الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة amr_8800

يا فندم الثبات كل الي اقدر اقولك عليه انه خرافي
انا وصلت ل 190 بيها ومكنتش حاسس بحاجه وغرز يمين وشمال وانت مطمن جدا وهادي ومش قلقان من حاجه
والتكييف كويس اوي كمان
والموتور بجد جبار
عيبها الوحيد ان صوتها عالي بس
غير كده عربيه بجد محترمه اوي
والكاست التاتش راسم التابلوه رسمه تمام اوي
الفرش عندك بيج ولا اسود والابنوس كمان لونه ايه؟؟؟

انا اسف علي التأخير في الرد .. بس انا بتعامل بصعوبة مع المنتديات
انا الفرش بتاعي بيج والابنوس اسود
ده الميل بتاعي عالفيس بوك لو حضرتك معندكش مانع تضفني عشان عايز اتواصل معاك
Meedo_356@hotmail.com
واي شركاوي برضوا لو عايز يتواصل يتفضل يشرفني

في مشكلة في العربية دي فعلا من ناحية ان حاجتها مش موجودة
روحت لادريان في الهرم عشان عايز اركب بلوتوث وaux
اول ما شاف العربية قالي ملهاش ومش هينفع وش كده
انا نويت ان شاء الله اشتري زينون اوسروم واركبه في التوكيل هو غالي شوية الزينون ده بس بيعيش ونوره نضيف ومداه بعيد وبيفرش
حد يعرف الزينون الاوسروم الالماني بيتباع فين ؟؟

هل حد يعرف حل ؟؟ هل حد غير الكاسيت وركب كاسيت فيه كل حاجة ؟؟
وبالنسبة للستاير ايه الدنيا ؟؟
حد فكر يوطي العربية سيكا ؟؟

صباح الفل على الجميع..
أنا في البداية بأشكركم جميعا مشاركتكم من قبل ما أشتري الشارك 2014 وبعد ما اشتريتها وأنا بأتابعها، ورغم إني مش من هواة المنتديات خالص لكن قررت أكتب تجربتي مع الشارك علشان التجربة يستفيد منها أي حد زي ما استفدت منكم..

أنا اشتريت العربية من معرض الليثي في مدينة نصر الفئة الثانية ب 146 600 - تقريبا اضحك عليا في السعر لإن تقريبا الغالبية العظمى منك جابتها ب 145 ألف.
العربية بسم الله ماشاء الله في المجمل كانت اختيار موفق جدا، سحب العربية رائع وثباتها ممتاز أنا مشيت بيها لحد 180 ولو قررت أزود كانت هتجيب أكتر، العربية بصراخة مغرية جدا في الجري و160 بيها بحس إني مش بحس إني قلقان.
أنا مشيت بالعربية حوالي 7 آلاف كيلو وجايبها من حوالي شهرين.
بصراحة مش شايف للعربية مشاكل، استهلاك البنزين كويس وعلى الطرق السريعة تكاد تكون ما بتستهلكش بنزين.
أنا الوكيل بتاعي دايموند، أنا لحد دلوقتي شايفهم كويسين عملت هناك صيانة الألف وروحت ظبطت هناك التكييف، فضلت لحد ال 5 آلاف كيلو مقتنع إن العربية تكييفها زبالة، لحد ما روحتلهم نضفوا فلتر الهوا وبعد ما نضفوه التكييف بقى تكييييييف وزي الفل الحمد لله وما أخدوش فلوس.
حاجة بس غريبة حصلت معايا وهي إن الزجاج الأمامي وأنا ماشي فجأة لقيته اتشرخ كنت ماشي حوالي 3 آلاف كيلو، مش عارف ده طبيعي ولا إيه خاصة إن مافيش اصطدام لاقدر الله بحاجة أو طوبة كبيرة.
الحاجة التانية قضاء وقدر.. وهي حد خبطني من ورا، كنت مهدي لمطب ومشغل الانتظار لكن الله يسامحه كان سرحان وخبطني جامد :)
كنت نازل من العربية بقول مش هلاقي الشنطة من قوة الاصطدام بس الحمد لله الخبطة كلها جات في الاكصطدام، وأنا كده كده في التأمين.
روحت التوكيل عمل مقايسة للتصليح بحوالي 5 آلاف جنيه، وقالولي هحتاج أسيب العربية 5 أيام، من هنا لهنا وصلت معاهم ل 3 أيام، بس حد كان هناك في التوكيل من العملاء خوفني وقالي إن عربيته عندهم بقالها 3 شهور علشان إكصدام خلفي برده !!!!!!
بس أنا ما استريحتش للراجل بصراحة حاسيته بيكدب مش عارف ليه أو مجنون.. وده أول سؤال لحضراتكم - هو ممكن يكون كلامه مظبوط؟ :d
شوية استفسارات بقى لو سمحتولي علشان ما أطولش عليكم:
1- أنا عايز أركب مساند رأس ورا ومسند لإيد السائق وسبويلر وسنسور ركن وزينون وفوجات وزينون ؟
هل حد عنده خلفية عن الأسعار والأماكن.
بالنسبة للسبويلر قالولي في التوكيل 1500 جنيه هاي كوبي
الفوجات هاي كوبي 650 جنيه.
رأيكم الفوجات مهمة ولا الزينون ولا الاتنين مهمين ولا إيه؟
بالنسبة للسبويلر أنا مقلق من موضوع تخريم الشنطة خاصة إن حد قالي ممكن يأثر على البوية والصدا؟
طولت عليكم.. ومبروك عليكم جميعا اختيار الشارك بجد عربية رائعة وبأمانة شديدة أنصح أي حد بشرائها

من فضلكم انا اشتريت لانسر شارك 2014 و عايز اعرف :
1. هل من الضروري عمل صيانه ال 1000 كم الاولي
2. ما الذي يتم تغييرة في صيانة 1000 كم
3. ما هي تكلفة صيانة 1000 كم
4. افضل وارخص مكان لعمل الصيانة حيث ان سيارتي خليجي وليس توكيل ولم اعمل لها ضمان.
ولكم جزيل الشكر

المشاركة الأصلية كتبت بواسطة amr_8800

صباح الخير يا فندم
بالنسبه للزينون انا جايلي من بره نوع اسمه hella الماني هركبه في الفوجات عشان اعرف امشي بيه جوه البلد من غير ما حد يقعد يقلب ولا سواق يقولك النوووور يا بيه ولا القرف ده

وبصراحه انا اسمع عن الاوسرام انه محترم اوي بس معرفش بيتباع فين
بالنسبه بقا للكاسيت اعرف ناس مركبين في 2008 كاست تاتش مكتوب عليه ميتسوبيشي وده فيه بلوتوث وخرايط وصوته تحفه
بيجيبوه من بتوع الاستيراد في حدود 3000
اما الستاير بقا انا قلبت عليها شارع دمشق وملقتهاش
وقالولي لازم تفصيل مفيش جاهزه
ورحت للراجل الي بيفصل قالي الطقم ضهر وشباكين خلفين 220 جنيه وتاخد 3 ساعات شغل وانا مكنتش فاضي فمعملتهمش وكمان استغلتهم اوي
عشان كده قررت هفيم فاميه حراري
اما موضوع توطيه العربيه ده اوعى تعمله واوعى تلعب في العفشه
بس انت ممكن تجبلها جنط 18 استيراد الي هو بينزل فيها بره العربيه هتوطى معاك شويه

ايه الزجاج الحرااري ده وبكام
؟؟
وبالنسبة للتكييف والاستاذ اللى كان بيتكلم عنه .. انا فعلا حاسس ان التكييف زبالة وانا لحد دلوقتي ماشي ١٣٠٠ كيلو

؟؟