اقتباس المشاركة الأصلية كتبت بواسطة borio1704 مشاهدة المشاركة

يا فندم.. الآسبكت راشيو Aspect Ratio معناها بالعربي نسبة التناسب أو بكلمات أسهل هي نسبة العرض للارتفاع

وبما إنها نسبة.. يبقى لما نزود في العرض يبقى الارتفاع كمان هيزيد

ببساطة .. لو مقاس الكاوتش 175/70 يبقى ارتفاع البروفايل من الأرض لحد أول الجنط =70% من ال175 مم =122.5 مم

الرقم ده لازم نحافظ عليه طول ما احنا بنستخدم جنط ال13

لو هتركب مقاس 185.. يبقى الاسبكت راشيو الجديدة = 122.5 / 185 = 66.2
طبعا مفيش في السوق كاوتش كده... وأقرب اسبكت راشيو هتبقى 65

يبقى المقاس الجديد هو 185/65R13

بالنسبة للجنط متهيألي مفيش مشاكل ... بس لازم نعرف الجنط أصلا مقاسه كام .. يعني 5 بوصة ولا أكتر..

لو بصيت على الجنط كويس هتلاقيه مكتوب عليه المقاس



...
شكراً على التوضيح
بعد البحث و القراءة في هذا الموضوع وجدت أن أفضل تغيير هو 205/60/13 و بكدة يكون أقل فرق في إرتفاع السيارة بين القديم و الجديد, لأنه كما ذكرت فإن الإرتفاع القديم هو 122.5 و إذا تم إستخدام المقاس 185/65/13 يكون الإرتفاع 120.25 بفارق مقداره 2.25 و هكذا ستكون السيارة قد هبطت بهذا المقدار و هذا غير محبذ في الطرق المصرية على الإطلاق, أما في حالة إستخدام 205/60/13 يكون الإرتفاع 123 و عندها يكون الفرق 0.5 فقط و هذا المقدار هو الذي سترتفع به السيارة فنكون قد حافظنا بقدرالإمكان على الإرتفاع مع زيادةعرض العجل و بالتالي زيادة الثبات, و في هذه الحالة أيضاً لن تضطر إلى تغيير مقاس الإستبن حيث يمكن تركيبه و لن يكون الفرق سوى 0.5 فقط , واضعاً في الإعتبار عدم السير لمسافة طويلة بهذه الحالة , فقط حتى تتمكن من إصلاح الإطار الأساسي.
أما بالنسبة للمقاس الجديد 205/60/13 فهناك فقط 3 موديلات متوفر بها هذا المقاس في العالم كله:
1- Kumho Solus KR21
2- Hankook Optimo ME02
3- Maxxis MA-V1

و للأسف لم أجد هذا المقاس تقريباً في باقى الشركات.

و السؤال هنا؟؟؟؟؟

هل يمكن تركيب هذا المقاس 205/60/13 على اللانوس و لا حيحك في الرفارف و الكرتيرة في الملفات؟؟؟؟
أرجو الرد على هذا السؤال من المتخصصين. و ياريت لو فيه حد مجرب الموضوع.

أسف على الإطالة.