ملاك لانسر شارك 2014 واهلا بالجميع

**محمد سمير حسين** · 22-04-2014 11:13 AM

المشاركة الأصلية كتبت بواسطة islam mohamed

باركولي يا جماعة انا الحمد لله استلمت العربية لانسر شارك 2014 الفئة الثانية (:
و احلي تحية لكل الشاركاوية d:

الف مبروك وربنا يباراك لحضرتك وللجميع ويرزقك خيرها ويكفيك شرها ونورتنا يا باشا

**محمد سمير حسين** · 22-04-2014 11:15 AM

المشاركة الأصلية كتبت بواسطة flavio_egypt

والله لانى لاحظت ان فيه صوت فى عربية صديق ليا وهيا اوبترا ...وقالى انه المفروض ما ادورش العربية الا بعد ما الصوت يقف علشان بتكون العربية وقتها بقت جاهزة لادارة المحرك
فكنت عايز اعرف هل ده موجود فى الشارك ولا لاء
وشكرا على رد حضرتك يا استاذ سمير

والله انا معرفش المعلومة دي بس انا هحط المفتاح واستني علشان الاحظ الصوت لو الصوت وقف لوحده يبقي الكلام ده صح لو فضل شغال يبقي هو مجرد انذار او تنبيه انك ماتنساش المفتاح وتنزل من العربية وتحياتي لسيادتك

**محمد سمير حسين** · 22-04-2014 11:23 AM

المشاركة الأصلية كتبت بواسطة tifa2015

والله يا استاذ محمد يا خبر بفلوس بكره يبقى ببﻻش كلها شهرين بالكتير وهنعرف انشاء الله طبعا انا مش متاكد وفعلا ممكن ده يكون كلام بتوع المعارض علشان التسويق

استاذي العزيز تيفا اعتقد انها اشاعات وده لان البومة قعدوا يقولو اخر سنة تنزل من 2012 وفضلت حتي 2014 والتوكيل في 2014 قالها صراحة ان 2014 اخر سنة للبومة وانا بصراحة كنت سائل خدمة العملاء في دايموند علي ان الشارك كمان اخر سنة ليها 2014 ولا لأ ؟ قالي لا ده لسه بدري عليها بالنسبة لحضرتك تفضل ايه انها تكون اخر سنة للشارك كمان ولا تكمل شوية او نخليه موضوع نقاش للاخوة الافاضل الشاركوية المشتركين معانا في الرابطة ايه رايكو يا رجالة من وجهة نظركم ايه ممكن تكون المميزات والعيوب لو 2014 كانت اخر سنة للشارك

**Yasser Zaky** · 22-04-2014 11:55 AM

سؤال للشاركوية
استهلاك البنزين أخباره أيه لأني قرأيت في أحد المواقع المتخصصة في تقييم السيارات أن استهلاكها للبنزين عالي مقانة بمثيلاتها
رابط الموقع :
2014 Mitsubishi Lancer Review, Ratings, Specs, Prices, and Photos - The Car Connection

طبعا هو الموقع بيتكلم عن العربية ال2000 سسي مش ال1600 اللي بتنزل هنا ، بس حبيت أطمئن منكم
حيث ان ديه أول عربية هاشتريها زيرو في حياتي وعايز ابقى مطمئن

**محمد سمير حسين** · 22-04-2014 01:42 PM

المشاركة الأصلية كتبت بواسطة yasser zaky

سؤال للشاركوية
استهلاك البنزين أخباره أيه لأني قرأيت في أحد المواقع المتخصصة في تقييم السيارات أن استهلاكها للبنزين عالي مقانة بمثيلاتها
رابط الموقع :
2014 mitsubishi lancer review, ratings, specs, prices, and photos - the car connection

طبعا هو الموقع بيتكلم عن العربية ال2000 سسي مش ال1600 اللي بتنزل هنا ، بس حبيت أطمئن منكم
حيث ان ديه أول عربية هاشتريها زيرو في حياتي وعايز ابقى مطمئن

استهلاكها عادي جدا مافيهوش اي مشاكل وملحوظة في الطرق المفتوحة استهلاكها ما شاء الله عليه ممتاز

**Yasser Zaky** · 22-04-2014 03:45 PM

الله يطمنك يا أستاذ محمد

**محمد سمير حسين** · 22-04-2014 06:17 PM

المشاركة الأصلية كتبت بواسطة yasser zaky

الله يطمنك يا أستاذ محمد

ربنا يباركلك يا استاذ ياسر

**tifa2015** · 22-04-2014 06:26 PM

المشاركة الأصلية كتبت بواسطة محمد سمير حسين

استاذي العزيز تيفا اعتقد انها اشاعات وده لان البومة قعدوا يقولو اخر سنة تنزل من 2012 وفضلت حتي 2014 والتوكيل في 2014 قالها صراحة ان 2014 اخر سنة للبومة وانا بصراحة كنت سائل خدمة العملاء في دايموند علي ان الشارك كمان اخر سنة ليها 2014 ولا لأ ؟ قالي لا ده لسه بدري عليها بالنسبة لحضرتك تفضل ايه انها تكون اخر سنة للشارك كمان ولا تكمل شوية او نخليه موضوع نقاش للاخوة الافاضل الشاركوية المشتركين معانا في الرابطة ايه رايكو يا رجالة من وجهة نظركم ايه ممكن تكون المميزات والعيوب لو 2014 كانت اخر سنة للشارك

استاذ محمد الغالى الف شكر على المعلومة وبالنسبة للشارك اتمنى انها تفضل تنزل كام سنه كمان طبعا علشان مينزلش عليها شكل جديد يحرقها وتفضل عربياتنا جديدة على طول( احنا لسه شارينها يا باشا )مع انى شايف ان الشكل ده تحفه ولسه يدى كام سنه كمان

**محمد سمير حسين** · 22-04-2014 08:33 PM

المشاركة الأصلية كتبت بواسطة tifa2015

استاذ محمد الغالى الف شكر على المعلومة وبالنسبة للشارك اتمنى انها تفضل تنزل كام سنه كمان طبعا علشان مينزلش عليها شكل جديد يحرقها وتفضل عربياتنا جديدة على طول( احنا لسه شارينها يا باشا )مع انى شايف ان الشكل ده تحفه ولسه يدى كام سنه كمان

استاذ تيفا حبيب قلبي انا بقول انها تبقي مصلحة لينا احنا لو اللانسر فضلت بنفس الشكل الحالي (الشارك)وحتي لواتوقف انتاج الانسر وكان ده اخر موديل منها ومفيش لانسر تاني باي شكل يبقي احنا كده استقدنا لان الشكل بتاعنا ده مفيش لانسر تاني هيغطي عليه هو ده كان قصدي لكن طبعا لو لا قدر الله تم انتاج لانسر ولكن بتغير الشكل زي معملوا مع السيراتو مثلا لا طبعا يبقي ده مش في صالحنا وانا متفق معاك تماما ان الشارك تستحق تفضل بالشكل ده كمان كام سنة لانها ما شاء الله عليها في الشكل مواكبة للعصور القادمة كمان وفيها ميزة حلوة اوي انها من العربيات اللي تحب لما تلاقيها في الشارع تبص عليها وتتفرج عليها حتي لو عدت من قدامك كذه مرة تحس ان شكلها فيه حاجة بتخليك تبص عليها مش زي العربيات التانية تحس انك لما بتشوفها كذه مرة بتحس ان شكلها بقي مألوف ومافيهاش زهوة ارجو اني اكون قدرت اوضح كلامي لحضرتك يا تيفا باشا وربنا يباركلك ويبارك للجميع

**MRG256** · 22-04-2014 10:23 PM

السلام عليكم..

الرجاء من الاخوة الافاضل ملاك شارك 2014 توضيح الاتي بالنسبة لأعلى فئة
1. هل التارة ملتي فنكشن ولا لأ
2. هل يوجد مسند يد امامي وهل من السهل تركيبه بإتقان ان لم يكن موجود والسعر ان امكن
3. هل يمكن التحكم في ارتفاع كرسي السائق ولا لأ
4. هل يوجد فرش اسود على كل الالوان ولا الوان معينة و ياريت ذكرها ويا ترى التابلوه الاسود شكله حلو مع التطعيمة البني اللي فيه إذا كانت موجودة ولا لأ
5. ايه اكتر لون عملي ويبان فيه جمال العربية الأبيض ولا السيلفر ولا الرمادي
6. التشغيل بدون مفتاح عبارة عن زرار start/stop engine ولا حاجة زي مفتاح مثبت في الكونتاكت
7. الباركنج سينسور يتكلف كام في التوكيل ان وجد
8. الاستبن جنوط ولا عادي
9. آسف للإطالة .... وجزاكم الله خيراً