ملاك لانسر شارك 2014 واهلا بالجميع

**محمد سمير حسين** · 21-04-2014 02:38 AM

المشاركة الأصلية كتبت بواسطة tifa2015

مساء الخير علي كل الشاركاوية الحمد لله ان الواحد جاب الشارك فى الوقت المناسب وخاصة بعد الخبر بتاع ميتسوبيشى ارتاج ( arrtag ) الجديدة 1200 سى سى لان المعرض وانا بشترى كان بيقولى ان البومة والشارك مش هتينزلوا تانى

مساء الجمال عليك هو الخبر ده صحيح علشان بس مش عاوزين نعمل اشاعات وكلام المعارض في اوقات كتيرة بيكون غلط وبدون اساس من الصحة وبعدين لو الخبر ده صحيح يبق احنا كده فعلا استفدنا لان هيفضل الشكل بتاعنا جديد علي طول ومفيش موديل هيغطي عليه يعني مصلحة لينا احنا

**محمد سمير حسين** · 21-04-2014 02:43 AM

المشاركة الأصلية كتبت بواسطة amr_8800

صباح الفل يا محمد بيك
بالنسبه لموضوع تويوتا فده هو الطبيعي بتاعهم
كل سنه بينتجو عربيات فيها عيوب صناعه وبعدين يرجعو يسحبوها للاصلاح
ده العادي بتاهم يعني
وبعدين بعد كده يقولو على نفسهم الصانع الاول للسيارات في العالم
ماشيين بمدأ الصيت ولا الغنا
وعربياتهم واخده شهرة زياده عن اللزوم والناس بتعشقها مش عارف على ايه
نفسي اعرف ايه الحلو في الكرولا 2013 عشان تتباع دلوتقي ب 175000 فاضيه اوتوماتك وطاسه بس
حتى المفتاح مش فيه ريموت
بجد حاجه تجنن
والناس برضو نازله تدور عليها زي المجانين خلو التجار يبيعوها بالاوفير برايس ده كلو تقريبا 20000 اوفير برايس
ناس غريبه
انا كده خلصت

وصباح الفل على كل الشاركاويه (اكتر ناس بيفهمو في مصر)

مساء الجمال عمرو باشا الحمد لله علي اختيارنا للشارك وربنا يباركلنا جميعا

**فتح الباب** · 21-04-2014 03:22 AM

معقول ماحدش غير اسكاترا ولا حد يعرف سعرها حتى مش ممكن

**tifa2015** · 21-04-2014 10:23 AM

المشاركة الأصلية كتبت بواسطة محمد سمير حسين

مساء الجمال عليك هو الخبر ده صحيح علشان بس مش عاوزين نعمل اشاعات وكلام المعارض في اوقات كتيرة بيكون غلط وبدون اساس من الصحة وبعدين لو الخبر ده صحيح يبق احنا كده فعلا استفدنا لان هيفضل الشكل بتاعنا جديد علي طول ومفيش موديل هيغطي عليه يعني مصلحة لينا احنا

والله يا استاذ محمد يا خبر بفلوس بكره يبقى ببﻻش كلها شهرين بالكتير وهنعرف انشاء الله طبعا انا مش متاكد وفعلا ممكن ده يكون كلام بتوع المعارض علشان التسويق

**Dr . Mohamed** · 21-04-2014 07:13 PM

المشاركة الأصلية كتبت بواسطة فتح الباب

معقول ماحدش غير اسكاترا ولا حد يعرف سعرها حتى مش ممكن

صديقى جابها استيراد بـ 2400 جنية

**Islam Mohamed** · 21-04-2014 09:41 PM

باركولي يا جماعة انا الحمد لله استلمت العربية لانسر شارك 2014 الفئة الثانية (:
و احلي تحية لكل الشاركاوية d:

**amr_8800** · 21-04-2014 11:24 PM

المشاركة الأصلية كتبت بواسطة islam mohamed

باركولي يا جماعة انا الحمد لله استلمت العربية لانسر شارك 2014 الفئة الثانية (:
و احلي تحية لكل الشاركاوية d:

الف الف مبروك
وربنا يديك خيرها ويكفيك شرها
والله بفرح لما عضو شاركاوي ينضم لينا
يلا خلي الشارك تغرق مصر

**tifa2015** · 21-04-2014 11:30 PM

المشاركة الأصلية كتبت بواسطة islam mohamed

باركولي يا جماعة انا الحمد لله استلمت العربية لانسر شارك 2014 الفئة الثانية (:
و احلي تحية لكل الشاركاوية d:

الف مليون مبرووك وربنا يديلك خيرها ويكفيك شرها

**flavio_egypt** · 22-04-2014 12:19 AM

المشاركة الأصلية كتبت بواسطة محمد سمير حسين

ربنا يباركلنا جميعا ويوفق الجميع يا رب علي فكرة انا كنت عاوز اقولك ان بالفعل في صوت جرس لما بتحط المفتاح وانا لسه ملاحظ الصوت دلوقتي بس معلش سؤال مني لحضرتك انت مهتم ليه بموضوع الصوت ده؟

والله لانى لاحظت ان فيه صوت فى عربية صديق ليا وهيا اوبترا ...وقالى انه المفروض ما ادورش العربية الا بعد ما الصوت يقف علشان بتكون العربية وقتها بقت جاهزة لادارة المحرك
فكنت عايز اعرف هل ده موجود فى الشارك ولا لاء
وشكرا على رد حضرتك يا استاذ سمير

**فتح الباب** · 22-04-2014 01:16 AM

[QUOTE=Dr . Mohamed;3875533343]صديقى جابها استيراد بـ 2400 جنية[/QUOTE
معلهش هتعبك معايا اسأل صديقك هو جابها بالمواتير بتاعتها ولا من غير مواتير وجابها منين بالتحديد ولو فى رقم تليفون واسف جدا لتعبك معايا واشكرك جدا