السرعه القصوى للفلونس ٢٠١٤؟

**ramymechanics** · 20-01-2014 12:05 AM

المشاركة الأصلية كتبت بواسطة mostafa afifi

مع احتامي للفلوانس و ملاكها السيفيك احسن في الجري و الثبات طبعا عشان عقشه مالتي لينك و اوطي و تجيب سرعات اعلي من الفلوانس.....بس حكايه انها واطيه شويه علي الارض تضايق اي حد بس لو طريقك كلو سفر خليك في السيفيك

السيفيك عربية ممتازة طبعا .. بس للأسف انا معظم الأوقات بسافر مع عدد وبيبقى فى 3 قاعدين ورا والشنطة مليانة عالآخر معتقدش المساحة الداخلية للسيفيك تقدر عللى كل دة بس هى عربية سحب وموتور ممتاز ومحترمة

**mostafa afifi** · 20-01-2014 02:57 PM

المشاركة الأصلية كتبت بواسطة ramymechanics

السيفيك عربية ممتازة طبعا .. بس للأسف انا معظم الأوقات بسافر مع عدد وبيبقى فى 3 قاعدين ورا والشنطة مليانة عالآخر معتقدش المساحة الداخلية للسيفيك تقدر عللى كل دة بس هى عربية سحب وموتور ممتاز ومحترمة

يبقا كده مش عربيتك عشان هتحك كتير اوي كده و انا اي عربيه نضيفه بتحك تصعب عليا جدا.......و الفلوانس مقارنه بالسيفيك في السحب و الثبات ايه ولا مافيش مقارنه

**mostafa afifi** · 20-01-2014 03:16 PM

المشاركة الأصلية كتبت بواسطة meggieboy

متفق تماما مع كلام حضرتك و لكن حسب نوع قيادتك على السفر هيكون أختيارك لنوع لسيارتك
طبعا السيفيك جراية و ثابتة و هذا كلام مفهوش نقاش و لكن يعيبها انها واطية بزيادة و طبعا مع تدهور حالة الطرق حاليا و منها جميع طرق السفر و مع جبال المطبات الموجودة فى جميع طرق السفر بدون أستثناء و هذه الجبال ليس لها أى مواصفات...أصبحت السيارات المنخفضة و من ضمنها السيفيك غير ملائمة لشوارع مصر و حضرتك هتلاقى ناس كتير من اللى بيسافروا على طول اتجهوا للعربيات العالية مخصوص علشان موضوع الحك و المطبات زى الكيا سبورتاج و الهيونداى i35 و النيسان قشقاى.....

السيفيك تبقى روعة فى اوروبا و امريكا حيث الطرق الناعمة....

لو الواحد سواقته فى السفر عادية يعنى مش بتاع شد و جرى و سرعة 200 كم و كده و عايز عربية مريحة و عالية و بتاعت سفر و عيلة و واسعة و موفرة جدا فى البنزين يبقى الفلوانس

اما لو عايز شد و تجميع شديد و ثبات عالى و سواقته رياضية جدا يبقى أكيد الفلوانس مش هتنفعه بل بالعكس الفتيس ال cvt هيخنقه..... و السيفيك هتكون أختيار أفضل بكتير.....

علي فكره اللي يفهم ال cvt يعرف يعلم علي اي حد في الشد لانه ممتاز بصراحه عن تجربه ..و اريح في السفر كفايه تبقي علي 130-015- و ال rpm علي 3 عكس الفتيس الاربع سرعات لازم تقرص علي غيار غيار عشان تجيب rpm قليل شويه
علي فكره انا من عشاق الفلوانس و لو الزمن يرجع بينا كنا جبناها بس هما عندي في البيت كانو مقتنعين بالقشاي و الاسترا بس عند سمير ريان كانو قاعدين يعيبو في الاسترا و لما قولتلهم علي الفلوانس قاعدو يقولولي ده مش عربيه اصلا و كلام كتير كده .. و للاسف ماكنتش اعرف ان فيه فيس ليفت نزل

**ramymechanics** · 20-01-2014 04:39 PM

المشاركة الأصلية كتبت بواسطة mostafa afifi

علي فكره اللي يفهم ال cvt يعرف يعلم علي اي حد في الشد لانه ممتاز بصراحه عن تجربه ..و اريح في السفر كفايه تبقي علي 130-015- و ال rpm علي 3 عكس الفتيس الاربع سرعات لازم تقرص علي غيار غيار عشان تجيب rpm قليل شويه
علي فكره انا من عشاق الفلوانس و لو الزمن يرجع بينا كنا جبناها بس هما عندي في البيت كانو مقتنعين بالقشاي و الاسترا بس عند سمير ريان كانو قاعدين يعيبو في الاسترا و لما قولتلهم علي الفلوانس قاعدو يقولولي ده مش عربيه اصلا و كلام كتير كده .. و للاسف ماكنتش اعرف ان فيه فيس ليفت نزل

باشا انا ساعة ماشتريت مكانتش الفلوانس فى اختياراتى اساسا ... الاختيار كان بين السبورتاج والقاشقاى .. السبورتاج استبعدتها للزيادة المتخلفة فى سعرها والقاشقاى عشان ضيق الكنبة اللى ورا وفقر الأوبشنز الشديد ... دخلت المنتدى هنا لقيت احمد الفقى عامل موضوع عن الفوانس تخيل جبتها من غير ماشوفها حتى بعت فلوس لواحد قريبى اشترهالى