الموضوع: استطلاع راى ملاك البيجو 301 الاوتوماتيك بخصوص التعامل مع الفتيس

المشاركة الأصلية كتبت بواسطة m.basha

متشكر يا باشا كن مستنى ردك بصراحة لانى بثق فيه . بس وضع ال * ده اللى فى الفتيس مش بيفرق فى حاجة يعنى بياثر على استهلاك البنزين او يبقى مشكلة على الفتيس لو مشيت بيه فترة طويلة او السحب بيبقى مش طبيعى معاه و لا كل الكلام ده مدى صحته من عدمها و شكرا لحضرتك مرة اخرى

الشكرلله, و أشكرك علي ثقتك في ردودي.
وإن شاء تستفاد برضه من ردود باقي الزملاء وتجاربهم في القسم.

وضع ال* مش هيفرق لو مشيت فترة طويلة أو صغيرة,,
بس طبعاً مهواش نظام تمشي عليه طول الوقت هوا و نظام ال Sport لأنه هيبقي حمل زايد علي الفتيس مالوش لازمة,
لكن النظامين ليهم أوقات مفيد أنك تشغلهم فيها,

أنا عن نفسي بمشي عليه في الزحمة والطرق المكسرة بقالي حوالي ٣ سنين.
لأنو بيريح العربية من النقلات الكتير اللي ملهاش لازمة ولأني مبحبش أشوف الفتيس عمال بينقل من أول لتاني كل ما أتحرك وكل ما أهدي يسقط من تاني لأول,,

ويرجع تاني ينقل ويسقط ما بين الأول والتاني كل ما أتحرك من في طريق في زحمة وسرعتي مش بتعدي ال ٣٠ كيلو.!
فعشان كدا بريح الفتيس وأحطه عال* وأول ما أطلع من الزحمة بلغي الSnow mode وأرجع للوضع الطبيعي تاني.

أستهلاك البنزين بيزيد نسبياً مع نظام الSnow أو Sport
بس في حالة الSnow مش بيكون رقم كبير زي ال Sport لأنك مش بتحرق علي الغيارات ولا بتجري وماشي في زحمة,,

والسحب بيكون طبيعي بعد ما بتلغيه وبتنقل عادي زي الأول.

المشاركة الأصلية كتبت بواسطة m.basha

شكرا باشا على معلوماتك القيمة باستمرا ر عارف احلى حاجة عجبانى فى المنتدى ده ايه ان الناس بتساعد بعضها و بتقول المعلومات اللى عندها للناس التانية على الرغم ان اغلب الناس ما يعرفوش بعض و لا شافه بعض قبل كده فعلا كلام محترم للاعضاء كلها نفس بئا تعمل اقتراح ان ملاك العربية يتجمعوا مع بعض و يتعرفوا على بعض و تبقى فرصة يفيدوا بعض على الاقل اللى فى اسكندرية يتجمعوا مع بعض و اللى فى القاهرة يتجمعوا مع بعض و هكذا ياريت تتبنى الفكرة و الاقتراح و شكرا

الشكر لله, وفعلاً الأقسام المفروض بتنظم مقابلة مرة أو مرتين في السنة.
في الغالب بتكون مرة في رمضان ومرة في الصيف, بس مش شرط في الأوقات دي.
إن شاء الله نظبط واحدة لما الجو يتظبط شوية,
الشتاء مش مشحع علي الخروج خالص وخصوصاً للناس اللي هتكون جاية من سفر سواء للقاهرة أو الاسكندرية.