الموضوع: ﺻﺪﻳﻘﻲ ﺍﻟﻤﻮﺍﻃﻦ ﺍﻟﻨﻬﺎﺭﺩﻩ ﻣﻄﻠﻮﺏ ﻣﺮﺳﻴﺪﺱ 280 ﻣﻦ 1975 ﻭﺣﺘﻰ 1980

استاذ صدام, المستشفى اللى انا بشتغل فيها لو انا فاكر صح ففى عربية شبه اللى انت حاطط صورتها موجودة هناك, لونها زيتى فاتح. واطمنك ان العربية متهانه لأبعد حدود. كان قافل علىَّ النهاردة وركبتها عشان امورها- كل الابواب مفتوحة وكمان الشنطة- عصاية الفتيس بتمشى فى اى اتجاه, التابلوه شبه مش موجود, الاكصدام الخلفى مربوط بأسلاك, الكاوتشات شوية ومش هيكون فيها هوا... الخ.

لو مهتم, ممكن اصورهالك وانزل الصور.

بالتوفيق.

المشاركة الأصلية كتبت بواسطة 3ateef

استاذ صدام, المستشفى اللى انا بشتغل فيها لو انا فاكر صح ففى عربية شبه اللى انت حاطط صورتها موجودة هناك, لونها زيتى فاتح. واطمنك ان العربية متهانه لأبعد حدود. كان قافل علىَّ النهاردة وركبتها عشان امورها- كل الابواب مفتوحة وكمان الشنطة- عصاية الفتيس بتمشى فى اى اتجاه, التابلوه شبه مش موجود, الاكصدام الخلفى مربوط بأسلاك, الكاوتشات شوية ومش هيكون فيها هوا... الخ.

لو مهتم, ممكن اصورهالك وانزل الصور.

بالتوفيق.

صديقي المواطن
أشكرك وأحب أقلك إن وحضرتك بتوصف العربية غيه قصة حب بتكبر جوه قلبي للعربية دي
العربية دي عز الطلب ودي التحديات الجميلة ده أنا كل ما أشتري عربية الناس تقوللي صفيحة زبالة وتضحك ولما أخلصها بعد سنتين ثلاثة إسمع المديح واﻷشعار في العربية والعربية نفسيتها بتتعب من كتر فلاشات الكاميرات
أنا منتظر منك كل التفاصيل وشوف صاحبها وإعرض عليه طريقة شرائي للسيارات عشان نيجي نقطرها ونعيش اللحظة

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

السلام عليكم ورحمة الله وبركاته...
استاذ صدام...
ممكن بعد ما تلاقي سيارتك المنشوده...
تصورها وتركز على عيوبها...
العيوب اللي انت هاتبرزها في سيارتك هاتدي امل لناس كتير كانت فقدت الامل في سيارتها...
وشكرا

في ناس كتير على اليوتيوب بتشتري سيارات تعتبر خردة وتعملها من الاول وتطلع احسن من المصنع (Restoration)...
حاولت الاقي فيديو مصري للحاجات دي لكن طبعا مالقتيش ، والشارع بردو بياكد على كلامي
واقتنعت تماما ان احنا مستوى الصنايعية والخامات واكيد الاسعار و ضعف المستوى المادي للناس لا يرتقي لاي حاجة في اي حاجة...
كان في عربيه كاديلك موديل يمكن 1958 او حاجة زي كدا وكانت كابورليه واقفة بداخل داندي مول معروضه على اساس انها تحفه والناس تتصور جنبيها ، ولكن مستوى الفينيش والشغل كان اكتر من سيء على تحفه زي دي.
في الواقع من كلامك بدات احس ان فعلا في ناس بتعمل شغل نضيف(على ميه بيضا).
وطبعا كانت عايز اشوف اي عربيه قبل و بعد التعديل بتكون عاملة ازاي...
ولك مطلق الحرية....
وشكرا

صديقي المواطن
فيه عضو فاضل بعت رسالة ليا وحاولت أرد عليه بس بيقللي قصر الرسالة وده صعب أقصر من شرح كلامي فحرد هنا داخل الموضوع اللي هو بيستفسر عنه

وكان سؤاله

Eng:mohamed
ﺍﻷﺥ ﺻﺪﺍﻡ.
ﺍﻟﺴﻼﻡ ﻋﻠﻴﻜﻢ. ﺇﻧﺖ ﻓﻲ ﺍﻟﺒﺪﺍﻳﻪ ﺭﺟﻞ ﻣﻤﻴﺰ ﺃﺳﻠﻮﺑﺎ ﻭ ﺃﻛﻴﺪ ﺧﻠﻘﺎ..
ﺑﺲ ﻣﻮﺿﻮﻋﻚ ﺍﻟﺨﻴﺮ ﺑﺘﺎﻉ ﺍﻟﻌﺮﺑﻴﻪ ﺍﻟﻤﺮﺳﻴﺪﺱ ﻟﻔﺖ ﺇﻧﺘﺒﺎﻫﻲ ﻭ ﺃﻧﺎ ﻟﻸﺳﻒ ﻓﻀﻮﻟﻲ ..
ﻫﻞ ﻫﻲ ﻫﻮﺍﻳﻪ ﻭﺗﺤﻮﻟﺖ ﺇﻟﻰ ﻣﺠﺎﻝ ﻋﻤﻞ ﻭﻻ ﺇﻳﻪ ﺑﺎﻟﻀﺒﻂ؟
ﻳﻌﻨﻲ ﻫﻞ ﺣﻀﺮﺗﻚ ﻋﻨﺪﻙ ﺟﺮﺍﺝ ﻓﻴﻪ 11 ﻋﺮﺑﻴﻪ ﻛﻠﻬﻢ ﺑﺘﻮﻋﻚ؟
ﻭﻻ ﺑﺘﺠﻴﺐ ﻭﺗﻌﺪﻝ ﻭﺗﺮﻛﺐ ﻭﺗﺒﻴﻊ ﻭ ﻫﻜﺬﺍ ﻏﻴﺮﻩ ﻭﻏﻴﺮﻩ.
ﺇﻋﺬﺭﻧﻲ ﻋﻠﻰ ﺍﻟﻔﻀﻮﻝ ﻭﻟﻚ ﻛﻞ ﺍﻟﺤﻖ ﻓﻲ ﻋﺪﻡ ﺍﻟﺮﺩ ..


وكان ردي


صديقي المواطن
أولا أهلا بيك وفضولك في حاجة تخصني شرف ليا أكيد
زمان كان عندي كراج ياخد كل عربباتي
دلوأتي بحط تحت البيت 4 أو 5 عربيات والباقي مرفوعين في أماكن تاتية والباقي 4 مثلا مرميين في ورش الشد والتطوير وناوي بغون الله لما أخلصهم كلهم أبيع بيتي وأكمل عليه وأشنري أرض في أكتوبر قرب مول الفطيم وأبنيها قصر صغير والدور اﻷرضي بتاعه أعمل العربيات زي ديكور ومتحف صغير بحيث تكون العربيات حوالين غرف السفرة واﻹستقبال والضيوف بإعتبارها مصدر فخري وإعتزازي
ودي يا سيدي الفاضل هواية وستظل هواية وهي إدمان ومصدر راحة لي وعمري ما بعت عربية من عربياتي نهائيا مرة بعت عربية بس مش متعدلة لزنقة مالية ورجعتها لصاحبها مش يعتبر بعتها ولغاية دلوأتي كاسر بنفسي الموضوع ده
وأنا كل ما شوف الدنيا بتقطع في بعضها واﻷخلاق في النازل بعتزل الناس وأعيش مع عربياتي ومشاكلها لذلك كل شوية نلاقيني بزود في العربيات ولكن قولا واحدا هي هواية وستفضل هواية
من فترة بعض اﻷعضاء بيلحوا عليا أشرف على إصلاح سياراتهم ولكن بصراحة أنا عمري معملت شغل لحد بحسه مش مقامي وآخد عليه فلوس لكن فيه ناس كتير عربباتها بتتقلب ومببعرفوش يرجعوها زيرو وأنا ﻷول مرة في حياتي فيه عرببة مرسيدس كوبيه وصاحبها معصلج معايه مش راضي يبيعهالي قسط وأنا طول عمري مفيش حد إلا وأقنعه يبيعلي قسط بطريقتي بدليل آخر 6 عربيات من عربياتي قسط فبفكر أكلم كريم منير وأنزل إعلان أمسك فيه 5 عربيات بس أشدها وسط عربياتي أطلع بس فلوس المرسيدس الكوبيه ﻷن أنا أساسا فاتح شغل في 7 عربيات من عربياتي وبتابع بصورة شبه يومية وبسافر 3 مرات في الشهر وكمان أنا لو حشد عربيات فأنا باخد 7 آلاف صافي ولو حعدل عربية مقلوبة فباخد 20 ألف ولو برجعها فبريكة من غير تعديل فباخد 7 آلاف صافي وتصرف زي متصرف علما أنا بشتغل بطريقة محدش يبص على عربيته قبل متخلص نهائيا وبرضو في اﻵخر بتطلع أرخص من ما تعملها بنفسك وكمان تنزل صورتها في المنتدى قبل وبعد واﻷعضاء يحكموا بيننا

أما العربية المرسيدس دي داخل الموضوع ده فأنا من زمان حاسس إني لو عدلت وحده زي دي حيكون ليها كاركتر وحتكون طلقة وهي حتستحمل تجيب ال 260 سرعة عالمستريح وهي كده تحس فيها حاجة في اﻹشارات اﻷمامية غريبة بتشدك لما تبصلها من الجنب ومينفعش يتبصلها وهي متهانه لازم تكون مشدودة على أغلى مستوى
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة al-sherbeeny

في ناس كتير على اليوتيوب بتشتري سيارات تعتبر خردة وتعملها من الاول وتطلع احسن من المصنع (restoration)...
حاولت الاقي فيديو مصري للحاجات دي لكن طبعا مالقتيش ، والشارع بردو بياكد على كلامي
واقتنعت تماما ان احنا مستوى الصنايعية والخامات واكيد الاسعار و ضعف المستوى المادي للناس لا يرتقي لاي حاجة في اي حاجة...
كان في عربيه كاديلك موديل يمكن 1958 او حاجة زي كدا وكانت كابورليه واقفة بداخل داندي مول معروضه على اساس انها تحفه والناس تتصور جنبيها ، ولكن مستوى الفينيش والشغل كان اكتر من سيء على تحفه زي دي.
في الواقع من كلامك بدات احس ان فعلا في ناس بتعمل شغل نضيف(على ميه بيضا).
وطبعا كانت عايز اشوف اي عربيه قبل و بعد التعديل بتكون عاملة ازاي...
ولك مطلق الحرية....
وشكرا

صديقي المواطن
أنا بصور كل عربياتي قبل وبعد وخلال العمل مئات الصور بس مش بنزلها النت نهائي ولكن لما بييجوا أعضاء من هنا يتعرفوا عليا ونتقابل دايما الكاميرا في جيبي وبفرجهم وكلهم بيملوا قبل ميخلصوا الصور ﻷنها كتير ولكن أنا حاليا ومنذ فترة شغال في عربية إنسان فاضل وأخ صديق وصاحب 3 بنات عنده عربية مقلوبة من مكانين وحالتها متدهورة جدا وليس لها قطع غيار في مصر وأنا شغال فيها منذ 6 أشهر وبعون الله حتخلص بعد شهرين ومصورها قبل وبعد فلو رضي صاحبها بعد متخلص أنزل صورها فأعتقد الكل حيصعق ﻷني حولتها من عربية زبالة إلى عربية الكل باصص عليها وهي ماشية وتعبت فيها وإتبهدلت جدا جدا لدرجة رش مش عاجبني بعيده مرتين وتلاتة وهي فعلا بقت حاجة مشرفة
وفعلا أنا عن نفسي في كل عربياتي لو حطيت ميزانية لكل عربية مثلا 40 ألف ولما جت تخلص وصلت 70 ألف مش بزعل المهم تطلع صح وعلى مزاجي أقسم بالمولى عز وجل عربيتي المرسيدس رقم 1 إتغير عليها 5 سمكرية ودخلت الفرن أكثر من 17 مرة لتعديل ألوانها وتغير عليها 3 بوهيجية وشغال فيها منذ أكثر من 3 ستوات ومش مقهور ولا زعلان ليه ﻷنه مهما إتكلفت لا يمكن ألزق عربية وأطلع تقفيلها أي كلام
أنا الكاديلاك دي موديل 58 أو 59 بتاعت جمال عبد الناصر لو عندي كنت فجرتها من جودة التقفيل والله المستعان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة al-sherbeeny

السلام عليكم ورحمة الله وبركاته...
استاذ صدام...
ممكن بعد ما تلاقي سيارتك المنشوده...
تصورها وتركز على عيوبها...
العيوب اللي انت هاتبرزها في سيارتك هاتدي امل لناس كتير كانت فقدت الامل في سيارتها...
وشكرا

صديقي المواطن
أنا بصور كل عربياتي بإستثناء عربيتي رقم 1 معنديش صور ساعة ما إشتريتها ﻷني مكنتش مهتم بهواية التصوير بس عندي شعل لمراحل العمل كلها
ولكن لو صورت عيوب عربية فالتاس في مصر تميل لكثرة المزاح وتميل للنظر لعيوب الناس فحيقلك يا عم دي منظر من بره بس ومن جوه ضايعة وشوية الأفلام دي ثم مش صح الواحد يعرض تاريخ عربياته لو هو مش بيتاجر بيهم عشان لو هو عنده ورشة تعديل ويعرض ده بيعمل دعاية أنا عن نفسي بعدل لنفسي فمش محتاج أنزل صور غير مثلا لو عملت سبويلر من تصميمي حتاخد الصورة جاهزة وتروح تعمل عليها وكأنك يا بو زيد ما غزيت
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

السلام عليكم و رحمة الله و بركاته
أستاذ صدام

أولا أحب أن أسجل أعجابي بطريقة حضرتك في الكتابة و كذلك أعجابي بشغف حضرتك للسيارات و الموديلات التي لن تتكرر في التاريخ مرة أخري

ثانيا أحب أن أسجل برضه أعجابي بتحمل سيادتك لبعض الكلمات الغير رقيقة (أحيانا غير مؤدبة) من بعض الأعضاء و فعلا حضرتك لا ترد الأساءة بالأساءة (مع أن ده حقك) ربنا يجعله في ميزان حسانتك

ثالثا من منطلق الأفادة للجميع و من مبدأ نقل المعرفة (و دي ثوابها كبير) برجاء التشارك مع الأعضاء و شرح بعض المبادئ الأساسية لعملية التجديد و الخطوات المتبعة و كذلك المحاذير حتي تكون الأستفادة للجميع. و كل ده بدون أي أنتهاك لخصوصية عربيات سيادتك (لو سيادتك مش عايز تتشارك معانا بياناتها أو صورها).

و في الأخر دمتم من أجل الوطن و من أجل الكفاح
و من نصر الي نصر و المجد للجميع