الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة dr . Mohamed

أرجوك قولى المكان فين اللى فيه شارك كل الفئات انا دايخ على الفئة التالتة وكيل و مش لاقى

لا يا فندم حضرتك فهمتني غلط انا مشفتهاش معروضه
انا شفتها مع ملاكها كانو جايين يعملو الصيانه في التوكيل واتفرجنا على عربيات بعض واتعرفنا على بعض هناك

وعلى فكره انا حجزت عربيتي شهرين او اكتر لغاية ما استلمت

المشاركة الأصلية كتبت بواسطة tifa2015

مختلف مع حضرتك ﻻن مقارنتك ناقصه حاجه مهمه جدا وهى العمر اﻻفتراضى لقطع الغيار واللى هى معمرة جدا فى الشارك عكس العربيات الكورى ايا كان نوعها وشوف كده فلتر البنزين الغالى قوى بتاع الشارك بيقعد قد ايه وبتاع الالنترا مثلا بيقعد قد ايه وساعتها نعرف اذا كان غالى وﻻ ﻻ وتقبل مرورى وفى النهايه لوﻻ اختلاف اﻻراء لبارت السلع واﻻختلاف فى الراى ﻻ يفسد للود قضية

اللي حضرتك بتقوله ده أنا فعلاً فكرت فيه العمر الافتراضي وسالت فعلاً في دايموند على تغير فلتر البنزين بيبقى كل قد ايه وقالولي 50.000 كم وأنا بغير الفلتر في الماتريكس كل 40.000 كم يعني مش فرق كبير يعوض فرق السعر الكبير بين الاتنين
واشكرك على سعه صدرك وتقبل فائق احترامي

المشاركة الأصلية كتبت بواسطة amr_8800

ان مش فاهم بصراحه ليه في حالة اصرار فظيعه انك تكره الناس في الشارك
انت شايف ان قطع غيارها غاليه والسيراتو مش غاليه روح هات السيراتو من غير ما تكره الناس في عربياتها
انا عن نفسي امشي على رجلي ومركبش كوري
وتجربتي مع الالنترا الي طالعين بيها السما من اول يوم اخويا جابها وهي صالونها كل حته في بتزيق وانت طالع او نازل من على اي مطب
وعلى السرعات العاليه عباره عن مرجيحه كبيره شويه

تانيا بقا عشان نقفل الجدل الي ملوش اي لزمه ده
البيجو الي حضرتك عملتها مثال في كلامك
انا عندي واحد صاحبي معاه 308 cc موديل 2013 واقدر ااكدلك انها راحت التوكيل 3 مرات في فترة سنه متشاله على ونش
عارف يعني ايه موديل 2013 وتروح 3 مرات متشاله على ونش
ممكن يكون قطع غيارها ارخص من الشارك اه (وده مش اكيد ده على حسب كلامك انت ) بس الاكيد بقا انك ممكن تركنها تحت البيت سليمه تنزل الصبح تلاقيها مش شغاله
دي الي بيسموها ايه بقا (الاعتماديه) يعني العربيه قطع تصنيعها معمره قد ايه

ثانيا بقا البيجو برضو الي انت بتتكلم عليها لو فيها حاجه بايظه بتحلف مهي دايره ومبتمشيش ولازم ونش جميل ياخدلو 700 ولا 800 جنيه عشان يوديك التوكيل
انما الشارك مع احترامي لو بتعرج هتمشي وهتوصلك

عارف ليه عشان اليابانيين ماشيين بمبدأ (تكنولوجيا اقل وميكانيكا اكتر يعني اكيد اعطال اقل يكتييييييييير)
وعلى فكره كمان الشارك ممكن تكون غاليه فعلا (انا بتكلم عن العربيه نفسها مش قطع الغيار ) بس عشان العربيه غاليه برضو بره كل بتوع الاستيراد بيقولو كده الشارك نفسها غاليه بره

وفي الاخر ربنا يحلي لكل واحد عربيتو وكل الناس لازم تختلف عشان كل الماركات تبيع
لو كل الناس اشترت الشارك المصانع التايه هتفقل
والموضوع ده في جزء كبير نفسي يعني في الاول والاخر هي راحه نفسيه في حد بيرتاح للماركه دي وحد تاني بيرتاح لماركه تانيه
انا بس الي لفت انتباهي انك سبت كل حاجه وركزت اوي على موضوع قطع الغيار
مع ان مفيش عربيه كامله يعني الواحد وهو بيشتري بيشوف المميزات والعيوب من وجهة نظرو ويشوف المميزات اكتر من العيوب ولا لا والعيوب الي موجوده هو ممكن يقبلها ولا لا وبيتوكل على الله وبيشتري
طبعا المميزات والعيوب دي حاجه نسبيه يعني ممكن انا اشوف حاجه معينه على انها عيب وانت تشوفها ميزه يعني مثلا انا صالون عربيتي لونو بيج وانا الوحيد في مصر الي شايف ان ده عيب عشان البيج بيتوسخ بسرعه وكان نفسي يبقا اسود
كل الناس بقا بتقول البيج اشيك بكتيييييييييييييييييييييي ييييييييييير
بس فالموضوع نسبي

حاجه اخيره بقا فلتر الزيت انت كاتب انو ب 75
احب اقولك انا جايبو امبارح من التوكيل ب 60 جنيه

وبتاع البومه الي الناس بيقولو عليها ارخص عربيه في مصر في قطع الغيار ب 55 جنيه اعتقد ال 5 جنيه دي مش فرق جوهري
تقيل مروري واسف لو طولت

اولا أحب أبدأ بالسلام عليك واﻻختلاف فى الراى ﻻ يفسد للود قضية على رأي صديقنا tifa2015
بس أنا مش عارف ازاي حضرتك بتقول ان انا بكره الناس في العربيه الكلام ده مش صحيح بالمره وهتلاقيني في مواضيع كتير بنصح الناس بالعربيه دي ودايماً بقول ان العربيه دي هي افضل عربيه في الفئه السعريه دي وهتلاقي حتى الكلام ده في الموضوع ده نفسه في الصفحه الـ 13 وقلت فيه بالحرف لعضو كان بيسأل عن العربيه ( لو انت مش فارق معاك الشنطه واسعار قطع الغيار تبقى العربيه دي صفقه رابحه بكل المقاييس وحلال فيها كل قرش تدفعه )
وده لينك الصفحه ممكن تبص على ردي كامل وانت هتعرف اني مش بهاجم العربيه خالص واني بالفعل بحترم العربيه دي جداً
http://www.nilemotors.net/Nile/399017-2014-13.html
بس كون اني بوضح للعضو اللي سأل على ضيق الشنطه النسبي وارتفاع اسعار القطع ده مش معناه هجوم ده عشان هو يشوف هل الحاجات دي هتناسب ظروفه واحتياجاته ولا لأ ويقرر على اساس سليم وهو ده الهدف الاساسي من المنتدي
وهرجع واقول تاني ارتفاع أسعار قطع الغيار ده مش معناه ان العربيه وحشه ومحدش يشتريها وإلا كانت تبقى المرسيدس مثلاً عربيه وحشه ومحدش يشتريها وطبعاً ده مش صح بس لازم اللي هيشتريها يكون عارف انه يقدر على مصارفها عشان ميقابلش مشاكل بعد كده

بخصوص بقى سعر فلتر الزيت السعر ده أنا جايبه من دايموند موتورز المعادي ولو في اي خطأ في السعر يبقى من مسؤول مبيعات قطع الغيار مش مني أنا
أما بالنسبه لاسعار قطع غيار البيجو 508 فده زي ما أنا كنت موضح أن أنا كنت ناقله من عضو محترم معانا في المنتدي وده أنا حبيت اقوله للتوضيح ليس إلا

وفي النهايه أنا بعتذر ليك جداً لو كنت حضرتك فهمت من كلامي اني بكرهك في عربيتك اللي أنا شخصيا بحبها جداً وده غير صحيح بالمره ولك منى فائق الاحترام لك وللشارك

المشاركة الأصلية كتبت بواسطة محمد سمير حسين

استاذي الفاضل محمد كريم صباح الفل بالنسبة لتصحيح السعر بتاع الافيو كلام حضرتك مظبوط هي عاملة في سعرها الرسمي 101 الف ممكن يكون حصل معايا لبس مابينها ومابين الصني اللي هي تقريبا ب115 الف وبرده الناس بتشتكي منها ومابعدناش كتير برده بالنسبة لباقي الموضوع بصراحة انا مافهتش نقطة هو حضرتك بتتكلم عن الياباني والالماني والكوري ان مافيش افضلية لحاجة عن حاجة ولا بس علي نقطة قطع الغيار لو نقطة قطع الغيار بس يبقي اوك مش هانختلف كتير ومش هنقف كتير عند النقطة دي لكن من ناحية الافضلية(المتانة والعملية والقوة وال ..... الخ) يبقي لا معلش بصراحة هما ليهم ترتيب الناس كلها عارفاه الماني -ياباني - كوري واستاذنك تقبل سؤالي هو حضرتك لو حد عرض عليك (بنفترض طبعا) انك تشتري عربية بي ام جديدة 320 i مثلا وبسعر 100 الف جنيه فقط مع ان سعرها الاصلي 400 الف جنيه حضرتك هتقبل ولا هترفض علشان سعر قطع الغيار بتاعتها غالية النقطة التانيه والكلام ده حضرتك اللي تفضلت بذكره انك استغربت لما لقيت ان التيوتا وكمان الشارك قطع غيارهم اغلي من البيجو 508 طيب لما التيوتا كمان طلع ان قطع غيارهااغلي من البيجو يبقي كده التيوتا كمان قطع غيارها غالية طب ليه حضرتك ما حذرتش الناس من ان قطع غيار التيوتا كمان غالية واتكلمت فقط علي الشارك وليه الناس بتتهافت علي شراء التيوتا بالرغم من غلو قطع غيارها يبقي كده موضوع قطع الغيار مابقاش عامل مؤثر قوي يخلي الواحد يبعد عن شراء التيوتا او الشارك والدليل كمان علي النقطة دي ان حضرتك ممكن تسال علي كم الحجز اللي معمول علي الكورولا وعلي الشارك في التوكيل وانت تعرف ان موضوع قطع الغيار ده مابقاش بيبعد الناس عن شرائهما يا سيدي الفاضل ده في ناس حاجزاهم من 6 و5 شهور ولسه وايتينج ليست وبالنسبة للافيو اللي حضرتك بتقول ان ملاكها بيشتكوا منها فعلا ده كلام مظبوط بس مازالت مطلوبة والناس بتشتريها وكذلك الصني ب120 الف السوبر صالون والناس عمالة تشتريها (بالرغم من الشكاوي الكتيرة اوييييييييي منها)علشان واخدة سمعة ان قطع غيارها مش غالية اوي وبيتغاضوا عن النقطة الاهم وهي متانة العربية وبعد ما يشتروها يفضلوا رايحين جايين علي التوكيل والعربية بذلك بتفقد وظيفتها الاصلية والاساسية ومابعرفوش يستمتعوا بيها ده كله علشان قطع الغيار وبعتذر لحضرتك لو انا كاتب اي كلمة قد تصلك بمعني غير الذي اقصده في هذا الموضوع وانا والله لا اقصد الا الخير والسلام ختام لحضرتك ولكل الزملاء

اولا أنا بشكرك جداً على زوقك واحترامك
بخصوص موضوع الافضليه أنا كنت بوضح فقط انه مينفعش نربط اسعار قطع الغيار ببلد الصنع ومينفعش أقول ان العربيه عشان الماني يبقى لازم قطع غيارها تبقى أغلى ولا عشان العربيه صيني يبقى قطع غيارها رخيصه عشان هي دي الغلطه اللي ناس كتير بتعملها وأنا أولهم لما حجزت الشارك من غير ما اسأل على اسعار قطع غيارها عشان هي ياباني واللي أنا أعرفه عن الياباني انه مش غالي أوي طبعاً أغلى من الكوري بس مش زي الالماني مثلا وده اللي أنا أكتشف عدم صحته لما سألت
عشان كده التصنيف على اساس بلد الصنع غير صحيح لكن طبعاً مفيش نقاش ان في فرق كوالتي يعني مش ممكن اقارن كوالتي الصيني بالياباني ولا ينفع اقول ان الكوري زي الالماني
بخصوص بقى ان أنا بحذر الناس من قطع غيار الشارك ومبعملش ده مع التويوتا فده مش صحيح لان أنا مش بقول كده عشان احذر الناس من الشارك ولا عاوز اكره الناس فيها كل ما في الموضوع ان انا كنت مهتم بالشارك وان انا كنت بتابع موضوعاتكم لاني كنت هشتريها فعلاً ولما أشتركت معاكم في الموضوع كان من منطلق أهتمامي بالعربيه ولما أتكلمت عن اسعار قطع الغيار كان بهدف نقل تجربه أنا مريت بيها عن العربيه ممكن تكون مفيده لحد تاني وده هدف المنتدى في الاساس وهتلاقي أن أول كلام ليه عن اسعار قطع الغيار كان رد على كلام حضرتك أن أسعار قطع غيار الشارك أرخص من الكوري السيراتو والالنترا فحبيت اصحح المعلومه على حسب المعلومات اللي معايا عشان محدش يأخد قرار بالشراء بناء على معلومات غير دقيقه وده لينك أول كلام ليه عن اسعار قطع الغيار في الموضوع
http://www.nilemotors.net/Nile/399017-2014-17.html
ولما كان عندي معلومات عن بعض اسعار قطع غيار السياره أنا عملت موضوع مخصوص لاسعار قطع غيار الشارك نقلت فيه الاسعار كما حصلت عليها من التوكيل وذلك بهدف افاده الاعضاء ولم أذكر رأي عن ارتفاع الاسعار مطلقاً لان بل كتبت الاسعار كما هي دون أي تعليق سلبي مطلقاً

أنا حبيت أوضح النقطه دي عشان كل الاعضاء يتفهموا ان انا مش داخل هنا عشان أهاجم العربيه ولا عشان اكره أصحابها فيها لان ده غير منطقي بالمره بحكم أن اني كنت بالفعل حاجزها من أسبوعين وكان ممكن أكون دلوقتي من ملاك الرائعه الشارك يبقى ازاي اهاجم عربيه كنت عاوز اشتريها

بخصوص بقى الفرضيه اللي حضرتك بتقول عليها بتاعه الـ BMW فده حصل معايا فعلاً وربنا شاهد على اللي هقوله أن أنا لما حبيت اشتري الماتريكس اللي معايا دلوقتي والكلام ده كان اواخر 2007 كانت الماتريكس عامله 89.000 جنيه وكانت الـ BMW 318i موديل 2002 تعمل في حدود الـ 110.000 جنيه وقتها وده فرق بسيط وكنت أقدر عليه في وقتها وصديق ليا كان بيقول لي أشتري الـ BMW وعربيه محترمه وركوبه وطبعاً مفيش مقارنه بينها وبين الماتريكس وكان ردي عليه أن المشكله مش في تمن العربيه المشكله هل أنا بعد ما أجيبها هقدر على مصاريفها بعد كده ولا لأ وطبعاً رفضت الفكره رغم ان ركوب الـ BMW حلم بالنسبه ليه بس لازم عشان يتحقق أكون قادر عليه وإلا هيتحول لكابوس في النهايه وده طبعاً ميقللش من الـ BMW في شئ بس أنا اللي ظروفي لا تتناسب مع العربيه دي مش أكتر

وفي النهايه أنا بكرر أحترامي وتقديري لشخصك الكريم وبعتذر عن الاطاله
واحب قبل ما أقفل كلامي في موضوع أسعار قطع الغيار في الموضوع ده أني أعتذر لأي عضو قد يكون فهم كلامي بشكل خاطئ أو يكون كلامي زعله في أي شئ لان واضح جداً ان الكلام زعل بعض الاعضاء لكن الهدف من الكلام هو الصالح العام للجميع وليس الهجوم أطلاقاً وشكراً لكم على تقبل مروري على قسمكم المحترم

المشاركة الأصلية كتبت بواسطة mhkorayem

اولا أحب أبدأ بالسلام عليك واﻻختلاف فى الراى ﻻ يفسد للود قضية على رأي صديقنا tifa2015
بس أنا مش عارف ازاي حضرتك بتقول ان انا بكره الناس في العربيه الكلام ده مش صحيح بالمره وهتلاقيني في مواضيع كتير بنصح الناس بالعربيه دي ودايماً بقول ان العربيه دي هي افضل عربيه في الفئه السعريه دي وهتلاقي حتى الكلام ده في الموضوع ده نفسه في الصفحه الـ 13 وقلت فيه بالحرف لعضو كان بيسأل عن العربيه ( لو انت مش فارق معاك الشنطه واسعار قطع الغيار تبقى العربيه دي صفقه رابحه بكل المقاييس وحلال فيها كل قرش تدفعه )
وده لينك الصفحه ممكن تبص على ردي كامل وانت هتعرف اني مش بهاجم العربيه خالص واني بالفعل بحترم العربيه دي جداً
http://www.nilemotors.net/nile/399017-2014-13.html
بس كون اني بوضح للعضو اللي سأل على ضيق الشنطه النسبي وارتفاع اسعار القطع ده مش معناه هجوم ده عشان هو يشوف هل الحاجات دي هتناسب ظروفه واحتياجاته ولا لأ ويقرر على اساس سليم وهو ده الهدف الاساسي من المنتدي
وهرجع واقول تاني ارتفاع أسعار قطع الغيار ده مش معناه ان العربيه وحشه ومحدش يشتريها وإلا كانت تبقى المرسيدس مثلاً عربيه وحشه ومحدش يشتريها وطبعاً ده مش صح بس لازم اللي هيشتريها يكون عارف انه يقدر على مصارفها عشان ميقابلش مشاكل بعد كده

بخصوص بقى سعر فلتر الزيت السعر ده أنا جايبه من دايموند موتورز المعادي ولو في اي خطأ في السعر يبقى من مسؤول مبيعات قطع الغيار مش مني أنا
أما بالنسبه لاسعار قطع غيار البيجو 508 فده زي ما أنا كنت موضح أن أنا كنت ناقله من عضو محترم معانا في المنتدي وده أنا حبيت اقوله للتوضيح ليس إلا

وفي النهايه أنا بعتذر ليك جداً لو كنت حضرتك فهمت من كلامي اني بكرهك في عربيتك اللي أنا شخصيا بحبها جداً وده غير صحيح بالمره ولك منى فائق الاحترام لك وللشارك

يا فندم ولا زعل لا اي حاجه
كفايه زوق حضرتك
واهلا بيك معانا في رابطة مالكي الشارك

المشاركة الأصلية كتبت بواسطة amr_8800

سؤال صغير كده يا رجاله
دلوقتي زميلنا هنا tifa2015 فاجاني ان عربيته الشارك 2014 فتيسها ستيبترونيك
وانا عربيتي فتيسها عادي
كنت عايز اعرف انا بس الي كده ولا في حد زيي
عشان كنت فاكر ان الشارك كلها فتيسها واحد
ياريت كل واحد يدخل يقولنا فتيس عربيته عادي ولا استيب ويقولنا وكيل ولا خليجي

عشان نعرف الفرق ده من ايه عشان انا كنت في التوكيل يوم الاربع الي فات وشفت عربيات كتير كل الفئات وكلها كانت عادي مش استيب

محدش رد عليا في موضوع الفتيس يا رجاله
ينفع كده