لو معاك ١٩٥ الف تجيب جديد ولا يوزد محترم !؟

**Mr_revenger** · 29-01-2014 04:44 AM

المشاركة الأصلية كتبت بواسطة Abdo Taha

معلش الانسجنيا لسة شايف اول فئة امبارح برستيج و فخامة تانية خالص ما بالك بالتوب لاين مع اني بحب المازدا 6 و عربية جميلة من ناحية الشكل والصالون و لكنها لا تتسم بفخامة الانسجنيا فيه فرق في الركوبة و مشكلة ثانية انها يعتبر مش موجودة في مصر و كده كده مازدا مش واخدة حقها اوي فبلاش عشان ميخسرش كثير

تحياتي

حبيبى يا عبدو بيه،،،رفيقى فى المشوار ده حتى النهايه ان شاء الله

**Mr_revenger** · 29-01-2014 04:45 AM

المشاركة الأصلية كتبت بواسطة m i d o

زيرووووو طبعا وبلاش مستعمل مهما كان هوة اية

حصل يا باشا وجارى التنفيذ بإذن الله

**raedegypt** · 29-01-2014 09:26 AM

ماذدا 6 الشكل الجديد تحفه ... سياره غيرررر سياره لاعيبه نادى الهلال السعودى حكايه لما شوفناها

**ALshahba** · 29-01-2014 01:21 PM

المشاركة الأصلية كتبت بواسطة Mr_revenger

ههههههههههه انت تحلم وانا انفذ يا كبيير،،،هو ده اللى حصل بالفعل لقيت ان فيه ٣ اوبشنز مهمين جداً فى التوبلاين،،،،الزينون وفتحه السقف ونظام الحمايه ضد السرقه واللى معلوماتى عنه مش قد كده واتمنى لو حد يفيدنى فيه،،،،وبكده حكون استغنيت انى العب فى اى حاجه فى العربيه وتفضل بحالتها الاصليه،،،،

بس كلمنى بجد شويه عن فتحه السقف لانى مجربتهاش قبل كده وعاوز اعرف هل مهمه اوى بالشكل ده ولا رفاهيه زياده مش اكتر

هههههههههه تسلم يا جميل .......... بجد التوب لاين غير انها جامده , تحس انك دافع فلوسك فى حاجه تستاهل المبلغ

اما بالنسبة لنظام الحمايه :

يسمي " انذار بالاشعه" (Infra) ..... ويعمل بشكل سنمائي , يعني لما تكون حضرتك ماشي وفاتح الشبابيك الاربعه ومعاهم "فتحة السقف وانت فى الصيف مثلا .. وبعد كده وقفت تشتري حاجه مثلا ونزلت من العربيه وسايبها مفتوحه ..... من الطبيعي انك بتبعد عن العربيه ...ولكن الحرامي ممكن يفتح العربيه ويسرقها
النظام السحري ده بمجرد ماتقفل العربيه بيشتغل وبيطلع اشعة تحت الحمراء علي فتحات الزجاج بحيث اي حد يخترقها يبدأ يشغل السارينه ويقفل لوك التشغيل وماتشتغلش العربيه الا بالمفتاح الذكي بتاعها فقط
-- فاكر افلام السنما بتاعن زمان والسياره السوداء والحاجات دي ...... اصبحت حقيقه
عرف ليه بسميه نظام "سينمائي"

فتحة السقف:

لها استخدامات فعاله ولها استخدامات رفاهيه
الاستخدام الفعال ...... بالاخص فى الشتاء وانت قافل العربيه ورايح مشوار ومعاك الاسره او اي حد , حتلاقي الزجاج بيشبر ومش شايف , لما بتفتح فتحة السقف الفتحه العكسيه بتعمل نوع من التنفيث وبتطلع بخار الماء الزائد ومش بتدخل هواء ...... وكمان بتستخدم لو حد معاك من المدخنين فى الصيف مثلا ومش عايز تفتح الزجاج علشان التكييف, فى الحاله دي تفتح الفتحه العكسيه وحتلاقي الدخان بيطلع من فوق والتكييف شغال عادي بدون مشاكل
حاجه اخيره..... وانت ماشي فى مكان مترب تعمل نفس الحكايه وحتحميك من التراب (يعني ممكن تحس بسيط اوي بيه)

الاستخدام المترف ........ تفتح بس الغطاء الداخلي فى الشتاء علشان تخلي اكبر كمية شمس تخش العربيه منها نقاء ومنها بتدفي العربيه من غير ماتشغل التكييف
وكمان فى الصيف تستخدم وتفتحها كلها وتستمتع بالهواء الطلق الطبيعي
وكمان لو بتسلم علي حد فى العماره فى دور عالي .... تفتحها وتشاورله اسهل ههههههه

وهكزا

ربنا يوفقك ان شاء الله ونشوف صورك مع "التوب" لاين

دمت فى امان الله

**Hany Saad** · 29-01-2014 01:34 PM

المشاركة الأصلية كتبت بواسطة ALshahba

هههههههههه تسلم يا جميل .......... بجد التوب لاين غير انها جامده , تحس انك دافع فلوسك فى حاجه تستاهل المبلغ

اما بالنسبة لنظام الحمايه :

يسمي " انذار بالاشعه" (Infra) ..... ويعمل بشكل سنمائي , يعني لما تكون حضرتك ماشي وفاتح الشبابيك الاربعه ومعاهم "فتحة السقف وانت فى الصيف مثلا .. وبعد كده وقفت تشتري حاجه مثلا ونزلت من العربيه وسايبها مفتوحه ..... من الطبيعي انك بتبعد عن العربيه ...ولكن الحرامي ممكن يفتح العربيه ويسرقها
النظام السحري ده بمجرد ماتقفل العربيه بيشتغل وبيطلع اشعة تحت الحمراء علي فتحات الزجاج بحيث اي حد يخترقها يبدأ يشغل السارينه ويقفل لوك التشغيل وماتشتغلش العربيه الا بالمفتاح الذكي بتاعها فقط
-- فاكر افلام السنما بتاعن زمان والسياره السوداء والحاجات دي ...... اصبحت حقيقه
عرف ليه بسميه نظام "سينمائي"

فتحة السقف:

لها استخدامات فعاله ولها استخدامات رفاهيه
الاستخدام الفعال ...... بالاخص فى الشتاء وانت قافل العربيه ورايح مشوار ومعاك الاسره او اي حد , حتلاقي الزجاج بيشبر ومش شايف , لما بتفتح فتحة السقف الفتحه العكسيه بتعمل نوع من التنفيث وبتطلع بخار الماء الزائد ومش بتدخل هواء ...... وكمان بتستخدم لو حد معاك من المدخنين فى الصيف مثلا ومش عايز تفتح الزجاج علشان التكييف, فى الحاله دي تفتح الفتحه العكسيه وحتلاقي الدخان بيطلع من فوق والتكييف شغال عادي بدون مشاكل
حاجه اخيره..... وانت ماشي فى مكان مترب تعمل نفس الحكايه وحتحميك من التراب (يعني ممكن تحس بسيط اوي بيه)

الاستخدام المترف ........ تفتح بس الغطاء الداخلي فى الشتاء علشان تخلي اكبر كمية شمس تخش العربيه منها نقاء ومنها بتدفي العربيه من غير ماتشغل التكييف
وكمان فى الصيف تستخدم وتفتحها كلها وتستمتع بالهواء الطلق الطبيعي
وكمان لو بتسلم علي حد فى العماره فى دور عالي .... تفتحها وتشاورله اسهل ههههههه

وهكزا

ربنا يوفقك ان شاء الله ونشوف صورك مع "التوب" لاين

دمت فى امان الله

أستاذ الALSHAHBA
" وكمان لو بتسلم علي حد فى العماره فى دور عالي .... تفتحها وتشاورله اسهل ههههههه "
فصلتنى من كتر الضحك....أهو أنا طالب فتحة السقف مخصوص علشان أنادى على المدام من تحت العمارة..

ربنا يخليك لينا يا كبير.....

**Abdo Taha** · 29-01-2014 05:38 PM

المشاركة الأصلية كتبت بواسطة raedegypt

ماذدا 6 الشكل الجديد تحفه ... سياره غيرررر سياره لاعيبه نادى الهلال السعودى حكايه لما شوفناها

اكيد احلى من المازدا 3 و لكنها غير موجودة هنا للأسف و لو وجدت هيكون سعرها عالي عشان الجمارك و موتور اكبر من 1600 اساسا

**Abdo Taha** · 30-01-2014 01:41 PM

المشاركة الأصلية كتبت بواسطة Mr_revenger

ههههههههههه انا اقتنعت تماماً بالتوبلاين مخصوص عشان اشاور للمدام لما اتجوز ان شاء الله من فتحه السقف،،،،بس يارب لما نتخانق انا وهى متستخدمش نفس الميزه دى انها تحدف عليا حاجه منها

طيب افهم من كلام سيادتك ان موضوع الانذار ده مش مجرد انذار صوتى وخلاص،،،يعنى مش سارينه وبس بالصلاه على النبى يعنى،،،لانى قولت مش منطقى ابداً عربيه بالسعر ده والمانى ويكون نظام الحمايه فيها ضعيف كده،،،،بس حضرتك قولت لو حصل وحد فكر يسرقها مش حتدور الا بال smart key بتاعها،،،قصدك الاصلى اللى بيبقى جاى مع العربيه يعنى لو حتى عرف يدخلها مش حتدور معاه الا لما يكون معاه المفتاح ده !!؟ همممم ده لو كده. يبقى كلام جميل

حاجه كمان يا باشا،،،،ايه لزمه النقلات اللى ورا الدركسيون دى،،،،ححتاجها فى ايه مثلا !؟

النقلات اللي ورا الدركسيون دي بدل متجيب الفتيس اوتو و تحطه على مانيوال وتبقى سايق بأيد واحدة لأ ده بيخليك تنقل و انت حاطط ايدك على الدركسيون عشان تبقى متحكم بالكامل لزوم الغرز و السواقة الرياضية و كل شاب يبقى نفسه يبقى عنده البدالات دي زيي كده انا بعشق الحاجات دي تجري و تنقل على طول و انت بتاخد ملف او غرز و عاوز تبقى متحكم بالدركسيون اوي بدل ما تشيل ايدك من الدركسيون لأ تنقل وقت ما انت عايز و في نفس الوقت fully controlled على العربية .