محاولة سرقة ولكن باءت بالفشل بفضل الله

**MaaM** · 31-12-2013 05:21 PM

مروح على البيت وبعدي على المرج والنهاردة سوق الثلاثاء ، وطبعا كعادتي مقفل كل الأبواب وبابقى سايب الإزاز اللي على شمال مفتوح حتة صغيرة وساعات كله
والسوق كان مكتظ بالناس وعشان كدا الطريق ماشي حبة حبة ، وفجأءة واحد خبط نفسه في المراية اليمين وعمل فيها موجوع ، وانا بصتله على اساس هو الغلطان ، لاقيته عمال يشاورلي انه مش سامع وشوف انت عملت فيا ايه وكل شوية مش سامع ، فحسيت انه عايزني انزل الازاز ، فطنشت وشاورتله بحقك عليا ، فأصر اني أنزل اشوف خبطته ازاي وحاول يفتح الباب ! لكن الحمد لله كنت مقفل كله ، فلما لاقيت محاولاته الغير مبررة لفتح الباب أو إني أنزل ، فمشيت بالعربية وتجاهلته تماماً والطريق ماشي بالراحة أصلا ، فمحاولش انه يجي وراريا وإلا كانت هاتبقى باينة أوي

وغرضه ان كان يلهيني معاه عشان أكيد حد تاني تبعه يسرق شنطة اللاب توب

ياريت الناس كلها تاخد بالها وربنا يحفظنا من كل سوء

**J A G U A R** · 31-12-2013 05:29 PM

الحمد لله انها جات لحد كده .. وربنا يسترها

**mastr_n** · 31-12-2013 05:52 PM

شكرا على التنبية وربك يسترها معانا

**tananybasha** · 31-12-2013 06:03 PM

حصلت معايا فى ناهيا من اسبوعين
و سرقوا الجاكيت بتاعى
و الفلوس اللى فيه
وربنا يسترها على الجميع

**m7nsh** · 31-12-2013 06:15 PM

حمدلله ع السلامه يا محمود .. وشكرا على التنبيه دا ..

**hilal** · 31-12-2013 06:27 PM

حمدا لله على سلامتك يا أستاذ محمود
تمت اليوم سرقة سيارة نيسان أرمادا من الحي الاول في 6 اكتوبر بواسطة عصابة مسلحة بالبنادق الآلية الساعة 11 صباحا ، حيث وصلت العصابة في سيارة أفيو وأخذوا منه مفاتيح السيارة بعد اطلاق وابل من الرصاص في الهواء ، مما سبب حالة من الرعب بين تلاميذ المدرسة التي تقع أمام موقع الحادث ، وهرعت لمكان الحادث بعد اتصال من ابنتي التي كانت تقف أمام المدرسة لأن عندها امتحان ، وتم الاتصال بالشرطة ، ولم تصل ، وتم أرسال عامل من المدرسة لقسم الشرطة ولم تحضر ايضا
وتجمع الاهالي نتيجة اتصال التلاميذ بذويهم والحمد لله لم يصب اي تلميذ نتيجة لشجاعة المدرسين الذين فتحوا الابواب لادخال التلاميذ من الشارع ، ثم اغلقوا الابواب في انتظار الشرطة التي خيبت املهم
واضطرت المدرسة لتسليم كل تلميذ الى ولي امره
وكان منظر الرعبفي عيون التلاميذ والرعشة من الخوف شيء مثير للغضب لكل من كان له قلب
حسبي الله ونعم الوكيل في كل مسئول لا يشعر ولا يحس بالمسئولية ، وساعة القبض يبقى زي المنشار

**Abdo Taha** · 31-12-2013 06:33 PM

الحمد لله على سلامتك و افضل حاجة عملتها الواحد مبقاش بيثق في حد في الشارع خالص

-

الموضوع: محاولة سرقة ولكن باءت بالفشل بفضل الله

LinkBack

أدوات الموضوع

عرض

محاولة سرقة ولكن باءت بالفشل بفضل الله - انشر الموضوع فى :

-

-

-

-

-

-

المواضيع المتشابهه

قدر الله وما شاء فعل .. محاولة سرقة فاشلة

محاولة سرقة الكارينز

الحمد لله - محاولة سرقة

محاولة سرقة الالنترا

محاولة سرقة العربييه

الكلمات الدلالية لهذا الموضوع

المفضلات

المفضلات

ضوابط المشاركة