الموضوع: التقسيط المباشر مع عبد اللطيف الجميل

المشاركة الأصلية كتبت بواسطة afrikano

انا شايف ان الخليجى احلى بكتير وارخص
وغير كدة .. لو مشكلة فى الضمان , ممكن تشترى ضمان ب2500 جنيه

وكل واحد ليه رأيه , انا بتكلم على السيراتو

شكرا لرد حضرتك .. طيب احلى بكتير لية و هل فعلا ضمان ب 2500 جنية يغنى عن ضمان الوكيل .. على فكرة انا سألت فى سمير ريان قالولى الاتنين نفس السعر ..

المشاركة الأصلية كتبت بواسطة eng_hatemfathy

انا شايف ان الوكيل افضل لان الايام دى عربيات كتير وفى ماركات كتير بيكون فيها مشاكل فى حاجات غالية
يعنى انا فى التلات عربيات اللى اشتريتهم زيرو لازم يطلعلى مشكله فى حاجه فى العفشة
يعنى اللادا غيرت مساعدين فى اول 5 الاف
والشارك غيرت علبية دركسيون فى اول 3 الاف
والكروز غيرت مساعد وشكلى هغير التانى
فقصة خليجى دى بتقلقنى وموضوع اشترى ضمان مش فعالة لان مفيش شركة هتبيع ضمان ب 2500 جنيه تغيرلك علبة دركسيون ب 9 الاف جنيه بسهوله
ده مجرد رأى والله اعلم
انا وانا بشترى الكروز رفضت التويوتا الخليجى 2013 علشان من غير ضمان ومكنش عندى استعداد اجرب التركى اولا علشان ملبس فى الحيط زى الجنوب افريقى وثانيا لانها كانت غاليه عليا جدا
وربنا يوفقك

اللهم امين .. متشكرة جدا .. بس دى حاجه غريبه جدا و محبطة ! 3 عربيات زيرو و الـ3 فيهم مشاكل و مشاكل بمبالغ .. طيب و كانو خليجى ولا وكيل .. و لو وكيل الضمان كان بيغطى و بيتصلح على حسابهم فعلا ولا بيستهبلو .. انا كمان سمعت ان التركى واطية جدا ناس كتير زعلانة منها و الكروز بصراحة ممتازة ربنا يباركلك فيها و يكفيك شرها يا رب ..

المشاركة الأصلية كتبت بواسطة afrikano

ياريت اختى تبعتيلى رقم المندوب اللى تممتى معاه الشراء

لان كلمتهم على الرقم الساخن امبارح قالولى ان فيه مشكلة فى تحويل المكالمات وواحد هيتصل بيا خلال 24 ساعه

ولسه ماحدش اتصل :(

بص حضرتك زى ما قولتلك هو المندوب اللى متابع معايا من اسكندرية لأنى انا مش من القاهرة ولا اسكندرية و اسهلى اسافر اسكندرية .. اللينك دة فى ارقام المعارض مباشرة اول مرة اتصلت بيهم كان على الأرضى بتاع الشركة و اللى رد عليا هو اللى تابع معايا ..
أحدث عروض و خدمات التقسيط - المباشر
هتلاقى فروع القاهرة و الجيزة و الأسكندرية بارقامهم المباشرة بعيد عن الخط الساخن خالص ..
القاهرة

------------

و ده كمان رقم أ/ اسلام المندوب اللى معايا .. لو احتاجتة .. 01115605454
بالتوفيق ان شاء الله ..


تم حذف العناوين والتليفونات حتى لا تندرج المشاركة تحت بند الاعلان التجارى .. يرجى مراجعة قواعد المنتدى

مشرف 6 ب
1.20am
9/1/2014

المشاركة الأصلية كتبت بواسطة eng_hatemfathy

انا دايما بشترى وكيل سواء ليا او لاهلى وعلى مدى 6 عربيات زيرو كلهم وكيل والسابعة كانت مستعملة بس واخدها من عمى وكان شاريها زيرو وكيل لانها اصلا كانت بولونيز-هههه
للاسف انا دايما مبتلى فى الحاجات دى بس بفضل الله بيطلع عينى شوية لحد ما المشاكل تتحل والحمد لله ان الابتلاء فى العربيات
اول مرة ايام اللادا عملوا فيلم معايا وقدرا اتعرفت عهلى اللواء حسن سليمان برضه بعد مشاكل ومراسلة روسيا وكده واتعرفت على ابنه وبقى بيحللى مشاكلى لما العميد احمد ماهر مدير المركز يحاول يضايقنى فاتغير المساعد واكتشفت انه مستعمل فخليتهم يختمو الضمان ب 10 الاف كيلو عليه وطبعا مستحملش فغصب عنهم اتغير بجديد
وعلبة الدركسيون فى الشارك حاولا برضه يهرجوا فوصلت لمدير الدعم الفنى وكان مهندس زوق ومحترم اسمه جون ولما حس انى مهندس وفاهم وافق على التغيير وقعدت مستنيها اكتر من شهرين لانها اتطلبت من اليابان وجت غلط اول مرة وبعدين اتطلبت تانى وجت الفيشة مختلفه المهم اتظبطت الفيشة (لان الباور كهرباء مش زيت) واتركبت الحمد لله
دلوقتى عندى مشاكل فى العفشة بتاعة الشارك وبسمع اصوات غريبة لما رحت اول مرة غيروا مساعد واحد والبطاحات وصمعت ان التانى يعنى نص ونص بس مرضوش يغيروه
المهم رحت مرة تانية ابو رواش العربية معملتش اى صوت واضطريت امشى من غير ما اعمل حاجه ودلوقتى بسمع دبدبة جزء منها انا عارف انه من الكاوتش لان نوعه سىء وجزء تانى مش عارف هل هوا من البارات ولا تيش الميزان وحجزت يوم السبت بس احتمال الغى او أءجل شوية

دعواتك بالخير والتوفيق

فعلا زى ما حضرتك قولت .. الحمد لله دايما و بالتوفيق ان شاء الله

السلام عليكم و رحمة الله .. وصلنى مندوب من الشركه النهاردة الحمد لله و سألتو على كل اللى كان بيدور فى بالى و الحمد لله مطمئنة جدا .. كده خلصت مرحلة الاستعلام و ان شاء الله يوم الأحد يرد عليا بميعاد الاستلام و كتابة العقد و الالوان المتاحة .. كمان قالى انهم مش بيتعاملو مع الخليجى نهائى وكيل فقط .. جاب من الأخر :) .. و الله الموفق و المستعان ..