الموضوع: المفاهيم الخاطئه عن زيوت المحركات

فية نقطة واحده بس ان لما لو الزيت بيتغير علي 5000 احنا نغيرة علي 3000 او 4000
السبب اننا مش بنحسب الدوارة بتاعت العربية ممكن العربية تدور اكتر ما تمشي ممكن نقفف في الاشارات والطرق اكتر مانمشي فالزيت بيتحرق اكتر وكل ده مش بيتحسب في الكيلومتراتوعشان كده يفضل اننا نغيرة بدري عن معاده

شكرا لحضرتك على الموضوع الهايل
ليا تعليق فقط على المفهوم الخامس

الزيت النصف تخليقى هو مزيج فعلا بين المعدنى والتخليقى
بحيث لا تزيد نسبة التخليقى عن 30%
والمزج بين الأثنين يتم فى معامل شركة الزيت ولا يمكننا المزج بين النوعين بانفسنا
واعتقد ان هذا ما كنت تقصده بعبارة ان الزيت المعدنى والتخليقى Don't Mix

Semi-synthetic oil

Semi-synthetic oils (also called 'synthetic blends') are blends of mineral oil with no more than 30% synthetic oil designed to have many of the benefits of synthetic oil without matching the cost of pure synthetic oil. Motul introduced the first semi-synthetic motor oil in 1966

المصدر
Synthetic oil - Wikipedia, the free encyclopedia

وشكرا لحضرتك مرة اخرى

المشاركة الأصلية كتبت بواسطة heeshooheeshoo

كلام جميل .. وكلام معقول .. ماقدرش أقول حاجه عنه
يا باشا ده بس عشان انتا راجل محترم

وإذا سمحت لى أحب أضيف بعض الإيضاحات البسيطة لمعلوماتك القيمة:

بخصوص المفهوم الأول
الزيوت المعدنية المنتجة فى مصر الــ Base واحد .. وكل الشركات ممكن تاخذ الزيت الأساسى من مصدر واحد ولكن كل شركة تقوم بإضافة بعض الإضافات الخاصة بها على الزيت لتحقيق مواصفة معينة (تماما كما هو الحال فى البنزين والسولار فالمستودع واحد تأخذ منه كل شركات البترول.. مافيش حاجه إسمها بنزين التعاون وبنزين موبيل .... إلخ ...).
فعلا الزيت الاساسي مصدره واحد و الاضافات واحده و نسب الخلط منصوص عليها من ال API لكن انا حبيت الموضوع يكون بسيط بدون الدخول في تفاصيل فنيه


بخصوص المفهوم الثانى
أى زيت يحدد عمره بعدد معين من الكيلومترات بيكون له هامش أمان معمول حسابه فى الشركة المنتجة . على سبيل المثال الزيت الموصى بتغييره بعد 5000 كيلومتر يمكن أن يتحمل 7000 كيلومتر فى ظروف التشغيل العادية دون أدنى تأثير على خواصه .. بمعنى أن الشركة المنتجة تأخذ فى إعتبارها سوء الإستخدام أو سهو المستهلك لفترة عن التغيير فى الموعد المحدد .
كلام سليم لكن محبيتش اقوله لأنه هايكون صادم لمعظم الناس و هايفتح مجال للتشكيك لكن عاوز اقولك ان الزيت التخليقي بتاع ال 10000 كيلو اعرف ناس كانت بتمشي عليه لحد 16000 و في عربيات زيرو و غاليه جدا


بخصوص المفهوم الرابع
كلامك مضبوط تماااااما .. وأزيد عليه أن جانب الدعاية والإيحاء له دور هام فى هذه النقطة .
أما إن كان هناك إختلاف فعلى ملموس يمكن قياسه فى صوت المحرك بيبقى ممكن يكون فيه حاجه غلط .

بخصوص المفهوم الخامس
هذه المعلومة جديدة على تماما وأشكرك عليها وإن كنت متشوق للبحث عنها تفصيليا .. فإن كان لديك تفصيل لها أكون لك شاكرا .
الموضوع ده شرحهولي مسئول خلط الزيت في شركه عالميه كان في زياره عندنا و استغليت الفرصه و سألته


بخصوص المفهوم الثامن
تأكيدا لكلامك الــ flushing oils ممكن تتسبب فى نتيجة غير مرغوب بها إطلاقا وخاصة فى المحركات القديمة نتيجة الإذابة والتفتيت الكامل لطبقة الكربون التى تملأ الخلوص الناتج عن التآكل الطبيعى لأجزاء المحرك الداخلية .
ده الوسيله السحريه عشان تفوت الموتور

وأخيرا .. شكرا لك على هذا الموضوع المهم والمفيد ..
وتقبل تحياتى ،،،
تحياتي يا باشا و تشرفت بالحوار معاك

المشاركة الأصلية كتبت بواسطة hamisa08

كلام جميل جداااا وزى الفل
بس استفسار فى مفهوم العاشر

معنى كدة ان زيوت شل وموبيل كلها مستوردة ؟؟؟
انا على طووول بغير موبيل مكتوب علية صنع فى مصر تسد عين الشمس
دة ايه دة ؟؟

فعلا ..... ولو كده ايه الفرق بينهم وبين الانواع الاخرى المستورده بالكامل بعلبها من الخارج
........

أولا شكرا على المعلومات المفيدة دي
وكنت عايز اعرف حاجة...
دلوقت أنا استخدامي قليل جدا للعربية (يوميا لكن مشواري قصير) يعني بمشي اقل من 2000 كم في 6 شهور
انا بحط زيت Castrol GTX.20W50 SL الـ3000 وبغيره كل 6 شهور هل كده صح والا في معايير تانيه اعرف بيها ضرورة التغيير (العربية شاهين 2004 والزيت مش بينقص) وهل ده انسب زيت والا في افضل؟ (كنت بستخدم Shell Helix SH5 15W50 SL وحسيت ان الـ castrol أفضل منه)

المشاركة الأصلية كتبت بواسطة hamisa08

كلام جميل جداااا وزى الفل
بس استفسار فى مفهوم العاشر

معنى كدة ان زيوت شل وموبيل كلها مستوردة ؟؟؟
انا على طووول بغير موبيل مكتوب علية صنع فى مصر تسد عين الشمس
دة ايه دة ؟؟

موبيل و شل و توتال و فوكس و امارات مصر
Made in Egypt