الموضوع: استطلاع راى ملاك البيجو 301 الاوتوماتيك بخصوص التعامل مع الفتيس

بسم الله الرحمن الرحيم
السلام عليكم و رحمة الله و بركاته 301 مليون مبروك و ربنا يديك خيرها و يمنع عنك شرها ان شاء الله
انا معايا 301 هايلاين و هاقول لحضرتك حاجة بخصوص النتشة :- هي فعلاً كانت موجودة و دة بسبب السوفت وير و دة مش عيب فيها لاسمح الله بس يبدو انه كان مقصود لسبب او لاخر الله اعلم .... الحل سعادتك انك تعدي على التوكيل في ساعة زمن بينزل سوفت وير بيلغي المشكلة دي و لو استنيت لغاية صيانة ال 2500 كدة كدة هايظبطوهالك.... و اهم حاجة تخلي بالك من البنزين لازم يكون من مكان نظيف .... و ان شاء الله كل يوم هايعدي عليك هاتحمد ربنا انك اخترت العربية دي لانها فعلاً حصان اسود .... و ربنا يباركلك فيها يارب

المشاركة الأصلية كتبت بواسطة د/سامح

بسم الله الرحمن الرحيم
السلام عليكم و رحمة الله و بركاته 301 مليون مبروك و ربنا يديك خيرها و يمنع عنك شرها ان شاء الله
انا معايا 301 هايلاين و هاقول لحضرتك حاجة بخصوص النتشة :- هي فعلاً كانت موجودة و دة بسبب السوفت وير و دة مش عيب فيها لاسمح الله بس يبدو انه كان مقصود لسبب او لاخر الله اعلم .... الحل سعادتك انك تعدي على التوكيل في ساعة زمن بينزل سوفت وير بيلغي المشكلة دي و لو استنيت لغاية صيانة ال 2500 كدة كدة هايظبطوهالك.... و اهم حاجة تخلي بالك من البنزين لازم يكون من مكان نظيف .... و ان شاء الله كل يوم هايعدي عليك هاتحمد ربنا انك اخترت العربية دي لانها فعلاً حصان اسود .... و ربنا يباركلك فيها يارب

الله يبارك فى حضرتك يعنى فعلا لما عملت تحديث للسوفت وير الموضوع بيفرق شويه و لا عادى مش فارقة اصل كل اللى عملت تحديث فى السوفت وير قالوا انى اللى فرق سحب العربية و استهلاك البنزين بس مفرقش اوى فى موضوع النتشة او الخطفة دى اللى ما بين الغيار الاول و الثانى

المشاركة الأصلية كتبت بواسطة ahmed amin

حضرتك بتقول


فأنت المشكلة أن رجلك لسه مأخدتش علي الدواسة, وبتدوس لها جامد,,
ودا طبيعي في الأول شوية لحد ما تاخد عل العربية, والعربية عزم الأول فيها عالي فهتطلع معاك علي طول.

وعشان العربية متطلعش بيك مرة واحدة وتاخد براح لو السكة ماشية واحدة واحدة زي ما بتوصف
أضغط علي علامة ال * النجمة اللي في الفتيس, ودي هتخلي العربية تطلع معاك براحة حتي لو كبست بنزين علي الأخر,, وبرضه لما تدوس فرامل هتلاقي أداء الفرامل أفضل معاك.

جرب كدا لما تبقي في زحمة وعرفني بالنتيجة,
وخلي رجلك حنينة علي البنزين.:f_eyeb1[1]:

متشكر يا باشا كن مستنى ردك بصراحة لانى بثق فيه . بس وضع ال * ده اللى فى الفتيس مش بيفرق فى حاجة يعنى بياثر على استهلاك البنزين او يبقى مشكلة على الفتيس لو مشيت بيه فترة طويلة او السحب بيبقى مش طبيعى معاه و لا كل الكلام ده مدى صحته من عدمها و شكرا لحضرتك مرة اخرى

المشاركة الأصلية كتبت بواسطة ahmed amin

الشكرلله, و أشكرك علي ثقتك في ردودي.
وإن شاء تستفاد برضه من ردود باقي الزملاء وتجاربهم في القسم.

وضع ال* مش هيفرق لو مشيت فترة طويلة أو صغيرة,,
بس طبعاً مهواش نظام تمشي عليه طول الوقت هوا و نظام ال sport لأنه هيبقي حمل زايد علي الفتيس مالوش لازمة,
لكن النظامين ليهم أوقات مفيد أنك تشغلهم فيها,

أنا عن نفسي بمشي عليه في الزحمة والطرق المكسرة بقالي حوالي ٣ سنين.
لأنو بيريح العربية من النقلات الكتير اللي ملهاش لازمة ولأني مبحبش أشوف الفتيس عمال بينقل من أول لتاني كل ما أتحرك وكل ما أهدي يسقط من تاني لأول,,

ويرجع تاني ينقل ويسقط ما بين الأول والتاني كل ما أتحرك من في طريق في زحمة وسرعتي مش بتعدي ال ٣٠ كيلو.!
فعشان كدا بريح الفتيس وأحطه عال* وأول ما أطلع من الزحمة بلغي الsnow mode وأرجع للوضع الطبيعي تاني.

أستهلاك البنزين بيزيد نسبياً مع نظام الsnow أو sport
بس في حالة الsnow مش بيكون رقم كبير زي ال sport لأنك مش بتحرق علي الغيارات ولا بتجري وماشي في زحمة,,

والسحب بيكون طبيعي بعد ما بتلغيه وبتنقل عادي زي الأول.

شكرا باشا على معلوماتك القيمة باستمرا ر عارف احلى حاجة عجبانى فى المنتدى ده ايه ان الناس بتساعد بعضها و بتقول المعلومات اللى عندها للناس التانية على الرغم ان اغلب الناس ما يعرفوش بعض و لا شافه بعض قبل كده فعلا كلام محترم للاعضاء كلها نفس بئا تعمل اقتراح ان ملاك العربية يتجمعوا مع بعض و يتعرفوا على بعض و تبقى فرصة يفيدوا بعض على الاقل اللى فى اسكندرية يتجمعوا مع بعض و اللى فى القاهرة يتجمعوا مع بعض و هكذا ياريت تتبنى الفكرة و الاقتراح و شكرا