الموضوع: ياريت مساعده فى اختيار احسن ريسيفر

انا نزلت كارفور ملقتش غير " استرا " بـ 739 و " تورمان " 999 و " مش فاكر " كان ب 1100

انا احترت اجيب ايه انا كنت هاجيب الاوبن سات بس الراجل الى هناك رشحلى تورمان
فضل يقولى كلام مفهمتش منه ولا كلمه d:
فقلت ااجل الموضوع شويه
لحد مفهم
هو ايه سيرفر مجانى لمده سنه دا طب بعدها هادفع اشتراك لمين !! وهل دا موجود فالى فى كارفور ولا لا
ايه " كامه " دى !!
دلوقتى لو عايز اجيب القنوات المشفره لازم واحد هو الى يجبهالى ولا انا اقدر اعملها

معلش اسئله غبيه بس انا متوقف عقلى على الريسفر العادى :))
اعذروا جهلى

رسيفر 7500 Drake plus ...... يأتي في المركز الثاني بالنسبة لي بعد أجهزة Dream box ......... رسيفر بيستحمل ( صخرة ) .............. كوري............. أوبشنز لا حصر لها ........... حوالي 1000 جنيه بس يستاهل

المشاركة الأصلية كتبت بواسطة طارق _عبد السلام

هو مش حضرتك عايز ريسيفر يكون سريع وصورته حلوه وشغال وى الفل بدون مشاكل
انا قلت لحضرتك الاوبن مش هبالغ هو شغال ماشاء الله زى الفل
اغلب الريسيفرات الاتش دى فيها موضوع التهنيج لو ضغط على الجهاز بتقليب قنوات بسرعه مثلا الاوبن لالالالالالالالالالالالا
عندى الكيوماكس الجوكر الكورى ذو السمعه المحترمه بيهنج وكان سيرفره سىء جدا وتقيل فى التقليب مع انى متابعه بالتحديثات وعليه افضل سوفت وير لكن فرق شاسع بينه وبين الاوبن
مع ان الاوبن رخيص لكن فيه كل اللى انت عايزه
بخصوص السيرفر هكلمك عن الاوبن لانه عندى الجهاز بيجى عليه سيرفر مجانى لمده 15 شهر
حضرتك بتوصله بالنت فقط وتفعل البلوجن بتقف على اى قناه مشفره وبتكتب بالريموت 9876 وتفعل البلوجن لمره واحده فقط يعنى مش كل ماتفتح الريسيفر هى اول مره بس بس لو حبيت تقفله علشان توقف عداد السيرفر يعنى لو عايز المده تطول معاك اكتر من 15 شهر بكده السيرفر هيشتغل وتقلب القنوات عادى جدا بس مش هيفتح لك الاوربت طبعا وبيفتح المشفر بسرعه القناه العاديه عكس ريسيفرات تانيه كتيرويبدأ عندك لمده سنه و3 شهور بيفتح الجزيره والايه ار تى وقنوات كتير على اقمار تانيه بعد انتهاء السنه و3 شهور تقدر حضرتك بعد كده مع اى حد بتاع ريسيفر او اى موقع ستالايت على النت تشترك فى سيرفر مدفوع لو حبيت تقريبا السنه ب200 جنيه وانت اللى بتشغل جهازك وتفعله محدش هيجيلك البيت الموضوع بسيط
ولعلم حضرتك انا مشتريتش الاوبن علشان سعره مش هقولك البياعين كانوا بيتكلموا فى 500 جنيه وهو سعره 375 انا اشتريته لان اكثر من واحد جربه وشكر فيه جدا جدا وكلهم عفاريت فى موضوع الريسيفرات وختى البائع قال الريسيفر ده مبيستناش عنده
بس وبناء عن تجربه نقلتها لحضرتك واكيد فيه انواع تانيه كتير ممكن منهم شىء يعجبك

والله مالقيته انا كاتب انى كنت رايح اشتريه ملقتوش
طيب اقدر اجيبه منين -قرب اكتوبر- انا دورت فى كارفور مالقتوش

وشكرا على شرح فك الشفره :)