تعمل لية لو كنت مكانى؟ صاحب العمارة غير كالون شقتى وهى فاضية وبياخد حقة مقدما

**drcobra** · 27-02-2014 06:42 PM

بعد اكتر من شهر ونصف تجربة لاقيت ان فى ناس الزوق مبينفعش معاهم
واراء الناس اللى اقترحة الحل القانونى وانى لازم ابهدلة كان صحيح
فعلا فى ناس لتربت على الغيرة والحسد
انا ندمان انى دخلت والدى وحماى فى الموضوع لانهم اتعاملوا بطيبة فالجبان دة اتفرعن اكتر
وداعا للزوق للادب للاحترام مع الاشكال دى
واهلا بيه فى عالم الجحيم

**eslamrace** · 27-02-2014 07:59 PM

اهم حاجه وانت بتعمل المحضر خد معاك محامى وظبط الامين اللى حيكتبلك المحضر تظبيطه محترمه وهاتله كوبايتين شاي واقعد معاه وهو بيكتب المحضر خد رايه ممكن يتكتب ايه زياده يقرفه والمحامى بتاعك يرتب الكلام ده فى محضر محترم "ومهم جدا ترش فلوس فى القسم علشان تعرف تتحكم وتظبط"
ولو محاميك جدع ممكن بالتوكيل اللى معاه يظبطه فى الضرايب والحى والمرافق "كهرباء ومياه" وخللى كلامك كله بالقانون متتكلمش معاه فى اى قعده عاديه لانه مش حيكبرلك اول متلاقيه فتح معاك كلام سواء بشكل مباشر او عن طريق التليفون رد بكلمه واحده بس كلامك مع المحامى بتاعى انا معنديش كلام اقوله .
وسيبه يتعايش مع الحكومه كفايه الاستدعاءات اللى حتجيله وممكن تخللى المحامى بتاعك يشوفلك صيغه توقف بيها الاقساط لحين انتهاء النزاع علشان برضه ميمسكش عليك حاجه .
ونصيحه خللى حل انك تاخد حقك بدراعك اخر حل لانه غالبا مبيكنش فيه كسبان بيطلع كل الاطراف خسرانين وطالما انه مش طبعك حتخسر احترامك لنفسك بمجرد متدخل السكه دى ومتقلقش بلدنا الحكومه بتجيب الحق بس المهم تعرف تتعامل معاها سواء بواسطه او بفلوس او بالطريقه "انك تكسب الناس" .
تحياتى واتمنى المشكله تنتهى على خير .

**raslan** · 27-02-2014 11:03 PM

[COLOR="DarkOrange"][B][SIZE="4"]ربنا معاك وان شاء الله تستريح من الوش ده وفعلا فيه ناس مينفعش معاها الذوق والادبOLOR]

**raslan** · 27-02-2014 11:05 PM

ربنا معاك وان شاء الله تستريح من الوش ده وفعلا فيه ناس مينفعش معاها الذوق والادب
بس المهم المحامى يكون معرفه وكويس ليبيعك للراجل وكمان متخليهوش يستفزك للغلط وامشى قانونى زى ما الزملا كاتبين كلام مهم
ربنا معاك وابق طمنا عملت ايه

**drcobra** · 28-02-2014 12:07 AM

المشاركة الأصلية كتبت بواسطة eslamrace

اهم حاجه وانت بتعمل المحضر خد معاك محامى وظبط الامين اللى حيكتبلك المحضر تظبيطه محترمه وهاتله كوبايتين شاي واقعد معاه وهو بيكتب المحضر خد رايه ممكن يتكتب ايه زياده يقرفه والمحامى بتاعك يرتب الكلام ده فى محضر محترم "ومهم جدا ترش فلوس فى القسم علشان تعرف تتحكم وتظبط"
ولو محاميك جدع ممكن بالتوكيل اللى معاه يظبطه فى الضرايب والحى والمرافق "كهرباء ومياه" وخللى كلامك كله بالقانون متتكلمش معاه فى اى قعده عاديه لانه مش حيكبرلك اول متلاقيه فتح معاك كلام سواء بشكل مباشر او عن طريق التليفون رد بكلمه واحده بس كلامك مع المحامى بتاعى انا معنديش كلام اقوله .
وسيبه يتعايش مع الحكومه كفايه الاستدعاءات اللى حتجيله وممكن تخللى المحامى بتاعك يشوفلك صيغه توقف بيها الاقساط لحين انتهاء النزاع علشان برضه ميمسكش عليك حاجه .
ونصيحه خللى حل انك تاخد حقك بدراعك اخر حل لانه غالبا مبيكنش فيه كسبان بيطلع كل الاطراف خسرانين وطالما انه مش طبعك حتخسر احترامك لنفسك بمجرد متدخل السكه دى ومتقلقش بلدنا الحكومه بتجيب الحق بس المهم تعرف تتعامل معاها سواء بواسطه او بفلوس او بالطريقه "انك تكسب الناس" .
تحياتى واتمنى المشكله تنتهى على خير .

الف شكر على اهتمام حضرتك
الموضوع هدى دلوقتى وانا معملتش محضر وقت المشكلة من شهر ونص وبصلراحة حاسس انى غلطت لانى لو كنت فكرت فى الموضوع قانونا كنت سجنتة او على الاقل عرفتة انى ممكن اتعبة
اللى عملتة ان كل الناس عرفت الشخص دة وانة طماع وخاين للامانة.
اتمنى يتقى ربنا ونعيش مع بعض جيران كويسين لكن انا متوقع المشاكل وهو انسان بيغلط وربنا بيعمية ولو حصلت اى مشكلة هيكون الحل القانونى هو الاول
دلوقتى انا اديتة تحزير قدام عيلتة كلها يعنى المرة الجاية على وعلى اعدائى
مرة تانى شاكر اهتمام حضرتك

**drcobra** · 28-02-2014 12:10 AM

المشاركة الأصلية كتبت بواسطة raslan

ربنا معاك وان شاء الله تستريح من الوش ده وفعلا فيه ناس مينفعش معاها الذوق والادب
بس المهم المحامى يكون معرفه وكويس ليبيعك للراجل وكمان متخليهوش يستفزك للغلط وامشى قانونى زى ما الزملا كاتبين كلام مهم
ربنا معاك وابق طمنا عملت ايه

انا سعيد جدا باهتمام الاعضاء الكرام وحضرتك طبعا
واشكرك جزيل الشكر على المشاركة
وانا انسان الحمد لله طيب وعارف ربنا واهلى علمونى ما ادخلش فى شئون غيرى
اشكرك على تفاعلك

**drcobra** · 28-02-2014 12:15 AM

يا جماعة انا استفدت من مشاركتكم
وحبيت اعرض مشكلتى علشان كلنا نتعلم منها
وانا اتعلمت حاجات كتيرة من المنتدى
وان شاء الله هعرض تطورات الموضوع واخد رأى اخوانى واخواتى بالمنتدى
ولكم جزيل الشكر

**eslamrace** · 28-02-2014 12:19 AM

المشاركة الأصلية كتبت بواسطة drcobra

الف شكر على اهتمام حضرتك
الموضوع هدى دلوقتى وانا معملتش محضر وقت المشكلة من شهر ونص وبصلراحة حاسس انى غلطت لانى لو كنت فكرت فى الموضوع قانونا كنت سجنتة او على الاقل عرفتة انى ممكن اتعبة
اللى عملتة ان كل الناس عرفت الشخص دة وانة طماع وخاين للامانة.
اتمنى يتقى ربنا ونعيش مع بعض جيران كويسين لكن انا متوقع المشاكل وهو انسان بيغلط وربنا بيعمية ولو حصلت اى مشكلة هيكون الحل القانونى هو الاول
دلوقتى انا اديتة تحزير قدام عيلتة كلها يعنى المرة الجاية على وعلى اعدائى
مرة تانى شاكر اهتمام حضرتك

لا شكر على واجب كلنا اخوات والنصيحه واجبه علينا كلنا
وطالما الموضوع هدى يبقى خلاص بس المهم تكون مرتاح نفسيا للى حاصل علشان متبقاش عايش فى نكد وهو مبسوط ولو انت مرتاح نفسيا فافضل قرار انك تتعايش معاه واذا فى اى وقت حسيت انه حيعمل معاك اى فصل بايخ صدر دايما محاميك لان كلمه "الكلام مع المحامى بتاعى" مع الناس دى خاصه وهو عارف انه غلطان حتحميك من تطور الموقف وحتخللى الكلام اللى بيتقال ليه اساس قانونى وعلى فكره ده اللى بيحصل فى اغلب الدول الغربيه فى اى نزاع المحاميين هم اللى بيتكلموا نيابه عن الافراد علشان كمان يبقى فى وقت للتفكير فى اى قرار بحجه الرجوع لصاحب الشأن .
تحياتى .