الموضوع: سؤال عن الفيكترا

المشاركة الأصلية كتبت بواسطة superkenwood

شكرا على المعلومات المفيدة اللي استفدت منها كثييير ... بس أسف على السؤال ده ((يعني ايه ايكوتك))؟ أنا شفته في عربيات كثير .. هوه فعلا بيكون لونه أبيض ومكتوب عليه بالاصفر ..

ده ال 2000 سىسى



وده ال 1600 سىسى

المشاركة الأصلية كتبت بواسطة superkenwood

أنا عندي أوبل فيكترا 1600 سي سي موديل 2000 عادة .. الموتور بتاعي لونه اسود ورفيع ومكتوب عليه Opel طبعا ده مش ايكوتك .. السؤال هنا .. ايه الفرق الموتور العادي والموتور الايكوتك ؟

التكنولوجى المستخدمه
الاوبل بيقولوا عليه نص انجكشن وده عباره عن انجكتور واحد بيديى لكله
الايكوتك كل سلندر ليه الانجكتور بتاعه
طبعا الايكوتك اقوى فى الاداء واقل استهلاك بنزين من مثيله العادى

المشاركة الأصلية كتبت بواسطة superkenwood

وايه الفرق بين الكامة الواحدة والاثنين كامة ..

الكامه الواحده بيبقى فى كل سلندر 2 صمام واحد بيفتح للهواء والبنزين وواحد بيفتح عشان يخرج العادم
الاتنين كامه نفس الحوار بس للبنزين والهواء 2 صمام والعادم 2 صمام

المشاركة الأصلية كتبت بواسطة superkenwood

ويعني ايه كامة ..

اااااه ده سؤال حلو جدا
دى الكامه يا سيدى



طبعا انت فهمت كده :)
الكامه دى بتضغط على الصمام اللى تحته سوسته بتخليه يفتح ويقفل فى الوقت المحدد عشان البنزين والهوا يدخل فى وقته والعادم يخرج فى وقته
ودى صوره توضيحيه


شوف الفيديو ده هيفيدك
http://www.youtube.com/watch?v=MgklyL0wkVM

المشاركة الأصلية كتبت بواسطة superkenwood

وهل بتأثر في السحب أو استهلاك البنزين ؟

اكيد بيأثر

المشاركة الأصلية كتبت بواسطة superkenwood

هل الموتور يكون انجكشن أو لا على حسب كونه عادي أم ايكوتك ؟

عادى ولا ايكوتك دى مجرد اسماء يعنى ممكن GM تنزل بكره موتور اسمه يلالاللى انجكشن او كربراتير :)
بس الاوبل العادى نص انجكشن والايكوتك انجكشن كامل زى ما شرحنا قبل كده

المشاركة الأصلية كتبت بواسطة superkenwood

وهل بتفرق في الحصان ؟ و ياترى عربيتي كام حصان ؟؟؟

بيفرق جدا
عربيتك 75 حصان
الايكوتك ال 1600 سىسى بيعمل 100 حصان تقريبا

المشاركة الأصلية كتبت بواسطة superkenwood

وشكـــــرا للجميع

لا شكر على واجب
هتعزمنى على الفطار فين انهارده؟

شوف الفيديو ده هيعرفك الموتور بيشتغل ازاى
http://www.youtube.com/watch?v=oRxeWcKJR_U