الموضوع: غباء صنيعي كلفني تنزيل فتيس وزيت

كل سنة وانتم طيبين
اعتزر عن لفظ عنوان الموضوع
بس والله انا صرفت علي عربيتي كتير واول مرة ازعل علي الفلوس
قدر الله وماشاء فعل
انا لله وانا اليه راجعون
الموضوع يتلخص في الاتي
اول لما اشتريت العربية غيرت اربعة لتر موبيل روشنة بئا
وبعد حوالي شهرين الزيت قل لتر زوتة قلت يمكن اول مرة ماظبهوش
بعد فترة بقيس الزيت وجدتة علي الميني زوت اتنين لتر موبيل
وهنا قلت في مشكلة اكيد رفعت العربية الاولسيهات تمام والجوانات تمام
بس الفتيس غرقان زيت
لفيت علي كذا ميكانيكي وماحدش عارف التسريب منين
طبعا الزيت قل تاني زوت علي مدار مالفيت علي الصنيعية ثلاثة لتر تاني
وبرضو ماحدش عارف التسريب منين
الله يكرمو اخي فادي تعب معايا في الموضوع دة علشان نفكر ممكن يكون التسريب منين
قلت مابدهاش بئا بأذنك يارب انا الي حجيب التسريب
وفي يوم شيلت البطارية والشاسية وقربة المياة
وبالجاز وغسلت الفتيس من فوق وتحت رجع زي الزيرو
وهنا كانت الصدمة الفتيس مشروخ وملحوم بمادتين
من ناحية علبة الدريكسيون التلت التحتاني
ودي صورة للحام

طبعا اتصدمت وكونت مبلغ وظبط مع الميكانيكي نغير الحلة الي هوا الجزء الملحوم
طلب مني 600 ج كلة علي بعضو بالزيت بكلة والحلة دي تمنها 150ج
المهم اخت اجازة من الشغل النهاردة ومن الصبح كنت عندة
الناس اشتغلت في العربية وبصراحة صعب جدااااااااا تنزيل الفتيس بتهد الدنيا
واول حاجة عملوها فضو الزيت
وبعد لما نزل هنا كانت الصدمة!!!!!!!!!!!!! صدمة فعلا من غباء صنيعي قليل الفهم
الفتيس الي راكب عندي بتاع فيكترا 95 طبعا انا لااعلم
وفتيس فيكترا 95 فية حساس سرعة غير في الفيكترا بي
طيب البية الي ركب الفتيس دة علي دة وقلنا ماشي
طيب ياعم العبقري مكان الحساس حتعمل فية اية
طبعا يا جماعة العلامة والعبقري ابتكر حاجة مدهشة جدااااااا
الحساس عبارة عن صوبع وفي الاسفل ترس لقراءة السرعة وبتربط من برة بمسمار
هوا عمل اية راح جايب حتة صاجة رقيقة وخرمها علي قد المسمار وراح حاطتها وبعدين لحم بمادتين
شوفتو الانبهار
اعزروني بجد ربنا يسامحني انا اول مرة *****واشتم عند صنايعي
دة ابسط حاجة يعمل غبور براس تفلون عند الخراط وشكرا
ماهو كدة كدة مش محتاج الفتحة دي
حسبي الله ونعم الوكيل
ودي صورة بعد لما الفتيس نزل والصاجة اهي وانا تانيها

ودي صورة بعد تركيب الحساس

وبالمرة ركبت جوان كرنك جي ام 130ج
وطبعا غسلو الفتيس ما سبهوش كدة
وزودنا خمسة لتر موبيل
اتكلفت النهاردة 700ج
كانت ممكن ب100ج بس تتلم لو كنا شوفنا اية تحت اللحام
بس بصراحة المكان صعب جدااا دة كويس اني وصلت لية وعرفت المشكلة
حد يعرف انا حطيت زيت اد اية في الفتيس!!!!!!!!!!!
وكملت معايا من يومين واحد حسبي الله ونعم والوكيل فية حدف طوبة عي العربية وهيا مركونة
كسر الزجاج الخلفي

الحمد لله علي كل حال
وعزرا علي الاطالة بس انا كنت مخنوق قلت ابحبح معاكو
انا دلوقتي انام وانا مرتاح