جدا وعلى فكرة الستروين جميلة بس عز العرب هو اللى خلى الناس تعزف عنها

هما قالولى على يوم 15 يناير بس محدش بيكلمنى خالص انا اللى كل أسبوع بكلمهم

ربنا يسهل إن شاء الله وكلنا نستلم فى أقرب وقت.

نصيحة عشان ما تندمش
انت مش حاجة بنطلون
او بدله
وهاتغيرها
دى عربية هتركبها كل يوم
وكل ما تركبعا ممكن تندم انك غيرت
لانك اساسا واخد قرار البيجو
ومش من السهل انك تغير حتى لو كانت نفس المواصفات
دع ما يريبك الى ما لا يريبك
صدق رسول اللع صلى الله عليه وسلم