السرعه القصوى للفلونس ٢٠١٤؟

**CosmicOne** · 06-01-2014 01:29 PM

ربنا يباركلكم جميعاً على الردود يا رجاله

**ALshahba** · 07-01-2014 02:14 PM

اذا كنت انا بعربيتي اسبيرانزا 620 جبت بيها 200 وثابت عليه فى طريق شرم ......... يبقي مش حتقدر تثبت علي الفوانس!!
ماتقلقش من الحته دي

**Hany Saad** · 08-01-2014 12:07 AM

المشاركة الأصلية كتبت بواسطة alshahba

اذا كنت انا بعربيتي اسبيرانزا 620 جبت بيها 200 وثابت عليه فى طريق شرم ......... يبقي مش حتقدر تثبت علي الفوانس!!
ماتقلقش من الحته دي

ربنا يباركلك فيها يا فندم.....

**ramymechanics** · 08-01-2014 06:18 PM

الفلوانس فى الأداء الطبيعى بعيد عن الحرق والشد والكلام دة أدائها مبهر جدا واستهلاك البنزين عندى فى الشتا بقا بيقرا عالكمبيوتر عالأقل من 11 ل 12.8 كيلو فى اللتر كان فالصيف من 10 ل 11 كيلو فاللتر
الثبات ممتاز بس لو حاولت تاخد غرزة على سرعة العربية بتجنح منك شوية انا حاولت فى طريق المطار قرصت الفجر على 130 وحاولت أثبت عالسرعة دى فى نفس الحارة فى ملف شديد شوية العربية عامت من ورا وكذا حد قاللى الكلام دة من ملاك العربية
الغريب جدا بقى عندى انى من ساعة ما حطيت نيتروجين وظبطت الكاوتش بنفس الأرقام اللى فالقايم والثبات بقا سئ جدا ازاى معرفش لدرجة انى بفكر ارجعه هوا تانى

العفشة لا أروع ولا أجمل وأحسن من الكورولا الشكل القديم بمرااااااااااحل بحكم انى بسافر بالكورولا فالشغل كتير جدا
خلاصة القول العربية عائلية جدا وواسعة وممتازة من كل النواحى

**Hany Saad** · 08-01-2014 08:14 PM

المشاركة الأصلية كتبت بواسطة alshahba

اشكرك جدا
منتظرين تقريرك لما تستلم عن قريب ان شاء الله
لسه ماستلمتش !!!

لسه منتظر يسلموا الدفعة الجديدة اللى وصلت من ٥ أيام....كل تأخيره و فيها خيره أن شاء الله
تحياتى لحضرتك.....

**ramymechanics** · 08-01-2014 10:17 PM

المشاركة الأصلية كتبت بواسطة alshahba

معلش ياريت حضرتك توضح ,, هو المقصد من الكلام انها افضل من الكورولا ولا اسوأ من الكورولا !!!
شكرا للتواصل

بالنسبة لى أحسن بكتير من الكورولا القديمة مش ال 2014 ﻷنى مركبتهاش

**mostafa afifi** · 19-01-2014 10:28 PM

مع احتامي للفلوانس و ملاكها السيفيك احسن في الجري و الثبات طبعا عشان عقشه مالتي لينك و اوطي و تجيب سرعات اعلي من الفلوانس.....بس حكايه انها واطيه شويه علي الارض تضايق اي حد بس لو طريقك كلو سفر خليك في السيفيك

**Hany Saad** · 19-01-2014 10:45 PM

المشاركة الأصلية كتبت بواسطة mostafa afifi

مع احتامي للفلوانس و ملاكها السيفيك احسن في الجري و الثبات طبعا عشان عقشه مالتي لينك و اوطي و تجيب سرعات اعلي من الفلوانس.....بس حكايه انها واطيه شويه علي الارض تضايق اي حد بس لو طريقك كلو سفر خليك في السيفيك

متفق تماما مع كلام حضرتك و لكن حسب نوع قيادتك على السفر هيكون أختيارك لنوع لسيارتك
طبعا السيفيك جراية و ثابتة و هذا كلام مفهوش نقاش و لكن يعيبها انها واطية بزيادة و طبعا مع تدهور حالة الطرق حاليا و منها جميع طرق السفر و مع جبال المطبات الموجودة فى جميع طرق السفر بدون أستثناء و هذه الجبال ليس لها أى مواصفات...أصبحت السيارات المنخفضة و من ضمنها السيفيك غير ملائمة لشوارع مصر و حضرتك هتلاقى ناس كتير من اللى بيسافروا على طول اتجهوا للعربيات العالية مخصوص علشان موضوع الحك و المطبات زى الكيا سبورتاج و الهيونداى i35 و النيسان قشقاى.....

السيفيك تبقى روعة فى اوروبا و امريكا حيث الطرق الناعمة....

لو الواحد سواقته فى السفر عادية يعنى مش بتاع شد و جرى و سرعة 200 كم و كده و عايز عربية مريحة و عالية و بتاعت سفر و عيلة و واسعة و موفرة جدا فى البنزين يبقى الفلوانس

اما لو عايز شد و تجميع شديد و ثبات عالى و سواقته رياضية جدا يبقى أكيد الفلوانس مش هتنفعه بل بالعكس الفتيس ال CVT هيخنقه..... و السيفيك هتكون أختيار أفضل بكتير.....

الموضوع: السرعه القصوى للفلونس ٢٠١٤؟

LinkBack

أدوات الموضوع

عرض

-

-

-

-

المواضيع المتشابهه

السرعه القصوى كام ؟

السرعه القصوى 160

السرعه القصوى للكليو

السرعه القصوى للبومة

السرعه القصوى للصني

الكلمات الدلالية لهذا الموضوع

المفضلات

المفضلات

ضوابط المشاركة