ملاك لانسر شارك 2014 واهلا بالجميع

**د.هشام** · 23-09-2015 08:38 PM

ألف مبروك، اختيار موفق

المشاركة الأصلية كتبت بواسطة ahmad_tahe2014

الحمد لله اشتريت شارك خليجي ضمان تريبل ايه من سمير ريان 2016 الفئة اللي قبل الهاي لاين بس عايز خبرتكم تدلوني علي الأتي:
1. مش عارف البصمة بتشتغل ازاي

××××× مش حقدر أفيدك في دي علشان مش عندي

2. عندي ريموت كنترول بس وفيه مفتاح طواريء ازاي اشغل خاصية مانع السرقة

×××××× الimmobilizer متفعل لوحده، معرفش تقصد ايه

3. مش عارف مكان اليو اس بي

××××××××ممكن ميكونش عندك، مش كل الفئات فيها، مكانه داخل درج التابلوه على الشمال، دور عليه

4. مش عارف اقلل اضاة التابلوه

×××××× حتلاقي زرار التحكم في الإضافة اللي على عداد السرعة (ناحية اليمين )

5. هل هناك انذار في الفئة دي ولا مفيش يعني هل ممكن يكون فيه صوت وانا بقفل العربية بالريموت لأن وانا بقفل وبفتح مفيش اي صوت

×××××××× مفيش إنذار في كل الفئات، بالنسبة لقفل العربية بالروموت، حتلاقي لمبة الإشارات نورت، يعني العربية اتقفلت كويس، لو ناسي باب أو شنطة مفتوحة العربية مش حتنور ومش حتقفل
6. عايز اركب فرش جلد للعربية بس خايف من فك الكراسي لأني بصراحة كان عندي بومة ومن ساعة ما فكيت الكراسي والأصوات بدات جوة العربية اصوات تزييق فأنا خايف من تركيب الفرش للعربية لأنهم مش بيرجعوا الصواميل زي بلادها مرة تانية

××××× انا معاك في النقطة دي. سبير كار عنده فرش ممتاز بيتركب من غير فك الكراسي من أول 450 جنيه وانت طالع.
منتظر ردكم يا شاركاوية

**Ahmad_Tahe2014** · 26-09-2015 04:23 PM

شكر خاص للدكتور هشام علي رده السريع وياريت رقم حضرتك يا دكتور نستشيرك ومش هنزعج حضرتك

**د.هشام** · 26-09-2015 06:06 PM

العفو يا باشا
01224722505

**محمد سمير حسين** · 07-10-2015 11:16 AM

اين انتم يا شاركاوية يا اجمل ناس

**Ahmad_Tahe2014** · 08-10-2015 07:00 PM

المشاركة الأصلية كتبت بواسطة mhmd_farouq

يا وحوش الشارك حد حس بموضوع النقله من التاني للتالت لما بيدوس بنزين بعد ما يهدي والعربيه تاخد سرعه التاني؟

انا كمان بحس بالنقل من التاني للتالت بس لو كنت بدوس بنزين جامد لكن لو زودت بنزين شوية شوية مش هتحس بيها ..انا كلمت الدكتور هشام بخصوص الوضوع ده وقالي طبيعي

**Ahmad_Tahe2014** · 08-10-2015 07:14 PM

العربية وصلت النهاردة 988 كيلو وهروح ان شاء الله لتوكيل تريبل ايه اللي في شارع الطيران وهكون عديت الألف ...انا هجيب الزيت 30-5 موبيل وان عشان احنا داخلين علي شتا وهما في التوكيل بيحطوا 50-5 وده هيكون تقيل اوي في فصل الشتا علي العربية...اتصلت بيهم قالولي مفيش مشكلة هات لو هتجيب الزيت معاك

هناك رسالة ايضا بتظهر وهي
Routine maintenance required

الدكتور هشام جزاه الله كل خير قالي انها كانت بتظهر وهما في الصيانة هيعدلوها.

العربية اوصي بها بشدة فهي مناسبة لشوارع مصر وعلوها ممتاز.....بصراحة انا حاسس بقيمة ABS و ABD جدا واللي بيقول ده كماليات يبقى غلطان دي اساسيات

**adham_gouda** · 20-10-2015 03:37 PM

عندى سؤال بعد اذنكم عربيتى شار ك2015 عاوز اعرف موضوع مقاس مياة التبريد لانى لاحظت تسريب خارج القربة مجرد خط بلون اخضر ومقاس المياة فى القربة اقل من المكسميم بحاجة بسيطة والردياتير مليان العربية توكيل وعملت صيانة 1000 فقط ولسة حوالى 2000 على صيانة 10000 وهل التسريب دة ممكن يكون بسبب الجوان اللى تحت الغطاء ولا اية وشاكر لمروركم الكريم

**mkhalaf** · 25-10-2015 01:31 AM

ازيكم ياشباب يارب تكونوا بخير تحياتي وتقديري للجميع وبالاخص د هشام وباشمهندس محمد على سرعة ردودهم ومحاولة مساعدة اي حد عنده استفسار
بحمد الله تعالى اشتريت خليجي الفئة التانيه من عند سمير ريان فيها شاشة وكاميرا وجنوط
بس لي سؤال هل يمكن صحيح زي ماسمعت ترقية وتزويد الشاشة بوصله يو اس بي وجي بي اس ولا لا
وايه في الكماليات التانيه ممكن تضاف للعربية زي البصمة والطارة المالتي وهل هتتكلف كتير

**mahmoudelazab** · 26-10-2015 11:43 AM

شباب معروض عليا عربيتين واحدة خليجي حمرا ماشيه 4000 جنوط و سبوير و فيميه و 2 ايرباج و ايه بي اس موديل 2015 من غير ضمان و فيها رخصة سنتين

وواحدة شرق أوسط فيراني ماشية 15000 نفس الكماليات بيزيد عليها كاسيت تتاتش ب يو أس بي و كاميرا ركن بس تحسه أن هوه إللى مركبة و ضمان تريبل أيه فاضل فيه سنة و رخصة خلصانة
الأتنين فابريكا بره وجوه و الخليجي أغلى ب ألف و خمسمية جنيه تنصحوني بأيه