الموضوع: سؤال في الدبرياج

المشاركة الأصلية كتبت بواسطة م.أحمد الدسوقي

السلام عليكم

انا لسه متعلم جديد

وفي اول ايام السواقة كنت حاسس ان عقدتي هيا الدبرياج العربية كانت بتبطل مني كتير جدا

وكان السبب تخلف المدربين اللي بيدربوني

الكل بيقولي شيل دبرياج بالتدريج وحط بنزين قصاده وكل لما اعمل كدا العربية تبطل واحتاس انا

ويقعدوا يتهموني بالتسرع وعدم القدرة علي السيطرة علي العربية

المهم ربنا كرمني بزميل بيفهم قالي الموضوع بسيط اول ما تلقط الاسطوانه معاك ثبت رجلك لحد ما تاخد العربية سرعتها مع دوسه بنزين او سلانسية وبعدين شيل رجلك كده خلاص

واتحلت العقدة

لكن بعد كدا انا قعدت اتعلم ميكانيكا سيارات والحمد لله فهمت اغلبها نظري

وبقي السؤال

ايه اللي بيخلي العربية تبطل لو انا سيبت دبرياج مرة واحده

اكثر الاجابات بتكون اني بحمل عزم مفاجئ علي السيارة وده بيتغلب علي طاقه البساتم وبالتالي يوقف دورنها ويوقف العربية خالص

لحد هنا الكلام مظبوط

طب ما هي هي لو انا ثبت رجلي علي الدبياج عند نقطه الوصل كده كده عزم مفاجئ وخلاص

وبيتحمل مهمه تسيير السيارة شوية البنزين اللي داخلين من بوابة الدبرياج

ممكن حد يفهمنهي ليييه العربية بتبطل لما اشيل رجلي مرة واحده

ويفصل في مراحل الدبرياج الثلاثة

اللي هيا خلوص الفصل ثم نقطه الوصل ثم خلوص ترج الدبرياج

وشكرا

الفكره هنا انك لما تثبت رجللك انك مش بيكون الدبرياج وصل لمرحله الوصل الكامل فا مش بيبقى حمل مفاجىء ولا حاجه ..... وده علشان يناسب عزم المحرك الضعيف فى لاسرعه البطيئه دى لكن لو انت دوست بنزين جامد وسيبت دبرياج مره واحد العربيه مش هاتبطل لان العزم اللى خارج من المحرك كافى انه يحرك العربيه من الثبات وبسرعه كمان


زى بالظبط كده لو انت جيت حرك صندوق تقيل من على الارضى وانت واقف جمبه قمت فجأه زقيته مش هايتحرك وانت اللى هاتتعب لكن لو ابتديت تزقه واحده واحده وبالتدريج يبتدى جسمك يتغلب على قوه تماسك الصندوق بالارض فياترحك وانت مش هاتتعب زى المره الاولى