الموضوع: ملاك الجيل التامن ، جربت ايه لحد ١٨٠ الف جنيه ممكن تغير عربيتك بيها؟

معاك حق يا هانى جدا و هيا معضله بصراحه

انا حتى الان من اللف و الفرجه استقريت على الفلوانس في السعر بتاعها و رحت شفتها تاني و قعدت جواها كذا مره ورا و قدام و في كل الكراسي و بقنع نفسي ان تنازل عن شوية ثبات بس هكسب حاجات تانيه كتير بصراحه

لو عليت شويه في الفلوس يبقا الاسترا الكوزمو امبارح قعدت جوه واحده ٢٠١٤ و جابلي المفتاح و دورت و كده و بصراحه النصف الامامي من العربيه رائع و تحس بتطوير عن الهوندا حتى التدويره و العدادات و الكمبيوتر و شاشت الكاسيت و التكييف تحسسك بالالماني بجد و كمبيوتر اعطال و حركات ،حسيت انى فى عربيه فخمه جدا

الخلف فيها نص نص يعنى الكنبه خامات تحفه بس مساحات يعني و البيبان الى ورا بلاستيك فى جلد بس مش بنضافة الهوندا خالص بس الشنطه عملاقه

عموما لازم تتشاف بالمفتاح دايره و كل حاجه شغاله هتفرق كتير اوى و لو كان معايا الفلوس كنت فكرت فيها تربو علشان مفيهاش دي اس جي

اخر حاجه ممكن لو نزلت المازدا ٣ الجديده قالبا الدنيا بره مصر و رائعه جوه و بره

كده انا نفضت للاوكتفيات و الفورد

بس مش عارف هل فلوس الاوبل عن الفلونس تستاهل الفرق و هل فرق الثبات و التراكشن كنترول فارق اوى عن الرينو؟

المشاركة الأصلية كتبت بواسطة japrulez

دور على 320 تكون حالتها ممتازة
الفورد فوكاس مش ختخس انك عملت حاجه
الفرنساوى عامة مش قوى شيك عل فاضى مش اد كده عن تجربه
الكورولا الجديده حلوه فى السعر بتاع ال 180 ده

السوبارو ثباتها اعلى من ال bmw و ال civic بس ابطأ و resale و بنزين مش اوى
الصبر حلو فى المرحله دى لو من باب التغيير لو نزلت مصر ال cerato el turbo 200 hp
بس ركز فى اليبانى او الالمانى

انا بعيد عن البي ام علشان الوسع و الشنطه و الارتفاع عن الارض و قطع الغيار لانى بتاع توكيلات و بس بصراحه و الحاجه ولدتي مش موافقه عليها خالص :) و مش عاوز ازعلها

الكورولا مش متقبل التابلوه خالص و زوجتى شايفاه شكل الميكروبص بالظبط و انا كمان بصراحه

ايه موضوع السيراتو التربو ده هي احتمال تنزل مصر؟؟

جنب السيفيك الجيل التامن مش قادر اتقبلها خالص
ولا قعده ولا خامات ولا تطوير يذكر حتى

ياباشا انا عملت زيك كده من فتره يمكن اسبوع بالظبط او اكتر شويه بفكر اغير السيفيك و اركب حاجه تانيه اعلى و عشان العقده بقى فكرت اجيب حاجه عاليه عن الارض هههههههههه

بس نصيحه انا محستش بمتعه و انا راكب اى حاجه تانيه لا اوكاتفيا و لا فلوانس و لا اي حاجه من الحركات ده لكن السيفك احساس رياضي و احساس انك بتركب عربيه بجد ليها كيان و متعه فى السواقه بغض النظر عن المشاكل اللى عندك و على فكره انا برده عندي موضوع الصوت العالى ده بحس بيه جدا و بفكر جديا اغير الكاوتش رغم انه مش بقاله كتير لكن اهو خلينا نجرب و نشوف

بس نصيحه من حد دخل المعركه ده من فتره بسيطه انسى و مش تبيع و استنى السيفك الجديده افضل
كمان التغيير فى الوقت الحالى عشان تجيب حاجه تقارنها فعلا بالسيفك هيخليك تدفع كتسيييييييير اوي لان كل الجديد غالى و رفع برده سعر المستعمل يبقى فى النهايه بترمى فلوس على الارض و مش هتاخد كل حاجه و انت نفسك قلت هتنازل عن حاجات عشان اخد حاجات تانيه و برده هتدفع كتير
لا طالما بقى هادفع يبقى ادفع صح و اخد اللى انا عايزه ده فكرى عامة و ده رايي بعد صراع فى نفس موضوعك لمده اسبوعين متواصلين بدور و اركب عربيات كتيره عشان احس ان فى عربيه تخطفنى بعد السيفك مش لاااقى

المشاركة الأصلية كتبت بواسطة pioneerahmed

لو عايز رايي خليك في المازدا ٣ بس خد بالك السيفيك اوسع منها شوية بس غير كدة عربية تحفة انا عرفت قيمتها لما بعتها و جبت سيفيك

انا كمان عملت زيك, بس السيفيك اقوى و انعم ولا انت ايه رأيك؟

المشاركة الأصلية كتبت بواسطة japrulez

انا مش فاهم ازاى بتقول fluence
مخليش ال options تعميك
اول مره اسمع ان حد معاه يبانى ينزل ل فرنساوى مع احترامى مينفعش

صديق ليا قريب معاه فكترا و مش مبسوط من الفتيس ولا العربيه
بس لو هتجيب التربو الكلام مختلق طبعا

احتمال كبير المازدا يبقى موتورها ضعيف زى الموتور الحالى

بردو ال lancer شكلها مفروض يتغيير نصف 2014
و السوبارو اخر 2014



اما ال cerato koup اعتقد هيبان معا معرض القاهرة فى شهر 3 الدنيا تمشى ازاى

الفلونس بصراحه علشان الاوبشنز و الراحه و السعر و بقت ميكانيكا نيسان اساسا

الاسترا فتيسها غير الفيكترا خالص

المازدا حاسس كده بس الله اعلم هتنزل اساسا ولا لا

في اي لينكات او حاجه عن اللنسر و السوبارو الجداد؟