العربية مابتجبش R فتيس اوتوماتيك

**k_lashen** · 25-09-2008 05:38 AM

السلام عليكم هل الفتيس الاتوماتيك ده الى بالف جنيه ينفع للنوبيرا ايضا ام لا

**morabet79** · 25-09-2008 05:44 AM

انا شفت فتيس النوبيرا 2 ، مختلف عن اللانوس ، مفهوش over drive

ممكن تراجع مانيوال النوبيرا وتشوف نوع الفتيس ، وهل هو مطابق لفتيس الانوس أم لا

**k_lashen** · 25-09-2008 07:20 AM

شكرا للرد وللعلم وسؤال اهل الخبره ان المشكله عندى ان السياره اتوماتيك عند وضعها على d والبدء بالتحرك تتحرك عال العال ولما تنقل الاقى ان العزم يروح وتسقف كانها نقلت على الثالث مش الثانى وبعدين تمشى زى الفل مش عارف ده هايكون ايه رغم انى رحت لورشه فتيس اتومانيك باحمد سعيد غير الزيت والفلتر وايضا لما باكون دايس فرامل مع تعشيق الا d احس برعشه بالموتور وتارجح ال rbm واسمع صوت يشبه التنفيث او النفخ مع كل حركه من rpm وكان السياره عاوزه تنقل وانا دايس فرمله ارجو الأفاده حيث انى خايف اغير الفتيس ومايطلعش عيب فتيس لانه عدا ذلك زى الفل ولما باجيب التانى يعنى عل2 بتطلع تمام ثم انقل بقى على ال d وامشى عادى

**acounter01** · 25-09-2008 10:31 AM

استاذ كودي ممكن اعرف انت جبت الفتيس منين بالضبط علشان في واحد صديقي عاوز يجيب فتيس استيراد بس في القاهرة بيتراوح سعرة ما بين 3000 : 4000 وممكن نتقابل فين

**cody02** · 25-09-2008 07:47 PM

المشاركة الأصلية كتبت بواسطة acounter01

استاذ كودي ممكن اعرف انت جبت الفتيس منين بالضبط علشان في واحد صديقي عاوز يجيب فتيس استيراد بس في القاهرة بيتراوح سعرة ما بين 3000 : 4000 وممكن نتقابل فين

أخي العزيز .. الفتيس من شونة بنك الاسكان بمدينة بورسعيد .. ومنطقة بنك الاسكان ما شاء الله فيها كل حاجة
هو السعر ده في القاهرة استعمال الخارج برده ولا جديد

**cody02** · 25-09-2008 07:57 PM

المشاركة الأصلية كتبت بواسطة cody02

يا شباب .. ما تنسوش التلات نقط اللي بأسال عليهم
- مكان الطبة هل هو ناحية العجلة اليمين (معلش انا شوفت الصور كتير بس هي مربكة فعلاً) ؟؟؟
- هل ضروري أغير الجوان لو فكيت الكارتيرة ؟؟
- الزيت الردئ اللي باقي في الاربة .. في مشاكل ولا عادي ؟؟؟

بالنسبة للطبة أنا خلاص اتأكدت من مكانها .. انها بجانب output shaft للكوبلن اليمين (مكان بايخ) .. وعلى كده الطبه اللي فكيتها قبل كده كانت غلط

ياريت بس تفيدوني في السؤالين الباقيين

**M.Elhamy** · 25-09-2008 08:02 PM

هل ضروري أغير الجوان لو فكيت الكارتيرة ؟؟

yes

الزيت الردئ اللي باقي في الاربة .. في مشاكل ولا عادي

mesh 3aref

**tamermadi** · 26-09-2008 12:26 AM

المشاركة الأصلية كتبت بواسطة cody02

بالنسبة لموضوع فك الكارتيرة عشان تغيير الزيت .. كان نفسي أتجنب القصة دي .. الأمر لله .. لكن هحتاج جوان جديد ولا القديم شغال ؟؟؟؟ .. أحط سيلكون ولا لأ ؟؟؟؟

وبالنسبة لزيت ماج كنت ناوي أكمل عليه اسبوعين كتجربة .. بس هاحاول اغير بدري عن كده
طيب أعمل ايه في كمية الزيت اللي بتبقى في الاربة (torque converter) .. مفيش مشاكل من بقاء كمية من الزيت الردئ ده داخل الفتيس ؟؟؟

شوف الجوان بعد فك الكارتيره لو طلع سليم ركبو تانى

الجوان الاصلى مش بيحتاج سيليكون

بس مقرف جدا فى تركيبه صح عشان ميسربش زيت

حاول على قد ما تقدر تصفى الزيت يعنى ارفع العربيه وفك الكارتيره وسيبها تصفى ساعة مثلا

وبعد كده قفل ونزل العربيه وزود بتاع 4 او 5 كيلو وبعيد دور العربيه وزود زيت لحد الطبه تجيب زيت قفلها

**cody02** · 26-09-2008 10:37 PM

المشاركة الأصلية كتبت بواسطة tamermadi

شوف الجوان بعد فك الكارتيره لو طلع سليم ركبو تانى

الجوان الاصلى مش بيحتاج سيليكون

بس مقرف جدا فى تركيبه صح عشان ميسربش زيت

حاول على قد ما تقدر تصفى الزيت يعنى ارفع العربيه وفك الكارتيره وسيبها تصفى ساعة مثلا

وبعد كده قفل ونزل العربيه وزود بتاع 4 او 5 كيلو وبعيد دور العربيه وزود زيت لحد الطبه تجيب زيت قفلها

الله ينور عليك .. شكراً على الافادة