ﺻﺪﻳﻘﻲ ﺍﻟﻤﻮﺍﻃﻦ ﺍﻟﻨﻬﺎﺭﺩﻩ ﻣﻄﻠﻮﺏ ﻣﺮﺳﻴﺪﺱ 280 ﻣﻦ 1975 ﻭﺣﺘﻰ 1980

**islam_a** · 29-12-2013 10:17 PM

سيد صدام/ الشبعان بياكل في سره و الجعان بياكل بإيده و رجله و يفرج الناس عليه. بالتوفيق!

**islam_a** · 29-12-2013 10:22 PM

المشاركة الأصلية كتبت بواسطة muhmado_furp

اعتقد ان لو الكلام مش عاجب سيادتك ممكن تقفل الموضوع
واتخد نفسك من سكات وتريح دماغك
لكن انك تغلط في الراجل بالاسلوب الهمجي ده وانت الي ردك مستفز جدا
واعتقد ادارة المنتدي في الفترة الاخيرة شبه مش موجوده
لانها لو موجوده كان هيبقي ليها تدخل في الاساليب غير المهذبه دي

شكرا...

**saddam** · 29-12-2013 11:53 PM

المشاركة الأصلية كتبت بواسطة islam_a

سيد صدام/ الشبعان بياكل في سره و الجعان بياكل بإيده و رجله و يفرج الناس عليه. بالتوفيق!

صديقي المواطن
جزاك الله خيرا وشكرا لمرورك بموضوعي وأنت أكيد كإنسان أفضل مني وعلى خلق أعلى ونسأل الله أن يهدينا كما هداك
ونفسي في يوم من اﻷيام كل منخش في موضوع نفتكر إن ده منتدى سيارات وليس كل كلمتين والثالثة ندخل بينهم الدين وبعدين التربية وبعديها اﻷخلاق وبعديها السياسة وفي اﻵخر اﻷعضاء يختلفوا للأسف نفسي المواضيع والكلام يدور حول السيارات فقط وأوعدك يا سيدي الفاضل أنني حينما أريد الحديث خارج عالم السيارات سأكون أكثر من سعيد وأكثر من فرحان بأن أتواصل معك لكي أستفيد من حكمتك وخبرتك وتجاربك بالحياة وخصوصا في ضرب الحكم واﻷمثال
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**samyyousef** · 29-12-2013 11:59 PM

من افضل ما يميز مداخلات الاستاذ صدام أنه لا يقابل الاساءة بالاساءة

**saddam** · 30-12-2013 12:19 AM

المشاركة الأصلية كتبت بواسطة walidzakzok

ياريت يا استاذ صدام تشرحلنا ايه تميز المرسيدس من وجهة نظرك عن باقى الماركات لاني حاسس انك منفض لل بي ام خالص من حساباتك؟

صديقي المواطن
قولا واحدا أنا ﻷني من ملاك البي أم دبليو القدماء فأنا كنت أمتلك ال 750il أكبر حجم 12 سلندر فعرفت معنى بي إم دبليو وبما إن عندنا في مصر كل البي إم دبليو مخصص للشباب ولمن نفسهم يركبوا بي إم بس الفلوس قصرت معاهم بسبب غلاء جماركنا الجنونية فإظطروا يرضوا بأنصاف البي إم وهي الفئة الثالثة وحاولوا طبعا كمصريين نقنع نفسنا إنها عظمة ولكن لما تركب الفئة السابعة تعرف إن كل من يركب 300 فهو مسكين ومغلوب على أمره وأنا بعتبرها لادة البي إم وأنا عندي بي إم 750 موديل 93 قولا واحدا أفخم وأشرف وأقيم من بي إم الفئات الثالثة 2014 والعربيات اﻷحجام الصغيرة سواء بي إم دبليو الفئة الثالثة أو مرسيدس سي 180 فدي مهما سمعنا كلام ومهما بالغنا ومهما خدعنا نفسينا لكن هي كحقائق مجردة عبارة عن فئة كورولا بس على شيك وفخم
فحضرتك إديني بي إم 700 أحطها فوق راسي لكن بي إم 300 حتى لو وصلت نص مليون جنيه حتفضل في نظري عربيات الناس الفقراء اللي على قدهم بإستثناء لو كان شاب بس ببقه مقهور أوي لما بشوف تاجر مخدرات قد الدنيا بس طبعا مكانه في النار محفوظ أو صاحب مزرعة ضخمة أو صاحب مصنع كبير أو دكتور وعيادته بتجيب 5 آلاف يوميا ويروح يضحك على نفسه وبجيب بي إم 300 فأنا بتقهر عالناس دول ولما بشوفهم راكبينها ورافعين مناخيرهم عالناس يصيبني نوبات من الضحك ﻷن بره مصر العربيات دي لا قيمة لها وأنا البي إم كنت بركبها تكسي في لبنان مثلا وأرجوكم محدش يكلمني من منطلق وجهة النظر المصرية والعربيات غالية والجمارك واﻷفلام دي
قولا واحدا لو إنت مش راكب بي إم فئة سابعة أو إكس 6 أو حتى بي أمات ال 500 بعد 2010 فأعذرني حضرتك مش راكب بي إم

نبجي ليه بفضل بي إم على مرسيدس
لسببين واحد بسيط والثاني مهم
أولا مرسيدس أعرق من بي إم وبي إم معندهاش عربية كلاسك عليها العين لسه موجودة والناس ركباها يعني مفيش ميراث ثاني هم أنا بعشق الفخامة والعظمة ومبحبش أي عربية ملهاش علامة عالكبوت بارزة حتى لو كانت ب 10 ملايين جنيه وعشان كده تلاقيني لما أعدل أي عربية من عربياتي بحطلها علامة بارزة عالكبوت مهما كلفتني التعديلات ومهما كان الموضوع صعب
والسبب اﻵخر قوة المرسيدس يعني زمان أما كنت غني قبل ما أفلس أيام العز وأكل الغزلان كان عندي أسطول سيارات وعندي حماية شخصية ومن ضمن الموكب كانت عربيتي الشبح 500 8 سلندر وكانت وراها على طول بي إم 750 أجدد منها وأحدث منها بسنة وكانت 12 سلندر ولكن لما كنت بدوس بنزين بالشبح كنت ببص البي إم ورايه عايزة تنفجر ومش قادرين يلحقوا بيا ولا يشوفوني أصلا فتخيل لو كانت الشبح 600 أم 12 سلندر كان حيحصل إيه وكمان كراسي المرسيدس أريح من كراسي بي إم ودي لمحات عامة وممكن نتكلم عن بي إم ومرسبدس للصبح لكن كلامي بيزعل الزملاء للأسف وأنا بحبهم

**saddam** · 30-12-2013 01:26 AM

المشاركة الأصلية كتبت بواسطة samyyousef

من افضل ما يميز مداخلات الاستاذ صدام أنه لا يقابل الاساءة بالاساءة

صديقي المواطن
شكرا لك
ولكن الدنيا قصيرة وفانية ولا خير في بشر أفنى عمره في الخلاف وفي القيل وقال
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**kar!m** · 30-12-2013 08:07 AM

المشاركة الأصلية كتبت بواسطة saddam

والسبب اﻵخر قوة المرسيدس يعني زمان أما كنت غني قبل ما أفلس أيام العز وأكل الغزلان كان عندي أسطول سيارات وعندي حماية شخصية ومن ضمن الموكب كانت عربيتي الشبح 500 8 سلندر وكانت وراها على طول بي إم 750 أجدد منها وأحدث منها بسنة وكانت 12 سلندر ولكن لما كنت بدوس بنزين بالشبح كنت ببص البي إم ورايه عايزة تنفجر ومش قادرين يلحقوا بيا ولا يشوفوني أصلا

أستاذ صدام .. انت من الشخصيات المحترمة و المحبوبة في المنتدى .. و أنا شخصيا بحب مواضيعك و مشاركاتك .. بس أنا عاوز أعرف حضرتك ازاي عندك الخبرة دي مع ان من المشاركة دي يتبين ان سن حضرتك 23 سنه مثلا .. باعتبار ان العربية الشبح كانت موجودة سنة 1997 و حضرتك وقتها كان عندك 7 سنين .. و ربنا يديك طول العمر و الصحة.

المشاركة الأصلية كتبت بواسطة saddam

قصة حقيقية أنا مرة والدي كان عندي يمكن 7 سنين قلتله يا بابا لو حفظت القرآن تجيبلي شبح قاللي إحفظه وأنا أجيبلك شبح وقلتله طب لو حفظت نصه قال لي حديك أي عربية أكون أنا راكبها وحنزل منها وأركب أنا تكسي

**kar!m** · 30-12-2013 08:08 AM

مشاركة مكررة

**Al-Sherbeeny** · 30-12-2013 08:13 AM

المشاركة الأصلية كتبت بواسطة saddam

صديقي المواطن
شكرا لمرورك ونصيحتك الغالية ولكن أكيد حضرتك عارف إني بروح فاقوس مرتين أو ثلاثة في الشهر لشد عربياتي وكمان أنا 4 من عربياتي مرسيدس وبكده أنا عارف منين تؤكل الكتف ونصيحة صغيرة لو عايز تشتري مرسيدس قديم إياك تدور في الشرقية هناك عارفين قيمتها وبيبالغوا بأسعارها ولكن هنا في مصر من المطرية من فيصل من الهرم من إمبابة من حلوان تلاقيها بنص ثمنها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

انا عارف انك بتروح فاقوس كتير...
ولكن ما كونتش اعرف ان ابو كبير اغلى من القاهرة.
شكرا على المعلومات القيمه

**saddam** · 30-12-2013 01:08 PM

المشاركة الأصلية كتبت بواسطة kar!m

أستاذ صدام .. انت من الشخصيات المحترمة و المحبوبة في المنتدى .. و أنا شخصيا بحب مواضيعك و مشاركاتك .. بس أنا عاوز أعرف حضرتك ازاي عندك الخبرة دي مع ان من المشاركة دي يتبين ان سن حضرتك 23 سنه مثلا .. باعتبار ان العربية الشبح كانت موجودة سنة 1997 و حضرتك وقتها كان عندك 7 سنين .. و ربنا يديك طول العمر و الصحة.

صديقي المواطن
تعقيب بسيط وتصحيح لمعلومة الشبح رسميا نزلت سنة 92 وتوجد منها نسخ محدودة موديل 91 ولذلك إقتضى التنويه ولرفع أي لبس عندك أنا مش سوبرمان ولكن أنا بقود سيارات أظن وأنا عندي 9 سنين أو 10 سنين بكبيره فمتشيلش هم متلاقيش أي كلام في مشاركاتي لم أعشه حقيقة وعشان أريحك الشبح بتاعتي كانت 500 موديل 92 وهي 8 سلندر لون نادر جدا سماوي إشتريتها من واحد سعودي أيام ما كنت عايش في اﻷردن وإشتريتها بالصدفة البحتة كنت رايح أشتري عربية زلموكة أي كلام من المنطقة الحرة في الزرقاء وكنت راكب تاكسي وعدت الشبح خطف من جنبنا والسايق إتخض وقال إيه الغول ده فقلتله يا عم دي عربية غالية ومش معايه أكمل فلوسها وأنا داخل المنطقة الحرة لقيتها راكنه على جنب ورحت جربت الزلموكة ومعجبتنيش رجعت عديت جنبها قلتلو تبيع وهكذا خلال يومين من اﻹجراءات خدتها ولسه صاحبها بيديني المفتاح كان سايب الكونتاكت مفتوح ساعة المهم إتحرق الهايتيشن وهو واحد من الكونترولات ورغم كده مرجعتش بالبيعة وإتحطت العربية على ونش قبل مسوقها ويومها إتصلحت بحوالي 7 آلاف من جيبي كان لازم السعودي يدفعها بس أنا عملت جنتل ومصري ومليونير قديم عالخط ومحبتش أوريهم إن المصريين شحاتين في نظرهم فدفعتها كاﻷسد وبقيت صاحب بجميله عليه ودي قصة الشبح ولي معها قصص تانية لما حاولوا يسرقوها مني ورب العرش نجاني وكنت مسافر ولما وصلت بيتي قال لي والدي حمد لله على سلامتك فيه عربيه من عربياتك إتسرقت من سواقها فقلتله ساعة كام فقال لي الثانية بعد الظهر فحزنت ثم ضحكت فقلت إن الله قد فداني وإستبدلني بها
هل لديك أسئلة أخرى ؟
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال