عاوز اخد قرار نهائي و محتاج راي منسق القسم و ملاك 301

**smsm2004w** · 10-01-2014 10:47 PM

المشاركة الأصلية كتبت بواسطة aswasiam

حصل خير يا اخوانا و ارائكم كلها علي راسي و مشكورين جميعا علي مساعدتي و مش هنخسر بعض عشان رأيي و للاسف انا ما عنديش اي توكيل في اسوان غير مركز خدمة معتمد لرينو و الفلوينس فوق امكانياتي و الداستر مانيوال بس و انا بطلت اركب مانيوال من 5 سنين يعني في كل الحالات هاسافر للصيانة بس الفرق اسافر اسيوط ولا القاهرة لو بيجو يبقي القاهرة بس انا ما باحبش السفر بالعربية و غالبا باسافر القاهرة طيران و ربنا يوفقني للي فيه الخير و مشكورين جميعا علي مشاركاتكم

انا شايف انك ليك حق تتردد بس فعلآ 301 افضل الخيارات المتاحة فى الفئة السعرية من 108الف لغاية 150 الف ويمكن اكثر علشان كده استخير ربنا وانشاء الله هيدلك على الخير
تحياتى

**abohend** · 10-01-2014 11:57 PM

عدم وجود مراكز خدمة فالصعيد هيأثر في إنتشار السيارة بالذات في الصعيد الجواني البعيد عن القاهرة
ده هيعمل حاجتين متناقضتين
الحاجة الكويسة: تميز صاحب السيارة وسط جميع السيارات (يعني هتلاقي ناس فاكراها ب180 ألف و لا حاجة) لكن في القاهرة و الأسكندرية و بحري عموما إنتشار العربية هيخلي طوب الأرض عارف إنها عربية إقتصادية

الحاجة السيئة: الإضطرار للسفر عند الأعطال..
الصيانات مفيهاش مشكلة إنت كده كده هتبقى عامل حسابك على سفر و مجهز أمورك و العربية بإذن الله هتكون في حالة كويسة
لكن المشكلة الحقيقية في الأعطال لأنها بتظهر فجأة و في أوقات حرجة أحيانا و بتبقى محتاج حد يلحقك
أنا فالأسكندرية و عربية من 2001 (بيجو 206) و حتى الآن لو روحت لأي كهربائي بيبوظلي الدنيا و يjumper أي دايرة مش فاهمها..مبالك فأسوان و عربية جديدة و مفيش مركز خدمة و لا حتى كهربائي أو ميكانيكي أشتغل فالعربية قبل كده

الموضوع محتاج تفكير عميق
و رغم إني حاجز العربية لكن نصيحتي شوف عربية تانية ليها مركز خدمة قريب عشان بعد كام سنة لما تبدأ أعطال تظهر فالعربية و متلاقيش حد ينجدك أو كل تصليح محتاج مشوار 750 كيلو و يا سلام بقى لو العربية مش عايزة تتحرك و محتاجة تصليح ساعتها هتأجر ونش يخدها لحد القاهرة..هتكره العربية و السواقة و الشوارع..حتى ملحق الأهرام بتاع السيارات

مجرد رأي..و عليك بالإستخارة و إن شاء الله موفق

**Yousef.Kamel** · 11-01-2014 01:34 AM

المشاركة الأصلية كتبت بواسطة aswasiam

حصل خير يا اخوانا و ارائكم كلها علي راسي و مشكورين جميعا علي مساعدتي و مش هنخسر بعض عشان رأيي و للاسف انا ما عنديش اي توكيل في اسوان غير مركز خدمة معتمد لرينو و الفلوينس فوق امكانياتي و الداستر مانيوال بس و انا بطلت اركب مانيوال من 5 سنين يعني في كل الحالات هاسافر للصيانة بس الفرق اسافر اسيوط ولا القاهرة لو بيجو يبقي القاهرة بس انا ما باحبش السفر بالعربية و غالبا باسافر القاهرة طيران و ربنا يوفقني للي فيه الخير و مشكورين جميعا علي مشاركاتكم

اعتقد انه فيه مركز معتمد للتويوتا (البرجسى) فى دراو اسوان كمان

**eng_alaaali440** · 11-01-2014 04:15 PM

المشاركة الأصلية كتبت بواسطة aswasiam

عاجز عن الشكر يا اخوانا علي ردودكم الهايلة بس في نقطة انا هاوضحها انا استخدامي للعربية خفيف يعني عربيتي فيرنا 2007 جايبها زيرو و عاملة 28 الف كيلو لحد النهاردة و في الغالب البيجو لو جبتها ان شاء الله بردو هيكون نفس الاستخدام تقريبا و بردو هاغيرها بعد 5 او 6 سنين فهل ده هيفرق في قراري ولا ايه رايكم

على كده العربية معاك تبقى لسه زيرو ده انا بايع عربيتى موديل 2010 لانوس من شهرين فاتوا كانت عامله معايه 118000 كيلو والله المستعان

**aswasiam** · 11-01-2014 07:12 PM

المشاركة الأصلية كتبت بواسطة eng_alaaali440

على كده العربية معاك تبقى لسه زيرو ده انا بايع عربيتى موديل 2010 لانوس من شهرين فاتوا كانت عامله معايه 118000 كيلو والله المستعان

فعلا العربية لسه زي الزيرو و بحالتها و غالبا مش هابيعها غير لحد معرفة لاني مستخسر ابيعها لتاجر بس انا عاوز احسن وضعي شوية و اركب فئة اعلي عشان كده بافكر في ال 301 لانها فيه كل اللي باتمناه في عربية بسعر مناسب و الله المستعان

**eng_alaaali440** · 11-01-2014 07:42 PM

المشاركة الأصلية كتبت بواسطة aswasiam

فعلا العربية لسه زي الزيرو و بحالتها و غالبا مش هابيعها غير لحد معرفة لاني مستخسر ابيعها لتاجر بس انا عاوز احسن وضعي شوية و اركب فئة اعلي عشان كده بافكر في ال 301 لانها فيه كل اللي باتمناه في عربية بسعر مناسب و الله المستعان

انا بصراحة قاعت فترة طويلة افكر ومتابع كل الموديلات الجديدة الى نزلت السوق وبصراحة بعد تفكير كثير استقريت على بيجو 301 هاى لاين وحجزتها وهستلم الأسبوع ده انشاء الله وعلى فكرة اخر مقارنة كانت بين البيجو والرينو الفلوانس والبيجو كسبت علشان سعرها وقطع غيارها الى زى العربيات الكورى ويمكن اقل من الكورى

**abohend** · 11-01-2014 07:50 PM

المشاركة الأصلية كتبت بواسطة aswasiam

عاجز عن الشكر يا اخوانا علي ردودكم الهايلة بس في نقطة انا هاوضحها انا استخدامي للعربية خفيف يعني عربيتي فيرنا 2007 جايبها زيرو و عاملة 28 الف كيلو لحد النهاردة و في الغالب البيجو لو جبتها ان شاء الله بردو هيكون نفس الاستخدام تقريبا و بردو هاغيرها بعد 5 او 6 سنين فهل ده هيفرق في قراري ولا ايه رايكم

أكيد طبيعة إستخدامك هتأثر على قرارك
إستخدام أقل يبقى إستهلاك أقل و بإذن الله أعطال أقل و عدد مرات صيانة أقل
كده البيجو ممكن تبقى خيار إقتصادي و عملي في نفس الوقت

**Hazem Osman** · 14-01-2014 12:37 PM

ربنا يوفقك للقرار المناسب ..وفي رأي المتواضع موش فارقة أن مفيش مركز صيانة في أسوان(مقابل قيمة وامتلاك عربية زى دى) وخاصة إن استهلاك حضرتك زى ماقلت خفيف
إما بالنسبة للأعطال يعنى لاقدر الله موش قبل 3 سنين ساعتها يكون لكل حادث حديث ويمكن تكون أسوان بقت عاصمة مصر:)

**mahmed0100** · 14-01-2014 01:24 PM

المشاركة الأصلية كتبت بواسطة aswasiam

عاجز عن الشكر يا اخوانا علي ردودكم الهايلة بس في نقطة انا هاوضحها انا استخدامي للعربية خفيف يعني عربيتي فيرنا 2007 جايبها زيرو و عاملة 28 الف كيلو لحد النهاردة و في الغالب البيجو لو جبتها ان شاء الله بردو هيكون نفس الاستخدام تقريبا و بردو هاغيرها بعد 5 او 6 سنين فهل ده هيفرق في قراري ولا ايه رايكم

لو ده استخدامك .. يبقي اوعي تركب حاجه غير بيجو 301
و ربنا يكرمك فيها إن شاء الله.